ەكونوميكا • 25 اقپان، 2021

بىرجولعى زەينەتاقى تولەمى پايدالانىلماسا نە بولادى؟

36 رەت كورسەتىلدى

2021 جىلدىڭ 1 اقپانىنان باستاپ بجزق ۋاكىلەتتى وپەراتور بولىپ بەلگىلەنگەن بانكتەردە اشىلعان سالىمشىلاردىڭ ارنايى شوتتارىنا بىرجولعى زەينەتاقى تولەمدەرىن اۋدارا باستادى، دەپ جازادى  Egemen.kz

بىرجولعى زەينەتاقى تولەمى ۋاكىلەتتى وپەراتور – «وتباسى بانك» تۇرعىن ءۇي قۇرىلىس جيناق بانكى» اق-داعى ارنايى شوتقا تۇسكەننەن كەيىن الۋشى 45 جۇمىس كۇنى ىشىندە (بىرجولعى زەينەتاقى تولەمدەرىن تۇرعىن ءۇي جاعدايلارىن جاقسارتۋ ءۇشىن قازاقستان رەسپۋبليكاسىنىڭ زاڭناماسىنا سايكەس پايدالانۋ قاعيدالارىنىڭ 13-تارماعىنا سايكەس) ۋاكىلەتتى وپەراتورعا بىرجولعى زەينەتاقى تولەمدەرىنىڭ نىسانالى ماقساتىن راستايتىن قۇجاتتاردى ۇسىنادى. 

ۋاكىلەتتى وپەراتورعا راستاۋشى قۇجاتتاردى بەلگىلەنگەن مەرزىمدە ۇسىنباعان جاعدايدا، بۇل قاراجات سالىمشىنىڭ بجزق-داعى زەينەتاقى شوتىنا قايتارىلۋى ءتيىس. 

سالىمشى سۇراتقان زەينەتاقى جيناقتارىنىڭ سوماسىن بجزق ۋاكىلەتتى وپەراتورداعى ارنايى شوتقا اۋدارعاننان كەيىن 45 جۇمىس كۇنى ىشىندە بۇل قاراجاتتىڭ ينۆەستيتسيالىق باسقارۋدان الىناتىنىنا،  دەمەك، وعان ينۆەستيتسيالىق تابىستىڭ ەسەپتەلمەيتىنىنە نازار اۋدارعىمىز كەلەدى.

بجزق-عى زەينەتاقى اكتيۆتەرىنىڭ 2020 جىلعى جىلدىق تابىستىلىعى 10،92%  قۇرادى. ەگەر وسى دەرەكتەردى نەگىزگە الساق، ماسەلەن، 45 جۇمىس كۇنى ىشىندە ماقساتى بويىنشا پايدالانىلماعان بىرجولعى زەينەتاقى تولەمىنىڭ  5،5 ملن تەڭگە مولشەرىندەگى ورتاشا سوماسىن ۋاكىلەتتى وپەراتورداعى ارنايى شوتتان بجزق-عا اۋدارعاننان كەيىن وسى كەزەڭدەگى سالىمشى تولىق الماعان ينۆەستيتسيالىق تابىس مولشەرى شامامەن 100 مىڭ تەڭگەنى قۇراۋى مۇمكىن.

بۇدان باسقا، ارنايى شوتقا اۋدارىلعان زەينەتاقى جيناقتارىنا ينفلياتسيا دەڭگەيىن ەسكەرە وتىرىپ، ولاردىڭ ساقتالۋى بويىنشا مەملەكەتتىڭ زاڭدا كوزدەلگەن كەپىلدىگى قولدانىلمايدى. سونداي-اق، بجزق-دان تولەنەتىن بىرجولعى زەينەتاقى تولەمدەرىنىڭ سومالارىنان سالىمشى تاڭداعان جانە ونىڭ وتىنىشىندە كورسەتىلگەن تاسىلگە سايكەس جەكە تابىس سالىعىن (جتس) ەسەپتەۋ جانە ۇستاپ قالۋ جۇرگىزىلەدى.

وسىعان وراي، بجزق-عا قاراجاتتى قايتارۋ، ينۆەستيتسيالىق تابىس پەن مەملەكەت كەپىلدىگىن جوعالتۋ، سونداي-اق، جتس-تى مەرزىمىنەن بۇرىن ەسەپتەۋ جاعدايلارىن بولدىرماۋ ءۇشىن سالىمشىلارعا بىرجولعى زەينەتاقى تولەمدەرىن پايدالانۋدى جاۋاپكەرشىلىكپەن ءارى مۇقيات جوسپارلاۋدى ۇسىنامىز. زەينەتاقى جيناقتارىنىڭ ماقساتتى پايدالانىلۋىن راستاۋ ءۇشىن قاجەتتى قۇجاتتاردىڭ ءتىزىمىن وتىنىم بەرگەنگە دەيىن مۇقيات زەردەلەپ، ولاردى ۋاكىلەتتى وپەراتورعا ۋاقىتىلى ۇسىنۋدى قامتاماسىز ەتكەن ءجون.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار