ەلوردا • 24 اقپان، 2021

ەلوردادا ءورت سانى ازايدى

2 رەت كورسەتىلدى

جۇرگىزىلگەن الدىن الۋ جۇمىستارىنىڭ ارقاسىندا سوڭعى 6 جىلدا ءورت جانە ونىڭ زارداپتارى بويىنشا كورسەتكىشتەردى ەسكەرە وتىرىپ، ەلوردادا ءورت سانىنىڭ 4%-عا، ادامداردىڭ قازا بولۋى 18،5%-عا، جاراقاتتانۋى 24%-عا تومەندەۋىنە قول جەتكىزىلدى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

وتكەن جىلدىڭ قورىتىندىسى بويىنشا ورتتەردەن كەلتىرىلگەن ماتەريالدىق شىعىن 35 ملن.تەڭگەدەن استى، بۇل رەتتە 1 ملرد. تەڭگەدەن استام سوماداعى ماتەريالدىق قۇندىلىقتار قۇتقارىلدى.

«جىل سايىن ورتتەردىڭ ورتاشا 50%-ى تۇرعىن ءۇي سەكتورىنا تيەسىلى، ونىڭ ىشىندە 57%-ى – جەكە مەنشىك سەكتور، 26%-ى – كوپقاباتتى تۇرعىن ۇيلەر، 17%-ى – وزگە دە تۇرعىن ۇيلەر جانە شارۋاشىلىق قۇرىلىستار. بارلىق تىركەلەتىن ورتتەردىڭ 60%-ى كۇزگى-قىسقى كەزەڭگە كەلەدى. 2020 جىلى ورتتەردىڭ شىعۋ سەبەپتەرىن تالداۋ بارىسىندا مىناداي نەگىزگى سەبەپتەرى انىقتالدى: ەلەكتر جەلىلەرى مەن ەلەكتر قوندىرعىلارىن مونتاجداۋ جانە تەحنيكالىق پايدالانۋ قاعيدالارىن بۇزۋ، پەشتەردى ورناتۋ جانە پايدالانۋ كەزىندە ءورت قاۋىپسىزدىگى قاعيدالارىن بۇزۋ، تۇرعىنداردىڭ ابايسىز پايدالانۋى»، - دەدى نۇر-سۇلتان قالاسى تجد باستىعى قۋانار بازارباەۆ 2020 جىلدىڭ قورىتىندىسى بويىنشا ءورت سالدارىنان 22 ادام قازا تاپتى. ولاردىڭ اراسىندا بالالار جوق. ال قازا بولعانداردىڭ 16-سى ءورت كەزىندە ماس كۇيىندە بولعان. جاراقات العاندار سانى 46 ادام. ونىڭ ىشىندە بالالار – 6.

نۇر-سۇلتان قالاسىنىڭ توتەنشە جاعدايلار دەپارتامەنتى ەلوردانىڭ جەكە سەكتورىندا جىلىتۋ ماۋسىمى كەزەڭىندە ورتتەردىڭ الدىن الۋعا باعىتتالعان پروفيلاكتيكالىق ءىس-شارالار كەشەنىن جۇرگىزۋدە. ء«ورت قاۋىپسىزدىگى ايلىعى» باستالعاننان بەرى 2020 جىلدىڭ 15 تامىزىنان باستاپ 42 مىڭنان استام اۋلانى ارالاپ، ءورت قاۋىپسىزدىگى بويىنشا جادىنامالار تاراتىلدى، ولاردىڭ بارىسىندا 55 مىڭنان استام ادامعا نۇسقاۋ بەرىلدى.

قالالىق پيك قاۋىمداستىعىمەن جانە اۋداندىق اكىمدىكتەرمەن ءوزارا ءىس-قيمىل كەزىندە پيك توراعالارىمەن ءورت قاۋىپسىزدىگىن قامتاماسىز ەتۋ ماسەلەلەرى بويىنشا كەڭەستەر وتكىزىلدى. «WhatsApp» ارقىلى جالپى ۇيلىك چاتتارى، اتا-انالار چاتتارى قولدانىلىپ، تۇرعىنداردى تۇرمىستاعى ءورت قاۋىپسىزدىگى شارالارى جانە بالالاردىڭ وتپەن ويناۋىنىڭ الدىن الۋ تۋرالى حاباردار ەتەدى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار