مەديتسينا • 25 اقپان، 2021

قۇلاعىنىڭ مۇكىسىنەن قۇتىلعانىنا قۋانىشتى

2468 رەت كورسەتىلدى

مۇحتار بار بولعانى 32 جاسىندا سول قۇلاعىنان ايىرىلىپ، وڭ قۇلاعىمەن عانا ەستيتىن بولعان.

«جەتى جاسىمدا قۇلاعىم وتيت بولىپ اۋىرعان. اۋرۋحانادا 20 كۇندەي ەم الىپ شىققانىم بار، – دەپ ەسىنە الادى مۇح­تار. – بىراق سول كەزدە قۇلاعىمدى سوڭىنا دەيىن ەمدەمەپتى، كەيىن سول قۇلا­عىم بىرتىندەپ ناشار ەستي باستادى. ءوزىم­نىڭ تۋعان قالام قىزىلوردا جانە الماتى، اس­تانا قالالارىنداعى كوپتەگەن دارىگەرگە قارال­دىم. ءتىپتى گەرمانيادان كەلگەن دارى­گەردىڭ دە كونسۋلتاتسياسىنا بارىپ، تالداۋلارىم­دى تۇركياعا جىبەرگەنمىن. بارلىق جەردەن العان جاۋابىم ءبىر بولدى: «ارادا كوپ ۋاقىت ءوتىپ كەتكەن، ەستۋ قابىلەتىن قايتا قال­پىنا كەلتىرۋ مۇمكىن ەمەس». ماعان تيمپانو­سكلەروز، وتوسكلەروز دەگەن دياگ­نوزدار قويىلدى. مەن ەندىگى وعان دا كونگەن ەدىم».

بىراق بىلتىر مۇحتار وزىنە كومەك قولىن سوزا الاتىن دارىگەرلەردى ىزدەۋدى قايتا باستايدى. «ينتەرنەتتەن دارىگەر تالاپبەك اجەنوۆتى تاۋىپ الدىم. ول تۋرالى كوپتەگەن جاعىمدى پىكىرلەر جازىلىپتى، – دەپ جالعاستىردى مۇحتار. – مەن بىردەن ول كىسىگە حات جازىپ، بارلىق تالداۋلاردى جىبەردىم».

«قاراپ كورۋ كەرەك: ەستۋ قابىلەتىن قايتا قالپىنا كەلتىرۋ مۇمكىن سياقتى». وسى سوزدەردى ەستىگەن مۇحتار بىردەن تەك­سەرىلۋگە كەلۋگە شەشىم قابىلدايدى: «كونسۋلتاتسيا كەزىندە تالاپبەك مۇرات­ ۇلى جۇيكەنىڭ ءبۇتىن ەكەنىن جانە ەستۋ قابى­لەتىن قالپىنا كەلتىرۋگە مۇمكىندىك بار ەكە­نىن ايتتى. مەن وپەراتسياعا كەلىسە كەت­تىم».

2021 جىلدىڭ 2 اقپانىندا مۇحتارعا وپەراتسيا جاسالدى، وپەراتسيا بارىسىندا ول بىردەن ەستۋ قابىلەتىنىڭ جاقسارعانىن سەز­گەن: «ماعان وپەراتسيانى جەرگىلىكتى نار­كوزبەن جاسادى، ۇيىقتاماي، ءبارىن سەزىپ جات­تىم. دارىگەرلەر قۇلاعىما يمپلانت­تى سال­عان بويدا، قايتا ەستي باستادىم. بۇ­رىن-سوڭدى مۇنداي بولماعان: مەن بۇلاي ەستى­مەگەلى كوپ بولعان ەدى. سوڭعى ناتي­جەسى داكەنى شەشكەننەن كەيىن بەلگىلى بولا­دى، دەگەن­مەن ەستي باستاعانىمدى ىش­تەي سەزە­مىن»، دەيدى قۋانىشىن جاسىرا الما­عان پا­تسيەنت.

4

دارىگەر-وتورينولارينگولوگ، پرەزي­دەنت­تىك كلينيكانىڭ №1 حيرۋرگيالىق بولىم­شەسىنىڭ مەڭگەرۋشىسى تالاپبەك اجە­نوۆ­تىڭ ايتۋىنشا، قازاقستان بو­يىنشا مۇنداي جاعدايلار وتە كوپ: «وكىنىشكە قاراي، تولىق تەكسەرىل­مەگەندىكتەن مۇنداي پاتسيەنتتەر سيرەك ەمەس. ولارعا كەمىندە ەكى ساراپتاما جۇر­گىزۋ قاجەت: اۋديومەتريا جانە يم­پەدان­سومەتريا. ەگەر ءبىرىنشى زەرتتەۋ قۇلاق­تىڭ ەستىگىشتىگىن كورسەتسە، ەكىنشىسى ەستۋ سۇيەكتەرىنىڭ جارىلۋى نەمەسە قۇلاق جارعاعىنداعى اقاۋدىڭ بار-جوعىن انىقتايدى. مۇحتاردىڭ قۇلاق جارعاعىن تەكسەرۋ كەزىندە ەستۋ سۇيەكشەلەرى تىزبەگىنىڭ بۇتىندىگى بۇزىل­عانىن انىقتادىق. قالىپتى جاعدايدا بۇل سۇيەكشەلەر جاناسىپ تۇرۋى كەرەك، ولار دىبىستى ەستۋگە كومەكتەسەدى. مۇح­تاردا كەلەسى جاعداي ورىن العان: توستىكتىڭ لەنتيكۋليارلىق وسكىنى ۇزەڭگىمەن قوسىلماي تۇرعان. سوندىقتان دا قۇلاق ەستىمەگەن. ايتپاقشى، ەشقانداي سكلەروز تابىلعان جوق».

تالاپبەك مۇرات ۇلى وپەراتسيا جايلى دا ايتىپ ءوتتى: «بۇل وپەراتسيا، وسسيكۋلوپلاستيكا – «زەرگەرلىك وپەراتسيا». ول جەرگىلىكتى ناركوزبەن جاسالادى. بۇل مۇحتاردا بولعان جاعدايداعىداي، دارى­گەرلەرگە مانيپۋلياتسيانىڭ اسەرىن وپەرا­تسيا كەزىندە بىردەن كورۋگە مۇمكىندىك بەرەدى. وسىعان ۇقساس وپەراتسيالار جالپى نار­كوزبەن جاسالادى: پاتسيەنت ۇيىقتاپ جاتقاندىقتان، ءبىز مانيپۋلياتسيانىڭ اسەرىن بىردەن ء«دال سول ساتتە» باعالاي المايمىز. سونداي-اق بۇل وپەراتسيا قۇلاقتىڭ ارتىن ازداپ ءتىلىپ قانا جاسالادى. ونىڭ ورنىنا ءبىز وپەراتسيانى ەنداۋرالدى تۇردە، ياعني قۇلاقتىڭ ىشىندە جاسايمىز. بۇل ءادىس كەزىندە قۇلاق جارعاعىندا بىرنەشە كىشكەنە تەسىك جا­سالادى. وسىدان كەيىن قاراپ وتىرىپ، جىرتىلعان جەردى انىقتاپ، ەستۋ سۇيەك­شەلەرىنىڭ تىزبەگىن قالپىنا كەلتىرە الامىز».

تالاپبەك مۇرات ۇلىنىڭ ايتۋىنشا، مۇنداي وپەراتسيا ەستۋ قابىلەتىنىڭ كون­دۋكتيۆتىك جوعالۋى ورىن العان كوپ­تەگەن جاع­دايدا جاسالادى. بۇل دىبىستىڭ وتۋىنە كەدەرگى كەلتىرەتىن ەستۋ قابىلەتىنىڭ بۇزىلۋى. «قۇلاقتىڭ ەستۋىنە قاتىستى پروبلەمالارى بار بارلىق ادامدى تەكسەرۋگە، ەستۋ قابىلەتىن قايتا قالپىنا كەل­­تىرىپ كورۋگە بولادى. ءبىز ءاردايىم پا­تسيەنتتەرىمىزگە كومەكتەسۋگە تىرىسامىز، ناقتى پروبلەماسىن انىقتاپ، ونى شەشۋگە تىرىسامىز»، دەپ اڭگىمەسىن اياق­تاعان تالاپبەك مۇرات ۇلى پاتسيەنتىنە تەز ساۋىعىپ كەتۋىن تىلەدى.

 

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار