ايماقتار • 24 اقپان، 2021

«تەڭىزشەۆرويل» پاندەميا كەزىندە قازاقستانعا قانداي كومەك بەردى؟

56 رەت كورسەتىلدى

جىلداعى ءداستۇر بويىنشا «تەڭىزشەۆرويل» جشس-ءنىڭ الماتىدا باق وكىلدەرىن كەزدەسۋى 2020 جىلى كوروناۆيرۋس سالدارىنان وتپەي قالعان ەدى، دەپ حابارلايدى Egemen.kz

ەپيدەميالىق جاعداي تۇراقتالعان سوڭ تشو جۋرناليستەردى مەگاپوليستە قايتا توعىستىرىپ، 2020 جىلعى جۇمىسناتيجەلەرىن جاريالادى. جاڭادان تاعايىندالعان تشو باس ديرەكتورى كەۆين لايون ارىپتەستەرىمىزدىڭ بارلىق ساۋالدارىنا جاۋاپ بەرە كەلە، كومپانيا ءبىرىنشى كەزەكتە دەنساۋلىق، قورشاعان ورتانى قورعاۋ، ءوندىرىس بارىسىنداعى قاۋىپسىزدىك پەن كادرلاردى ۇلتتاندىرۋدى جۇمىستارىنا باسىمدىق بەرىلەتىنىن اتاپ ءوتتى.

كاسىپورىن جىل بويى دەنساۋلىقتى قورعاۋعا، قىزمەتكەرلەرىنىڭ جانە وندىرىستىك قىزمەتتىڭ قاۋىپسىزدىگىن ساقتاۋعا باسا نازار اۋدارعان. تشو COVID-19 پاندەمياسىنا جانە مۇناي نارىعىنداعى كۇردەلى جاعدايلارعا قاراماستان، ۇزدىكسىز شيكىزات ءوندىرۋدى ساقتاي وتىرىپ، قاۋىپسىزدىك پەن قورشاعان ورتانى قورعاۋدا جوعارى كورسەتكىشتەرگە قول جەتكىزدى. كاسىپورىن 2020 جىلى 26،5 ميلليون توننا شيكى مۇناي ءوندىردى، بۇل قازاقستان رەسپۋبليكاسىندا وندىرىلگەن مۇنايدىڭ شامامەن 35%-ى.

كەلەشەك كەڭەيۋ جوباسى – ۇڭعىما ەرنەۋىندەگى قىسىمدى باسقارۋ جوباسىن (ككج-ۇەقبج) جۇزەگە اسىرۋدا ەلەۋلى ناتيجەگە قول جەتكىزىپ، جوبانى 80%-عا اياقتادى. اتالعان ناتيجە تەڭىز تاسىمالىنىڭ ءۇش جىلدىق باعدارلاماسىن قامتيدى. باعدارلاما شەڭبەرىندە ءتۇرلى حالىقارالىق پۋنكتتەردەن تەڭىزگە 408 اۋقىمدى ءمودۋلدى جۇك جەتكىزىلدى. ككج-ۇەقبج-نىڭ جوبالاۋ توبى قالعان قۇرىلىس-مونتاج جۇمىستارىن قازاقستان اۋماعىندا جالعاستىرادى. 2000 جىلدان باستاپ اۋاعا جىبەرىلەتىن جالپى شىعارىندىلاردى وندىرىلگەن مۇناي تونناسىنا شاققاندا 71%-عا ازايتتى.

گازدى الاۋدا جاعۋدى ازايتۋدى جانە پايداعا اسىرۋداعى جوعارى كورسەتكىشتى ساقتاۋعا باسا نازار اۋدارۋدى ودان ءارى جالعاستىرۋدا. 2020 جىلى بۇل كورسەتكىش 99،1%-دى قۇرادى. سونىمەن قاتار، كاسىپورىن 2020 جىلى سۋدى قايتا پايدالانۋ كوەففيتسيەنتىن 49،2 پايىزعا ارتتىردى. 2000 جىلدان باستاپ تەڭىز كەن ورنىنداعى وندىرىستىك قىزمەتتەرگە بايلانىستى، قورشاعان ورتاعا اسەردى ازايتۋعا باعىتتالعان جوبالارعا 3،1 ميلليارد اقش دوللارىنان استام قارجى سالدى. تشو 2020 جىلدىڭ قورىتىندىسى بويىنشا داۇلتتىق ەكونوميكانىڭ ەڭ ءىرى سالىمشىسى جانە سالىق تولەۋشىسى بولىپ قالدى، رەسپۋبليكا بيۋدجەتىنە قۇيعان تىكەلەي تولەمدەرى 6،6 ملرد اقش دوللارىنان استى.

سونداي-اق كاسىپورىن 3،5 ملرد اقش دوللارىن جەرگىلىكتى قامتۋشىلارعا جۇمساۋ ارقىلى وتاندىق تاۋارلار مەن قىزمەتتەردىڭ جەتەكشى ساتىپ الۋشىسى بولدى، ونىڭ 2،4 ملرد اقش دوللارى ككج-ۇەقبج شەڭبەرىندە جۇمسالدى.

سونىمەن قاتار تشو ءوز قىزمەتكەرلەرىنىڭ تەحنيكالىق جانە باسقارۋ قابىلەتتەرىن دامىتۋعا ينۆەستيتسيا سالۋدى باستى نازاردا ۇستايدى.

«تەڭىز كەن ورنى ­– بۇل قازاقستان رەسپۋبليكاسى ءۇشىن كەرەمەت قۇندىلىق، –  دەدى جاڭادان تاعايىندالعان تشو باس ديرەكتورى كەۆين لايون. –  مەن قىزمەتكەرلەرىمىزدىڭ كاسىبي شەبەرلىگى مەن قابىلەتتەرىن ءوز كوزىممەن كوردىم. ءبىز پاندەميا جاعدايىندا باستى نازاردى قىزمەتكەرلەرىمىزدىڭ دەنساۋلىعى مەن قاۋىپسىزدىگىن قورعاۋعا اۋدارا وتىرىپ، ، قاۋىپسىز، ءارى سەنىمدى ءوندىرىستى قامتاماسىز ەتەمىز، جانە دە بارلىق مۇددەلى تاراپتار يگىلىگى ءۇشىن ككج-ۇەقبج-نى اياقتاۋ باعىتىنداعى جۇمىسىمىزدى جالعاستىراتىن بولامىز».

تشو ءوزى جۇمىس ىستەيتىن قوعامداستىققا جانە قىزمەتكەرلەرىنىڭ ءال-اۋقاتىن ارتتىرۋعا ينۆەستيتسيا سالۋدى جالعاستىرۋدا.2020 جىلى «يگىلىك» ەرىكتى الەۋمەتتىك ينفراقۇرىلىم باعدارلاماسىنا 25 ميلليون اقش دوللارى كولەمىندە قارجى ءبولىپ، دوسسور كەنتىندەگى280 ورىندىق بالاباقشانىڭ، اتىراۋ ەنەرگەتيكا جانە قۇرىلىس كوللەدجى ستۋدەنتتەرىنە ارنالعان 100 ورىندىق جاتاقحانانىڭ، اتىراۋ قالاسىنداعى ەركەرلىك تۋتۇعىر مونۋمەنتىنىڭ قۇرىلىستارىن جانە قۇلسارىداعى قۇرساي وزەنىنىڭ جاعالاۋىن اباتتاندىرۋدى اياقتادى.

بۇعان قوسا، الەۋمەتتىك ينۆەستيتسيالار باعدارلاماسى شەڭبەرىندە اتىراۋ جانە ماڭعىستاۋ وبلىستارىندا دەنساۋلىق ساقتاۋ مەن ءبىلىم بەرۋ ساپاسىن جاقسارتۋعا، الەۋمەتتىك كاسىپكەرلىكتى دامىتۋعا باعىتتالعان 18 جوباعا 2،2 ميلليوننان استام اقش دوللارىن جۇمسادى. ناتيجەسىندە پەداگوگيكالىق، مەديتسينالىق جانە تەحنيكالىق قىزمەتكەرلەر ءۇشىن 1000-نان استام جاڭا جۇمىس ورنى اشىلدى.

پاندەميا كەزىندە ايماقتاعى پتر سىناماسى قۋاتىن ارتتىرا وتىرىپ، قاجەتتى مەديتسينالىق قۇرالجابدىقتاردى ساتىپ الۋعا جانە مەديتسينالىق مەكەمەلەردىڭ قۇرىلىسىن قارجىلاندىرۋعا 10،7 ملن اقش دوللارىن (4،5 ملرد اقشتەڭگە) ءبولدى. كاسىپورىن ءوزىنىڭ مەردىگەر ۇيىمدارىنىڭ كومەگىمەن قۇلسارى قالاسىنداعى 200 ورىندىق كوپسالالى مەديتسينالىق كەشەن قۇرىلىسىن قارجىلاندىرۋدا.

سوڭعى جاڭالىقتار

ۇقساس جاڭالىقتار