قوعام • 25 اقپان، 2021

الماتىعا قالىڭ قار جاۋدى

14 رەت كورسەتىلدى

الماتى قالاسىندا كەشە كۇندىزگى ساعات 4-تەردە باستالعان جاڭبىر ءتۇننىڭ جارىمنان اسا قارعا ۇلاستى.  اۋا رايى  مينۋس 10 گرادۋسقا دەيىن تومەندەپ، تاڭعى ساعات 06.00-گە دەيىن قالادا 15-20 سم، تاۋلى جانە تاۋ بوكتەرىندە 25-35 سم قار تۇسكەن، دەپ حابارلايدى Egemen.kz.

كوكتايعاقتىڭ الدىن الۋ ءۇشىن قار جاۋعان كەزدەن باستاپ جولدارعا، قيىلىستار مەن جولايرىقتاردىڭ كىرەبەرىستەرىنە، تاۋ بوكتەرى مەن تاۋلى ايماقتارعا كوكتايعاققا قارسى جۇمىس كۇشى جۇمىلدىرىلىپ، قار تازالاندى.

قار تازالاۋ جۇمىسىنا 560 تەحنيكا بىرلىگى، ونىڭ ىشىندە 211 قۇملاقتىرعىش پەن 1490 جول جۇمىسشىسى جۇمىلدىرىلعان. كوكتايعاققا قارسى 3 540 توننا ماتەريال پايدالانىلۋدا.

تۇنگى ساعات 03.00-دەن باستاپ قار كۇرەۋ ءۇشىن كولوننالار جول پوليتسياسى پاترۋلدىك ماشينالارىنىڭ ەرىپ جۇرۋىمەن ۇيىمداستىرىلدى. تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، اۆتوتۇراق قالتالارىن، ۇستىڭگى وتكەلدەردى جانە ورتاق پايدالانىلاتىن جەرلەردى تازارتۋ جۇمىستارى جۇرگىزىلۋدە.

تاڭەرتەڭگى قاربالاس ۋاقىتتان  كەيىن قاردى قالانىڭ سىرتىنا شىعارۋ جوسپارلانعان.

قازىرگى كەزدە قالا جانە اۋداندارى اكىمدىكتەرىندە   قار تازالاۋ جۇمىستارىن تاۋلىك بويى باقىلايتىن كەزەكشىلىك ۇيىمداستىرىلعان.

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار