سپيكەر ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنىڭ ىسكە اسىرىلۋى تۋرالى ايتتى. بۇل باعدارلاما ءۇش باعىت بويىنشا ىسكە اسىرىلۋدا:
1) ەڭبەك نارىعىندا تالاپ ەتىلەتىن ماماندىقتار بويىنشا قىسقا مەرزىمدى كاسىپتىك وقىتۋ. 2020 جىلى قىسقا مەرزىمدى كاسىپتىك كۋرستارعا 1 005 ادام جىبەرىلدى.
2) جاپپاي كاسىپكەرلىكتى دامىتۋ, كرەديتتەر مەن گرانتتار بەرۋ. وسى باعىت بويىنشا وتكەن جىلدىڭ قورىتىندىسى بويىنشا بيزنەس-يدەيالاردى ىسكە اسىرۋعا 1 705 مەملەكەتتىك گرانت جانە 154 ميكروكرەديت بەرىلدى.
3) حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىرلىعى ارقىلى ەڭبەك نارىعىن دامىتۋ.
«ەڭبەك» باعدارلاماسىنىڭ ءۇشىنشى باعىتى مىناداي مىندەتتەردى ىسكە اسىرۋدى كوزدەيدى: جۇمىسپەن قامتۋعا جاردەمدەسۋ; ەڭبەك رەسۋرستارىنىڭ ۇتقىرلىعىن ارتتىرۋ; جۇمىسقا ورنالاستىرۋ بويىنشا بىرىڭعاي تسيفرلىق الاڭدى دامىتۋ.
«باعدارلامالار حالىقتى جۇمىسپەن قامتۋدىڭ بەلسەندى تۇرلەرىمەن قامتۋدى كەڭەيتۋگە مۇمكىندىك بەرەدى. جالپى, الماتى قالاسىنىڭ جۇمىسپەن قامتۋ ورتالىعىمەن 2020 جىلى 34 855 ادام جۇمىسقا ورنالاستىرىلدى, ونىڭ ىشىندە "جۇمىسپەن قامتۋدىڭ جول كارتاسى 2020" باعدارلاماسى اياسىندا 10 958 ادام جۇمىسقا ورنالاستىرىلدى», دەدى ديليارا يمانقۇلوۆا.
بار بوس جۇمىس ورىندارى تۋرالى سۇراققا جاۋاپ بەرە وتىرىپ, سپيكەر ات-ماماندىقتارعا سۇرانىستىڭ ءوسىپ كەلە جاتقانىن اتاپ ءوتتى.
2021 جىلعا ارنالعان باستى مىندەت جۇمىسسىزدىق دەڭگەيىنىڭ وسۋىنە جول بەرمەۋ جانە جۇمىسپەن قامتۋعا جاردەمدەسۋ شارالارىمەن بارىنشا قامتۋ, جۇمىسقا ورنالاستىرۋ بويىنشا بىرىڭعاي تسيفرلىق الاڭدى دامىتۋ بولىپ تابىلادى. 20 مىڭنان استام ادامدى جۇمىسپەن قامتۋ جوسپارلانعان.
