قازاقستاننىڭ اۋىل شارۋاشىلىعى ءمينيسترى بەلارۋس رەسپۋبليكاسىنىڭ اۋىل شارۋاشىلىعى جانە ازىق-ت ۇلىك ءمينيسترى يۆان كرۋپكومەن كەزدەستى. بۇدان سوڭ اۋىل شارۋاشىلىعى سالاسىنداعى ەكىجاقتى ىنتىماقتاستىقتىڭ پەرسپەكتيۆالىق باعىتتارىن ازىرلەۋ جونىندەگى قازاقستان-بەلارۋس جۇمىس توبىنىڭ ەكىنشى وتىرىسىنا قاتىستى.
سونداي-اق, مينيستر №1 مينسك ءسۇت زاۋىتىنا, تاۋارلى-ءسۇت فەرماسىنا جانە «دزەرجينسكي» اگروكومبيناتىنىڭ قۇس فابريكاسىنا باردى.
بۇگىن ساپارحان وماروۆ «بەلگوسپيششەپروم» كونتسەرنىندە كەلىسسوزدەر جۇرگىزبەك. ودان كەيىن «مينسك» تراكتور زاۋىتىنا, بەلارۋس مەملەكەتتىك اگرارلىق تەحنيكالىق ۋنيۆەرسيتەتى جانىنداعى اوك كادرلارىنىڭ بىلىكتىلىگىن ارتتىرۋ جانە قايتا دايارلاۋ ينستيتۋتىنا, «بەلارۋس ۇعا اۋىل شارۋاشىلىعىن مەحانيكالاندىرۋ جونىندەگى عىلىمي-پراكتيكالىق ورتالىعى» رەسپۋبليكالىق ءبىرتۇتاس كاسىپورنىنا بارادى.
بەلارۋس رەسپۋبليكاسىنىڭ اۋىل شارۋاشىلىعى جانە ازىق-ت ۇلىك مينيسترلىگىندە وتكەن كەزدەسۋدە قازاقستان مەن بەلارۋس پرەمەر-مينيسترلەرىنىڭ ەكى ەلدىڭ اوك سالاسىنداعى ىنتىماقتاستىعىن تەرەڭدەتۋ جونىندەگى كەلىسىمدەرىن دامىتۋ ءۇشىن ساپارحان وماروۆ پەن يۆان كرۋپكو اۋىل شارۋاشىلىعى ونىمدەرىنىڭ ءوزارا ساۋدا كولەمىن ۇلعايتۋ, اگرارلىق عىلىمعا, ءسۇتتى مال شارۋاشىلىعى مەن وسىمدىك شارۋاشىلىعىنا قاتىستى ءوزارا ءىس-قيمىلدى ارتتىرۋ ماسەلەلەرىن تالقىلادى.
مينيستر ساپارحان وماروۆ دوستىق قارىم-قاتىناستاعى بۇل ەلدىڭ اۋىل شارۋاشىلىعى شيكىزاتىن وڭدەۋ, ساپالى ءارى قولجەتىمدى جانە باسەكەگە قابىلەتتى ازىق-ت ۇلىك ونىمدەرىن وندىرۋدەگى تاجىريبەسى نازار اۋدارتاتىنىن اتاپ ءوتتى.
سونىمەن قاتار, مينيسترلەر ەكى ەل پرەزيدەنتتەرىنىڭ قحر نارىعىنا شىعۋ ءۇشىن قازاقستاندا بىرلەسكەن ءسۇت ءوندىرىسىن قۇرۋ تۋرالى تاپسىرمالارىن ىسكە اسىرۋدى تالقىلادى.
وسىدان كەيىن ساپارحان وماروۆ ازىق-ت ۇلىك قاۋىپسىزدىگى جانە يمپورتتى الماستىرۋ تاقىرىبى اياسىندا باۋ-باقشا شارۋاشىلىعى جونىندەگى ىنتىماقتاستىق ماسەلەسىن قوزعادى. ول قازاقستان قارقىندى باققا كوشەتىنىن, كۇنباعىس پەن سۇيەكتى جەمىس داقىلدارىنىڭ كوشەتتەرىن وندىرەتىن ءىرى In-vitro زەرتحاناسىن سالۋ جوسپارلانعانىن حابارلادى. وسىعان بايلانىستى قر اۋىل شارۋاشىلىعى مينيسترلىگى بەلارۋس كومپانيالارىن جوبانىڭ بىرلەسكەن ينۆەستورى بولۋعا شاقىردى.
كەڭەيتىلگەن قۇرامدا كوتەرىلگەن ماسەلەلەردى تالقىلاۋ اۋىل شارۋاشىلىعى سالاسىنداعى ەكىجاقتى ىنتىماقتاستىقتىڭ پەرسپەكتيۆالىق باعىتتارىن ازىرلەۋ جونىندەگى قازاقستان-بەلارۋس جۇمىس توبىنىڭ الاڭىندا جالعاستى.
وتىرىس ءوزارا تۇسىنىستىك جانە ىسكەرلىك ارىپتەستىك دەڭگەيىندە ءوتتى. تاراپتار اگروونەركاسىپ كەشەنى سالاسىنداعى ءوزارا ءىس-قيمىلدى دامىتۋعا نيەت ءبىلدىردى.
