فوتو: بەرەكە سەيتجاپپار
مەكتەپتەر 259 ارنايى پاندىك كابينەتپەن جاراقتاندىرىلادى. بىلتىر جىل باسىندا شىمكەنتتىڭ 27 وقۋشىسىنا ءبىر كومپيۋتەردەن كەلسە, قازىر 4 وقۋشىعا ءبىر كومپيۋتەردەن كەلەدى.
ودان بولەك, بيىل 28 مەكتەپتىڭ اۋلاسىنا سپورت الاڭدارى سالىنادى. وتكەن جىلى بالالاردىڭ قاۋىپسىزدىگى ءۇشىن ىشتە اجەتحاناسى جوق 36 مەكتەپكە اجەتحانا ورناتىلىپ, بۇل ماسەلە تولىق شەشىلسە, بيىل ءبىلىم بەرۋ ۇيىمدارىنا 100 پايىز بەينەباقىلاۋ جانە تۋرنيكەت قويىلادى. ولار پوليتسيامەن ينتەگراتسيالانادى.
كاسىبي ءبىلىم بەرەتىن مەكەمەلەرگە كەلەر بولساق, بىلتىر 2 كوللەدج جابدىقتالسا, بيىل تاعى 5 كوللەدج جابدىقتالادى. IT, قۇرىلىس, دانەكەرلەۋشى, راديوبايلانىس ماماندىقتارى بويىنشا كاسىبي باعدار بەرەتىن قۇزىرەتتىلىك ورتالىقتارى اشىلادى.
ءبىلىم بەرۋ تاقىرىبىن قورىتىندىلاعان اكىم بالانىڭ ءبىلىمى مەن تاربيەسىندە اتا-انا مەن ۇستازدىڭ جاۋاپكەرشىلىگى جونىندە باسا ايتتى.
ء«بىلىم بەرۋ ۇيىمدارىنىڭ باسشىلارىنا ءبىلىم ساپاسىنا قاتىستى جوعارى تالاپ قويىلىپ وتىر. بارلىق ديرەكتورلاردى ادال جۇمىس ىستەۋگە, ءبىلىم ساپاسىن ارتتىرىپ, بولاشاق ءۇشىن قىزمەت ەتۋگە شاقىرامىن. سونداي-اق, جاسوسپىرىمدەر اراسىنداعى ءسۋيتسيدتى زەرتتەگەن حالىقارالىق يۋنيسەف قورى قازاقستاندا اتا-انالار بالالارىمەن كۇنىنە تەك 15 مينۋت قانا سويلەسەتىنىن انىقتاپتى. اتا-انالاردان بالالارىمىزدىڭ ءبىلىمى مەن تاربيەسىنە كۇنىنە كەمىندە ءبىر ساعات ۋاقىت ءبولۋدى وتىنەمىن» - دەدى مۇرات دۇيسەبەك ۇلى.
