مەملەكەت باسشىسى ءوزىنىڭ جىل سايىنعى جولداۋىندا اتاپ وتكەندەي, پاندەميا كەزەڭىندە شاعىن جانە ورتا بيزنەس قيىن جاعدايعا تاپ بولىپ, قولداۋعا اسا مۇقتاج. وسى رەتتە, بيزنەسكە زاڭسىز ارالاسۋ, ونىڭ قىزمەتىنە كەدەرگى كەلتىرۋ «مەملەكەتكە قارسى ەڭ اۋىر قىلمىس» رەتىندە قابىلدانۋى ءتيىس.
كاسىپكەرلىك سالاداعى سىبايلاس جەمقورلىققا قارسى تابىستى ءىس-قيمىل ەكونوميكالىق ءوسىمدى قامتاماسىز ەتىپ, ينۆەستيتسيالىق تارتىمدىلىقتى جانە حالىقتىڭ ءال-اۋقاتىن ارتتىرادى.
بۇل باعىتتا سىبايلاس جەمقورلىققا قارسى ءىس – قيمىل اگەنتتىگى قولايلى ينۆەستيتسيالىق احۋالدى نىعايتۋ, كاسىپكەرلەر تاپ بولاتىن بارلىق پروتسەستەردى سىبايلاس جەمقورلىققا قارسى سۇيەمەلدەۋ ارقىلى بيزنەس پەن ينۆەستورلاردىڭ مەملەكەتتىك ورگاندارعا سەنىمىن ارتتىرۋعا باعىتتالعان «Protecting business and investments» (بۇدان ءارى – PBI) جوباسىن ىسكە اسىرۋدا.
اگەنتتىكتىڭ الاڭىندا جوبالىق كەڭسەنىڭ جەتەكشىسى و. ساۆەلەنكو 2020 جىلعى PBI جوباسىنىڭ قورىتىندىلارى تۋرالى ەسەپ بەردى.
بۇگىندە اگەنتتىك جالپى سوماسى 16,3 ترلن. تەڭگەنىڭ 656 بيزنەس-جوباسىن سىبايلاس جەمقورلىققا قارسى سۇيەمەلدەيدى.
قاتاڭ كارانتين رەجيمىنە قاراماستان, بىلتىرعى كورسەتكىشتەر 2019 جىلمەن سالىستىرعاندا جوعارى جانە جوبانىڭ 2018 ء(بىرىنشى) جىلعى كورسەتكىشىنە جاقىندادى.
2020 جىلدىڭ ءبىرىنشى جانە ەكىنشى جارتىجىلدىعىمەن سالىستىرعاندا جاسالعان كەلىسىمدەر سانى 40,4%–عا ءوستى (I جارتىجىلدىق – 99, II جارتىجىلدىق - 139).
مالىمدەلگەن ينۆەستيتسيالار سوماسى 8 ەسەگە ارتتى (I جارتىجىلدىق - 0,5 ترلن تەڭگە, II جارتىجىلدىق - 4,2 ترلن تەڭگە).
جاسالعان كەلىسىمدەردىڭ جالپى ستاتيستيكاسىنا سايكەس ءار وڭىردەگى كەلىسىمدەردىڭ ورتاشا سانى 25-تەن 45-كە دەيىنگى ارالىقتا اۋىتقيدى.
ايتا كەتۋ كەرەك, 115 جوبادا, ياعني ءار بەسىنشى جوبادا (17,7%) شەتەلدىك قاتىسۋ (23 ەل) بايقالادى, ال 4-ءشى توقسانداعى ءوسىم 4,5% قۇرادى.
قىتاي (35), رف (15), تۇركيا (13), گەرمانيا (11) كەڭ تارالعان, ءباا-نەن (5), اقش-تان (4) جانە پولشادان (3) ينۆەستيتسيالار بەلسەندى تارتىلۋدا.
باسقا ەلدەردىڭ – ءازىربايجان, اۋعانستان, بەلارۋس, ۇلىبريتانيا, دانيا, ءۇندىستان, يران, يسپانيا, مالايزيا, نيدەرلاندى, سينگاپۋر, سلوۆاكيا, فرانتسيا, چەحيا, شۆەيتساريا جانە جاپونيانىڭ جوبالارى سۇيەمەلدەنۋدە.
جوبالىق كەڭسەنىڭ جۇمىسىنا ءتۇرلى حالىقارالىق ۇيىمداردىڭ وكىلدەرى قىزىعۋشىلىق تانىتۋدا. اتاپ ايتقاندا, ولار كاسىپكەرلەرمەن ءوزارا ارەكەتتەسۋ تەتىكتەرىنە, اسەر ەتۋ قۇرالدارىنا جانە شاعىمداردى شەشۋ ادىستەرىنە, پراكتيكالىق ناتيجەلەرگە قىزىعۋشىلىق تانىتادى.
وسى رەتتە, بيزنەس-جوبانى اگەنتتىكتىڭ سىبايلاس جەمقورلىققا قارسى سۇيەمەلدەۋىنىڭ نەگىزگى شارتى – ينۆەستورلاردى ادال بيزنەس جۇرگىزۋگە مىندەتتەيتىن كەلىسىمگە قوسىلۋى ەكەنىن اتاپ وتكەن ءجون.
سۇيەمەلدەنەتىن بيزنەس جۇگىنەتىن پروبلەمالىق ماسەلەلەردى شەشۋدە بەلگىلى ءبىر تابىستارعا قول جەتكىزۋ – ەڭ الدىمەن, اگەنتتىكتىڭ, «اتامەكەن» ۇكپ-نىڭ, سىرتقى ىستەر مينيسترلىگى مەن يندۋستريا جانە ينفراقۇرىلىمدىق دامۋ مينيسترلىگىنىڭ اراسىنداعى سىندارلى ىنتىماقتاستىق پەن جەدەل ءوزارا ءىس-قيمىلعا نەگىزدەلگەن.
بيزنەسمەندەردىڭ وتىنىشتەرى بويىنشا جۇيەلى اكىمشىلىك كەدەرگىلەردى انىقتاۋ جانە ونى «اتامەكەن» ۇكپ-نىڭ پروبلەمالار تىزىلىمىنە ەنگىزۋ جونىندە بىرلەسكەن جۇمىستار جۇرگىزىلۋدە.
ءتىزىلىمنىڭ مازمۇندىق بولىگى كاسىپكەرلىكتىڭ جۇيەلى پروبلەمالارىن شەشۋ بويىنشا جيناقتاۋدى, جىكتەۋدى, ۇسىنىستار ازىرلەۋدى جانە ولاردى ىسكە اسىرۋ بارىسىنا, ونىڭ ىشىندە زاڭناماعا جانە نقا-عا وزگەرىستەر مەن تولىقتىرۋلار ەنگىزۋ بويىنشا ۇسىنىستار ازىرلەۋ جولىمەن مونيتورينگ جۇرگىزۋدى بىلدىرەدى.
بۇگىنگى كۇنى تىزىلىمدە 373 پروبلەمالىق ماسەلە بار, ونىڭ ء255–ى شەشىلدى, 76-سى مەملەكەتتىك ورگاندار مەن "اتامەكەن" ۇكپ-نىڭ قاراۋىندا, 42-ءسىن شەشۋ بويىنشا جۇمىستار جۇرگىزىلۋدە.
اگەنتتىك اشىق جانە «حالىق ۇنىنە قۇلاق اساتىن» مەملەكەتتى قالىپتاستىرۋ بويىنشا, ونىڭ ىشىندە ءوز قىزمەتىنىڭ باسىمدىقتارىنىڭ ءبىرى بولىپ تابىلاتىن بيزنەس پەن ينۆەستيتسيالاردى قورعاۋ اياسىندا پراكتيكالىق شارالار قابىلداۋدا.
