بۇل كۇندەرى قازاقستان حالقىنىڭ الدىندا مەملەكەت باسشىسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىن ىسكە اسىرۋ مىندەتى تۇر. قوعام الدىندا تاۋەلسىزدىكتىڭ 20 جىلدان استام ۋاقىتىنداعى جەتىستىكتەرىن ساقتاپ قالۋ مىندەتى قويىلعان, «مىقتى مەملەكەت امان قالۋ ساياساتىمەن ەمەس, جوسپارلاۋ, ۇزاق مەرزىمدى دامۋ مەن ەكونوميكالىق ءوسۋ ساياساتىمەن اينالىسادى». پرەزيدەنت قازاقستاننىڭ الەمنىڭ ەڭ دامىعان 30 مەملەكەتىنىڭ قاتارىنا كىرۋى جونىندە ماقسات قويدى.
بۇل كۇندەرى قازاقستان حالقىنىڭ الدىندا مەملەكەت باسشىسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىن ىسكە اسىرۋ مىندەتى تۇر. قوعام الدىندا تاۋەلسىزدىكتىڭ 20 جىلدان استام ۋاقىتىنداعى جەتىستىكتەرىن ساقتاپ قالۋ مىندەتى قويىلعان, «مىقتى مەملەكەت امان قالۋ ساياساتىمەن ەمەس, جوسپارلاۋ, ۇزاق مەرزىمدى دامۋ مەن ەكونوميكالىق ءوسۋ ساياساتىمەن اينالىسادى». پرەزيدەنت قازاقستاننىڭ الەمنىڭ ەڭ دامىعان 30 مەملەكەتىنىڭ قاتارىنا كىرۋى جونىندە ماقسات قويدى.
وسىعان بايلانىستى قازاقستان رەسپۋبليكاسىنىڭ نەگىزگى مىندەتتەرىنىڭ ءبىرى جاڭا ءازىرلەنىمدەردى, ونەرتابىستار مەن يننوۆاتسيالاردى سەنىمدى قۇقىقتىق قورعاۋ, ولاردى كوممەرتسيالاندىرۋ مەن وندىرىسكە ەنگىزۋگە ىقپال ەتۋ بولىپ تابىلادى.
قازاقستان رەسپۋبليكاسى ادىلەت مينيسترلىگىنىڭ زياتكەرلىك مەنشىك قۇقىعى كوميتەتى ءوز قۇزىرەتى شەگىندە زياتكەرلىك مەنشىك قۇقىعىن قورعاۋ جانە ساقتاۋ سالاسىنداعى باقىلاۋ جانە (نەمەسە) ىسكە اسىرۋ مىندەتتەرىن جۇزەگە اسىراتىن قازاقستان رەسپۋبليكاسى ادىلەت مينيسترلىگىنىڭ ۆەدومستۆوسى بولىپ تابىلادى.
ەلباسى جولداۋىندا اۆتورلىق قۇقىقتار مەن پاتەنتتەردىڭ ماسەلەلەرىن رەتتەيتىن زاڭناماعا رەۆيزيا جۇرگىزۋدى جانە بۇرىن بەرىلگەن بارلىق پاتەنتتەر مەن ءتىركەلگەن اۆتورلىق قۇقىقتاردى, ولاردى كوممەرتسيالاندىرۋ ءمۇمكىندىگىنە تالداۋ جاساۋدى تاپسىردى. وسى جولداۋدى ىسكە اسىرۋ ماقساتىندا قازاقستان رەسپۋبليكاسى پرەزيدەنتىنىڭ 2012 جىلعى 18 جەلتوقسانداعى №449 جارلىعىمەن ءىس-شارالاردىڭ جالپىۇلتتىق جوسپارى ازىرلەنىپ, بەكىتىلدى, ونىڭ اياسىندا بۇرىن بەرىلگەن بارلىق پاتەنتتەر مەن تىركەلگەن اۆتورلىق قۇقىقتاردى, ولاردى كوممەرتسيالاندىرۋ مۇمكىندىگىنە تالداۋ جۇرگىزىلدى. تالداۋ ناتيجەلەرى يندۋستريا جانە جاڭا تەحنولوگيالار مينيسترلىگىنە بەرىلدى.
قۇرامىنا ءتۇرلى مينيسترلىكتەردىڭ, قارجى پوليتسياسىنىڭ, ۇكىمەتتىك ەمەس ۇيىمداردىڭ وكىلدەرى مەن پاتەنتتىك سەنىم بىلدىرىلگەن ادامدار ەنگەن جۇمىس توبى قۇرىلدى. جۇمىس توبى اۆتورلىق جانە ارالاس قۇقىق, پاتەنتتىك قۇقىق, تاۋار بەلگىلەرى جانە سەلەكتسيالىق جەتىستىكتەر سياقتى سالالارعا قاتىستى بارلىق نورماتيۆتىك قۇقىقتىق اكتىلەرگە رەۆيزيا جۇرگىزدى.
زاڭناماعا جۇرگىزىلگەن رەۆيزيانىڭ ناتيجەسى زياتكەرلىك مەنشىك سالاسىنداعى زاڭنامالىق اكتىلەردى قايتا قاراستىرۋ قاجەتتىلىگىن كورسەتتى.
وسىعان بايلانىستى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زياتكەرلىك مەنشىك سالاسىن قۇقىقتىق رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ازىرلەندى. زاڭ جوباسىندا جينالعان سىياقىنىڭ سوماسىنان 30% مولشەرىندەگى ۇستاپ قالۋدىڭ شەكتىك پايىزىن بەلگىلەۋ, ۇجىمدىق ۇيىمداردىڭ مىندەتتەرىن ناقتىلاۋ, تاپسىرىس بەرۋدىڭ اۆتورلىق كەلىسىم-شارتىن جاساسۋ ءتارتىبىن رەگلامەنتتەۋ, يننوۆاتسيالىق پاتەنتتى ونەركاسىپتىك مەنشىك وبەكتىلەرىن پاتەنتتەۋ جۇيەسىنەن الىپ تاستاۋ, قىزمەتتىك پايدالى مودەل مەن قىزمەتتىك ونەركاسىپتىك ۇلگىلەردى پايدالانۋدىڭ قۇقىقتىق رەجىمىن بەلگىلەۋ جانە ت.ب. بولىكتەرىنە تۇزەتۋلەر ەنگىزۋ كوزدەلگەن.
ادىلەت ورگاندارى زياتكەرلىك مەنشىك قۇقىعىن قامتاماسىز ەتۋ ماقساتىندا قۇقىق قورعاۋ ورگاندارىمەن بىرگە تۇراقتى تۇردە تەكسەرۋ ءىس-شارالارىن وتكىزىپ تۇرادى.
ياعني, 2013 جىلدا ادىلەت ورگاندارى قۇقىق قورعاۋ ورگاندارىمەن بىرگە 598 تەكسەرۋ جۇرگىزگەن, 74 ملن. تەڭگەدەن ارتىق سوماعا 119 مىڭ بىرلىك كونترافاكتىلىك ءونىم الىنعان.
بۇدان بولەك, 2013 جىلدىڭ 4 قىركۇيەگىندە دۇنيەجۇزىلىك ەكونوميكالىق فورۋمى (دەف) جاھاندىق باسەكەلەستىك تۋرالى 2013-2014 جىلدارعا ارنالعان جىل سايىنعى ەسەبىن جاريالادى.
مەملەكەتتىك ورگانداردىڭ قىزمەتىن تالداۋ ناتيجەسى بويىنشا دۇنيەجۇزىلىك ەكونوميكالىق فورۋمىنىڭ باسەكەلەستىكتىڭ جاھاندىق يندەكسى رەيتينگىسىندە «زياتكەرلىك مەنشىكتى قورعاۋ» كريتەريى بويىنشا قازاقستان 19 پوزيتسياعا كوتەرىلدى. وسىلايشا, قازاقستان رەسپۋبليكاسى 92-ءشى ورىننان 73-ءشى ورىنعا كوتەرىلدى. سوڭعى ەكى جىلدا اتالعان رەيتينگتىڭ كورسەتكىشى 43 پوزيتسياعا جاقساردى.
كەدەن وداعى مەن ءبىرتۇتاس ەكونوميكالىق كەڭىستىك اياسىنداعى زياتكەرلىك مەنشىك قۇقىعىن قورعاۋ مەن ساقتاۋ سالاسىنىڭ نەگىزگى پرينتسيپتەرى 2010 جىلعى 9 جەلتوقسانداعى زياتكەرلىك مەنشىك قۇقىعىن قورعاۋ مەن ساقتاۋ سالاسىنداعى رەتتەۋدىڭ بىرىڭعاي پرينتسيپتەرى تۋرالى كەلىسىممەن ايقىندالعان.
دسۇ-عا كىرۋ بويىنشا مەملەكەت باسشىسى قويعان مىندەتتەردى ەسكەرە وتىرىپ, يندۋستريالدى-ۇدەمەلى جۇمىستى دامىتۋ, اكىمشىلىك كەدەرگىلەردى تومەندەتۋ, قازاقستاننىڭ الەمدەگى باسەكەگە قابىلەتتى 30 ەلدىڭ قاتارىنا ەنۋى ءۇشىن باسىم باعىتتارى ايقىن انىقتالعان. وسىعان بايلانىستى, مەملەكەتىمىز ەكونوميكانى نىعايتۋ جانە حالىقتىڭ ءال-اۋقاتىن كوتەرۋ ماقساتىندا ەلىمىزدىڭ زياتكەرلىك الەۋەتىن دامىتۋعا ىقپال جاساي وتىرىپ جەتكەن جەتىستىكتەرىمەن توقتامايدى. بۇگىنگى تاڭدا جاس تاۋەلسىز رەسپۋبليكامىز الەۋمەتتىك-ەكونوميكالىق جانە ساياسي جاڭعىرۋدىڭ كەزەڭىنەن تابىستى وتۋدە, ءوزىنىڭ جاڭا مۇمكىندىكتەرىن اشۋدا, ءوز دامۋىنىڭ نەگىزى بولاتىن تراەكتورياسى – قازاقستان جولىمەن ءجۇرۋدى جالعاستىرۋدا.
ابزال ەستاەۆ,
ادىلەت مينيسترلىگى زياتكەرلىك مەنشىك
قۇقىعى كوميتەتىنىڭ توراعاسى.
