«دوپينگ» جەدەل - الدىن الۋ ءىس-شاراسىنىڭ العاشقى كۇنىندە جامبىل وبلىسى پوليتسيا دەپارتامەنتىنىڭ قىزمەتكەرلەرى ءتۇرلى ەسىرتكى قۇقىق بۇزۋشىلىقتارىنىڭ سەگىز دەرەگىن انىقتادى. ولاردىڭ بەسەۋى – اسا ءىرى مولشەردە ەسىرتكى قۇرالدارىن وتكىزۋ ماقساتىندا جانە ونى زاڭسىز ساقتاۋعا قاتىستى قىلمىستار, سونداي-اق قوعامدىق ورىنداردا ەسىرتكىنى مەديتسينالىق ماقساتتا ەمەس قولدانۋ.
سونداي-اق, پوليتسەيلەر ەكى اكىمشىلىك تەرىس قىلىقتى: ەسىرتكى قۇرالدارىن, پسيحوتروپتىق زاتتاردى, پرەكۋرسورلار اينالىمى سالاسىنداعى نىساندار مەن ءۇي-جايلاردىڭ تەحنيكالىق نىعايتىلۋ تالاپتارىنىڭ بۇزىلۋىن, دارىلىك زاتتار, مەديتسينالىق ماقساتتاعى زاتتار مەن مەديتسينالىق تەحنيكا اينالىمى سالاسىنداعى فارماتسەۆتيكالىق قىزمەت قاعيدالارىنىڭ بۇزىلۋىن انىقتادى.
22 اقپاندا زاڭسىز اينالىمنان 670 گرامم 19 ميلليگرامم گاشيش, 1 كەلى 652 گرامم ماريحۋانا, كۇشتى اسەر ەتەتىن “پروزەرين-د” ءدارىسىنىڭ 10 امپۋلاسى, “ديگوكسين” ءدارىسىنىڭ 10 ورامى, اۋىرسىنۋدى باساتىن “ترامادول” ءدارىسىنىڭ 13 ورامى الىندى.
