تاراپتار قازاقستاننىڭ وزەكتى الەۋمەتتىك - ساياسي جانە سىبايلاس جەمقورلىققا قارسى رەفورمالارىن تالقىلاپ, مەملەكەتتىك باسقارۋ جۇيەسىندەگى ترانسفورماتسيا مەن جەمقورلىقتى جويۋ اراسىنداعى اجىراماس بايلانىستى اتاپ ءوتتى.
اليك شپەكباەۆ شەتەلدىك ساراپشىلاردىڭ سۇراقتارىنا جاۋاپ بەرە وتىرىپ, سىبايلاس جەمقورلىققا قارسى زاڭنامانىڭ جاڭاشىلدىقتارىن قۇقىق قولدانۋ تۋرالى ەگجەي-تەگجەيلى باياندادى. اتاپ ايتقاندا, بۇل مەملەكەتتىك ورگاندار مەن ۇيىمدار باسشىلارىنىڭ قاراماعىنداعى قىزمەتكەرلەردىڭ سىبايلاس جەمقورلىعى ءۇشىن جاۋاپكەرشىلىككە تارتۋدىڭ, جۇرتشىلىقتى جۇمىلدىرا وتىرىپ, سىبايلاس جەمقورلىققا قارسى ساراپتاما جۇرگىزۋدىڭ, سونداي-اق سىبايلاس جەمقورلىق فاكتىلەرى تۋرالى حابارلاعانى ءۇشىن ازاماتتاردى كوتەرمەلەۋدىڭ سارالانعان جۇيەسىنىڭ تاجىريبەسى تۋرالى بولدى.
ساراپشىلار ءۇشىن ازاماتتىق قوعامدى شەشىم قابىلداۋ پروتسەسىنە جانە سىبايلاس جەمقورلىققا قارسى باستامالارعا تارتۋ شارالارى ەرەكشە قىزىعۋشىلىق تۋدىردى. ء«بىز ىلگەرىلەۋدى كورىپ وتىرمىز. ۇزاق مەرزىمدى كەلەشەكتە سىزدەردىڭ قوعامدى كەڭىنەن قاتىستىرۋدى قامتاماسىز ەتۋ جونىندەگى جۇمىستارىڭىز – زاڭنامانى ۇنەمى جەتىلدىرۋ سەكىلدى ماڭىزدى بولىپ تابىلادى», - دەپ اتاپ ءوتتى قوردىڭ اعا ساراپشىسى سابينە دوننەر.
قور وكىلدەرى تاڭدالعان باعىتتىڭ ارتىقشىلىقتارىن كورسەتە وتىرىپ, سىبايلاس جەمقورلىققا قارسى ءىس-قيمىلداعى كەشەندى ءتاسىلدى جوعارى باعالادى. جالپى, ولار قابىلدانىپ جاتقان زاڭنامالىق شارالاردىڭ وزەكتىلىگىن ايقىنداپ, ولاردى ساپالى ىسكە اسىرۋ ازاماتتاردىڭ ءال-اۋقاتىن ارتتىرۋعا وڭ اسەر ەتەتىنىن اتاپ ءوتتى.
