ايماقتار • 24 اقپان، 2021

اق بوراننىڭ ازاپتارى

69 رەت كورسەتىلدى

سقو-دا اقپاننىڭ سوڭعى كۇندەرى اقىرىپ كەتتى. كەشە قارا بوران ءتۇنى بويى دۇرىلدەپ، وكىردى دە تۇردى. تاڭەرتەڭ تۇرساق قاردى دا ءۇيىپ تاستاپتى، قالانىڭ شەتكى كوشەلەرى تۇگىل ورتالىق كوشەلەرىنىڭ ءوزىن باسىپ قالىپ، اۆتوماشينالار زورعا قوزعالىپ جاتتى. بۇگىن كۇنى بويى جۇزدەن ارتىق قار تازالاۋ تەحنيكالارى ءبىر تىنباي جۇمىس ىستەدى.  

پوليتسيا قىزمەتكەرلەرى كۇشەيتىلگەن رەجىمدە جۇمىس ىستەدى. قار كەپتەلىستەرنەن اپاتتاردى بولدىرماۋ جانە ادامداردىڭ ءۇسىپ قالماۋى ءۇشىن بارلىق باعىتتارداعى اۆتوجولدار مەن تراسسالار باقىلاۋعا الىندى. جول قىزمەتتەرى بوراننان تۇك كورىنبەيتىن جاعدايدا ادامدار مەن باتىپ قالعان تەحنيكالاردى قۇتقارۋ وپەراتسيالارىن جۇرگىزدى.

تايىنشا اۋدانى تەڭدىك اۋىلىنىڭ ءبىر تۇرعىنى «نيۆا» اۆتوكولىگىمەن اۋدان ورتالىعىنداعى اۋرۋحاناعا ءۇش جاسار قىزىن اپارا جاتقان. سالونىندا جەتى جاسار بالاسى دا بولعان. ماشيناسى تايىنشادان 6 شاقىرىم جەردە باتىپ قالىپ، ەر ادام «102» تەلەفونىنا حابارلاسادى. پوليتسەيلەر مەديتسينا قىزمەتكەرلەرىن ەسكەرتىپ، اۋدان كاسىپكەرلەرىنەن كومەك سۇرايدى. اۋا رايىنىڭ قولايسىزدىعىنان ارنايى تەحنيكانىڭ ءوزى ازەر جۇمىس ىستەدى. ءۇش تەحنيكانىڭ بىرەۋى كيۋۆەتكە كەتىپ، ەكىنشىسى سىنىپ قالعان. ءۇشىنشىسى باتىپ تۇرعان «نيۆا» اۆتوماشيناسىنا قاراي «جەدەل جاردەم» كولىگىنە جول اشىپ، ءۇش جاسار قىزدى اۋرۋحاناعا جەتكىزۋگە مۇمكىندىك بەردى.

وسى اۋدان پوليتسيا ءبولىمىنىڭ جەكە قۇرامى مەن تۇرعىندارى جوعالىپ كەتكەن جىلقىشىنى ىزدەۋگە جۇمىلدىرىلدى. جىلقىشى ايەلىنە حابارلاسىپ، ءوزىنىڭ قاي جەردە جۇرگەنىن بىلمەيتىندىگىن ايتقان. جالعىز-اق بەلگى -  قامىستاردىڭ بولۋى. ونى جەرگىلىكتى جشس-ءنىڭ ءتورت تراكتورىمەن ىزدەگەن. كوپ ۇزاماي جىلقىشى تابىلدى دەگەن حابار كەلدى. استىنداعى ەستى ات ىزدەۋ تەحنيكاسىنىڭ ىزىنە ءتۇسىپ، يەسىن ۇيىنە جەتكىزىپتى.

اققايىڭ اۋدانىندا دا ءبىر ءبىر جىلقىشى اداسىپ، ونى ۋچاسكەلىك ينسپەكتور مەن جەرگىلىكتى تۇرعىندار تراكتورمەن، قاردا جۇرگىش تەحنيكامەن ىزدەپ، زورعا تاپتى.  ال ەسىل اۋدانىنىڭ ءتارتىپ ساقشىلارى، قۇتقارۋشىلار مەن اۋىلدىقتار سالت اتپەن كەتىپ، ۇيىنە ورالماعان 17 جاسار جىگىتتى ىزدەدى. ايتەۋىر ونى جەرگىلىكتى تۇرعىندار الەكساندر مەترينسكي مەن قاردا جۇرگىش تەحنيكادا بىرگە بولعان ادىلبەك بولاتوۆ تاپتى.

سالونىندا 9 ادام، ونىڭ ىشىندە ءبىر بالا بار ءۇش اۆتوكولىك جامبىل اۋدانىنداعى روجدەستۆەنكا اۋىلىنان 3 شاقىرىم جەردەگى جەرگىلىكتى ماڭىزى بار اۆتوجولدا قار قۇرساۋىندا قالعان. ولاردى اۋداندىق پوليتسيا ءبولىمىنىڭ باستىعى اسان مەيراموۆ باستاعان پوليتسەيلەر مەن «سترويترەست 17» جشس قىزمەتكەرلەرى قۇتقاردى. 5 ساعاتتىق ىزدەۋدىڭ ناتيجەسىندە ادامداردى ەۆاكۋاتسيالاپ، جىلىتۋ پۋنكتىنە جەتكىزدى. ءدال سول كۇنى اۋدان پوليتسەيلەرى ىشىندە جولاۋشىلارى بار سىنىپ قالعان «ۆاز 2110» اۆتوماشيناسىن سۇيرەپ شىعارعان. قاس قارايعان كەزدە ءايىمجان جانە پرەسنوۆكا اۋىلدارىنىڭ ورتاسىندا ەكى جەڭىل كولىك تۇرىپ قالعان. جۇرگىزۋشىلەر مەن جولاۋشىلار جىلىتۋ پۋنكتىنە جەتكىزىلدى، ولار تۇنەۋ ورنىمەن جانە ىستىق تاماقپەن قامتاماسىز ەتىلدى.

مامليۋت اۋدانىندا قار قۇرساۋىنان «DAF» جۇك كولىگىن سۇيرەپ شىعارۋ قاجەت بولدى. تاعى 48 جۇك كولىگى جانە 5 جەڭىل كولىك اۋدان ورتالىعى مامليۋتكاداعى «چەليابى-ءنوۆوسىبىر» تاس جولى بويىنداعى تۇراقپەن قامتاماسىز ەتىلدى. اۋدان اكىمى ۆلاديسلاۆ لۋكين، اۋدان پروكۋرورى سامات تولەگەنوۆ، اۋداندىق پب جانە تج باسشىلارى جۇرگىزۋشىلەر مەن جولاۋشىلاردىڭ قاۋىپسىزدىگىن جانە ولاردى ورنالاستىرۋدى، مامليۋتتىكتەردى تۇرعىلىقتى مەكەنجايلارىنا جەتكىزۋدى ۇيىمداستىرۋمەن جەكە اينالىستى.

«اۋا رايىنىڭ قولايسىزدىعىنان بارلىق جول قىزمەتتەرى بارىنشا ىجداھاتتى جۇمىس ىستەۋدە. رەسپۋبليكالىق ماڭىزى بار اۆتوجولارداعى جۇرگىزۋشىلەر ىستىق تاماق ىشەتىن جانە جىلىناتىن ورىنداردا 136 ماشينا تىنىستادى. تراسسالاردى جانە وبلىس ورتالىعىنداعى جول جەلىلەرىن قاردان تازالاۋ جۇمىسى كۇشەيتىلگەن رەجىمدە جۇرگىزىلۋدە. پەتروپاۆلدىق اۆتوكولىك يەلەرىنە قازىرگى جاعدايعا تۇسىنىستىكپەن قاراپ، كوممۋنالدىق قىزمەتتەرگە جولداردى قاردان تازارتۋعا كەدەرگى كەلتىرمەيتىندەي، جول جيەگىنە قويىلعان كولىكتەرىن الۋ قاجەتتىلىگىن ەسكەرتەمىز»، - دەيدى پد باستىعى پوليتسيا پولكوۆنيگى مارات تولەباەۆ.

سوڭعى جاڭالىقتار

تاميلانىڭ تارتۋى

ونەر • بۇگىن، 23:00

قارا جولداعى قاتەر

بۇگىن، 22:56

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار