«باستى مىندەت – «تۋبەركۋلەزدىڭ ۇكىم ەمەس ەكەنىن» ايتۋ. باستامانىڭ ماقساتى – حالىقتىڭ تۋبەركۋلەزگە قارسى ءىس - شارالار تۋرالى جانە ەلدەگى تۋبەركۋلەزدى تەكسەرۋ مەن ەمدەۋدىڭ تۇرعىندار ءۇشىن قولجەتىمدى جاعدايلارى تۋرالى حاباردار بولۋىن ارتتىرۋ», - دەدى ول.
بۇكىل الەمدە اتاپ وتىلەتىن كۇننىڭ مىندەتى بارلىق تۇرعىندارعا تۋبەركۋلەز ماسەلەسى ءبىزدىڭ كەز كەلگەنىمىزگە اسەر ەتۋى مۇمكىن ەكەندىگىن جەتكىزۋ, سوندىقتان اكتسيانىڭ ءساتتى بولۋى ءار ادامنىڭ جەكە ۇستانىمىنا بايلانىستى. وسىعان بايلانىستى تۋبەركۋلەز دەگەنىمىز نە, ونىڭ نەدەن باستالاتىنىن, قالاي انىقتالاتىنىن جانە قالاي ەمدەلەتىنىن ءتۇسىندىرۋ قاجەت.
«ەگەر تۋبەركۋلەزگە ءتان بەلگىلەر بولسا, وندا ءسىز مەديتسينالىق ۇيىمعا بارىپ, تەگىن ەم الا الاسىز», - دەيدى مالىك ادەنوۆ.
سونداي-اق سپيكەرلەر بىرقاتار ۇسىنىستار بەردى. تۋبەركۋلەزبەن اۋىرماۋ ءۇشىن سالاۋاتتى ءومىر سالتىن ۇستانۋ ماڭىزدى. سونىمەن قاتار, قالا تۇرعىندارىنىڭ جەكە گيگيەنا جانە الدىن الۋ شارالارىن - بەتپەردە رەجيمى مەن الەۋمەتتىك قاشىقتىقتى ساقتاۋى COVID-19 سياقتى اۋا تامشىلارىمەن بەرىلەتىن تۋبەركۋلەزدىڭ تارالۋىن بولدىرماۋعا دا وڭ اسەر ەتتى.
ءبىر ايلىق ناسيحات كەزىندە وقۋ ورىندارىندا جانە باسقا دا ۇيىمداردا كۇشەيتىلگەن اقپاراتتىق-ءتۇسىندىرۋ جۇمىستارى جۇرگىزىلەدى, روليكتەر كورسەتىلەدى, تاقىرىپقا ساي ۇزدىك جاريالاۋ, مەكتەپتەردە وسى تاقىرىپتى دۇرىس تۇسىندىرۋگە قاتىستى كونكۋرستار وتكىزىلەتىن بولادى. بۇل تۋبەركۋلەز تۋرالى ايتۋدىڭ قول جەتىمدى ءادىسى.
«بۇگىنگى تاڭدا بارلىق مەديتسينالىق ۇيىمدار مەن الماتى قالاسىنىڭ تۇرعىندارى ينفەكتسيالىق باقىلاۋ مەن جەكە قورعانۋ قۇرالدارىنىڭ نە ەكەنىن تۇسىنەدى», - دەپ اتاپ ءوتتى الماتى قالاسىنىڭ فتيزيوپۋلمونولوگيا ورتالىعىنىڭ ديرەكتورى جانار ساپيەۆا.
بريفينگ بارىسىندا كەلەسى 5 جىلعا ارنالعان جاڭا كەشەندى جوسپاردىڭ ەنگىزىلگەنى تۋرالى حابارلاندى.
ء«بىز بيىل 2021-2025 جىلدارعا ارنالعان جاڭا كەشەندى جوسپار ازىرلەپ, قابىلداۋدى جوسپارلاپ وتىرمىز, وندا بارلىق ءىس - شارالار جازىلادى, سوعان سايكەس ءبىز بولاشاقتا جۇمىس ىستەيتىن بولامىز», - دەپ حابارلايدى مالىك ادەنوۆ.
ايتا كەتۋ كەرەك, تۋبەركۋلەزگە قارسى كۇرەس جونىندەگى 2014 - 2020 جىلدارعا ارنالعان كەشەندى جوسپاردى ىسكە اسىرۋ ناتيجەسىندە تۋبەركۋلەز بويىنشا تۇراقتى ەپيدەميولوگيالىق جاعداي بايقالادى. سوڭعى 10 جىلدا تۋبەركۋلەزبەن اۋىرۋ 2,3 ەسە ازايدى, 2009 جىلعى 100 مىڭ تۇرعىنعا شاققاندا 105,3-كە قاراعاندا, 2020 جىلى 100 مىڭ تۇرعىنعا شاققاندا 35,7-ءنى قۇرادى, 2020 جىلدىڭ قورىتىندىسى بويىنشا تۋبەركۋلەزدىڭ تارالۋى 100 مىڭ تۇرعىنعا شاققاندا 49,3-ءتى قۇرادى. ءولىم كورسەتكىشى 6 ەسەگە تومەندەدى.
