مەملەكەت باسشىسىنىڭ 2020 جىلعى 1 قىركۇيەكتەگى قازاقستان حالقىنا ارناعان جولداۋىن ىسكە اسىرۋ اياسىندا وعان «قازاگرو» ۇبح» اق-نى قوسۋ جولىمەن «بايتەرەك» ۇبح» اق-نى قايتا ۇيىمداستىرۋ جۇمىستارى جۇرگىزىلدى.
وسىعان بايلانىستى «بايتەرەك» حولدينگىنىڭ جارعىسىندا كومپانيا قىزمەتىنىڭ نەگىزگى ماقساتتارى مەن ءمانى ەلىمىزدىڭ اگروونەركاسىپتىك كەشەنىن دامىتۋدى ىنتالاندىرۋ جونىندەگى مەملەكەتتىك ساياساتتى ىسكە اسىرۋمەن تولىقتىرىلدى.
وتىرىسقا قاتىسۋشىلار حولدينگتىڭ وبليگاتسيالارىن شىعارۋ ارقىلى 10 جىلدا 50 ملرد تەڭگە كولەمىندە قوسىمشا قارجى تارتۋ تۋرالى شەشىم قابىلدادى. الىنعان قاراجات ەل كاسىپورىندارىنىڭ نەگىزگى قۇرالدارىن ليزينگتىك قارجىلاندىرۋ ءۇشىن «ونەركاسىپتى دامىتۋ قورى» اق-عا جىبەرىلەتىن بولادى. 2020 جىلى «بايتەرەك» حولدينگىنىڭ ەنشىلەس ۇيىمدارى جالپى سوماسى 1 ترلن 16,9 ملرد تەڭگەگە ەكونوميكانىڭ شيكىزاتتىق ەمەس سالالارىنىڭ كاسىپورىندارىنا قولداۋ كورسەتتى.
وتكەن جىلمەن سالىستىرعاندا قارجىلىق قولداۋ كولەمى 177,7 ملرد تەڭگەگە نەمەسە 21%-عا ۇلعايدى. ەكونوميكانىڭ جەكە سەكتورىن دامىتۋ ماقساتىندا 2020 جىلى 799,8 ملرد تەڭگە سوماسىنا 20 مىڭنان استام كاسىپكەرلىك سۋبەكتىلەرىنە قولداۋ كورسەتىلدى.
سونداي-اق وتىرىستا 2019-2020 جىلدارعا ارنالعان كورپوراتيۆتىك باسقارۋدى جەتىلدىرۋ جونىندەگى ءىس-شارالار جوسپارىن ورىنداۋ ناتيجەلەرى, كورپوراتيۆتىك باسقارۋدى تاۋەلسىز باعالاۋ ناتيجەلەرى قارالدى. «بايتەرەك» ۇبح» اق-نىڭ 2020 جىلعى ءتورتىنشى توقسانداعى تاۋەكەلدەرى جونىندەگى ەسەبى جانە ىشكى اۋديت قىزمەتىنىڭ سايكەس كەزەڭدەگى ەسەبى بەكىتىلدى.
