مەديتسينا • 23 اقپان، 2021

ساقتاندىرىلماعاندار سانى كوبەيدى

13 رەت كورسەتىلدى

قالىڭ جۇرتشىلىقتى ساقتاندىرۋ مارتەبەسىمەن قامتاماسىز ەتۋ – ءمامس جۇيەسىندەگى وزەكتى ماسەلەلەردىڭ ءبىرى. ۇلتتىق ەكونوميكا مينيسترلىگىنىڭ
1 اقپانداعى مالىمەتىنە سايكەس الماتىدا 1،9 ملن تۇرعىن بولسا، ونىڭ 81،5%-ى ساقتاندىرىلعان، قالعان 18،5%-ى نەمەسە 389 356 ادام ساقتاندىرىلماعان. بۇل تۋرالى «الەۋمەتتىك مەديتسينالىق ساقتاندىرۋ قورى» كەاق الماتى قالالىق فيليالىنىڭ ديرەكتورى تىلەۋحان ابىلداەۆ باياندادى.

دەگەنمەن، جەرگىلىكتى اتقارۋ ورگاندارىمەن بىرگە جۇرگىزىلىپ جاتقان جۇمىستار وڭ ناتيجەسىن بەرىپ جاتىر. ماسەلەن، وتكەن جىلدىڭ 1 تامىزىندا الماتىدا ساقتاندىرىلماعانداردىڭ ۇلەسى 22،6% بولسا، جىل سوڭىندا 15%-عا دەيىن قىسقارعان ەدى، وكىنىش­كە قاراي، بۇگىنگى تاڭدا بۇل كور­سەت­كىش 18،5%-عا ءوستى.

قۇرىلىمدىق جاعىنان الىپ قارايتىن بولساق، ساق­تان­دى­رىل­ما­عان 389 مىڭ ادامنىڭ 142 999-ى – بجت تولەۋشى بولسا، 100 818-ءى – ءارتۇرلى سەبەپتەرمەن كەيىن­گى ايلاردا ولاردىڭ اتىنا جارنا اۋدارۋ توقتاتىلعاندار. سونى­مەن قاتار بۇل كورسەتكىشتىڭ ىشىندە 15 452 جەكە كاسىپكەر، 7 635 ازاماتتىق-قۇقىقتىق كەلىسىم­شارت نەگىزىندە جۇمىس ىستەيتىندەر مەن ءوز بەتىنشە تولەپ وتىرعان 2 682 ادام بار.

 

شاعىن جانە ورتا بيزنەس وكىلدەرى دە بار

سونىمەن قاتار ساقتان­دىرىل­ما­­عاندار اراسىندا جىل سوڭىنا دەيىن ساقتاندىرۋ تولەمدەرىنەن بوساتىلعان شوب قىزمەتكەرلەرى دە بولۋى مۇمكىن.

– جالپى، ۇكىمەتتىڭ №224 (№721) قاۋلىسى بويىنشا الما­تى­دا 116 604 شاعىن جانە ورتا بيزنەس نىسانىنا جەڭىلدىك بەرىلگەن. 2021 جىلدىڭ 5 اقپا­نىن­داعى مالىمەت بويىنشا، ونىڭ 68،2%-ى
جۇ­مىسشىلارىن ساق­تاندىرعان بول­سا، قالعان 31،8%-ى كاسىپو­رىن­نىڭ قىز­مەت­­كەرى ساقتاندىرۋ جۇيە­سى­نەن تىس قالىپ وتىر دەگەن ءسوز. قور «ساقتاندىرۋ» اقپاراتتىق جۇيەسىنە ەنگىزىلمەگەن شوب قىز­مەت­­كەرلەرى ساقتاندىرۋ جۇيەسى­نە قارىز بولىپ قالماس ءۇشىن، بيزنەس نىساندارىنا ءتيىستى مالىمەتتەردى 2021 جىلدىڭ 1-توقسانىنىڭ سو­ڭىنا دەيىن ەنگىزۋگە مۇمكىندىك بە­رىپ وتىر.

– ەسكە سالا كەتسەم، ۇكىمەتتىڭ 2020 جىلى 20 ساۋىردەگى №224 قاۋلىسى بو­يىنشا، جەكە جۇمىس ىستەيتىن تۇلعالار، سونداي-اق ميكرو، شاعىن جانە ورتا بيزنەس سۋبەكتىلەرى 2021 جىلدىڭ 1 قاڭتارىنا دەيىن قاراماعىنداعى قىزمەتكەرلەر ءۇشىن جارنا تولەۋ مىندەتىنەن بوساتىلعان بولاتىن، – دەيدى ت.ابىلداەۆ.

 

كىم قانشا تولەيدى؟

جارنا/اۋدارىم كولەمى ءمامس تۋرالى زاڭدا كورسەتىلگەن ءتار­تىپ بويىنشا وزگەرەدى. زاڭ بويىنشا، جۇمىس بەرۋشىلەر ءار قىزمەتكەر ءۇشىن ءوز قالتاسىنان اۋدارىم جاسايدى. جۇمىس بەرۋشى تولەي­تىن اۋدارىم مولشەرى بيىل وزگەرگەن جوق، قىزمەتكەر تابى­سى­نىڭ 2% كولەمىن اۋدارادى (2017 جىلدىڭ 1 شىلدەسىنەن – 1%; 2018 جىلى – 1،5%; 2020 جىلى – 2%).

سونىمەن قاتار جۇمىس بەرۋشى اۋدا­رىمعا قوسا، جالدا­مالى جۇمىس­كەرلەردىڭ جالاقىسىنان 2% مول­شەرىندە جارنا ۇستاپ قورعا اۋدارادى (بىلتىر 1% بولاتىن). بىراق اي سايىن جارنا ۇستالاتىن تابىس كولەمى 10 ەڭ تومەنگى جالاقىدان (نەمەسە 425 مىڭ تەڭگەدەن) اسپاۋى ءتيىس. ياعني اي سايىنعى جارنا مولشەرى 8 500 تەڭگەدەن جوعارى بولماۋى كەرەك.

جەكە كاسىپكەرلەردىڭ جارناسى وزگەر­گەن جوق. ولار بۇرىنعىشا 1،4 ەڭ تومەنگى جالا­قىنىڭ 5%-ىن، ياعني 2 975 تەڭگە تولەيدى.

سونىمەن قاتار ەلىمىزدە ءوزىن-ءوزى جۇمىسپەن قامتىعاندار دەگەن سانات بار. ولار بۇرىنعىشا 1 ەڭ تومەنگى جالاقىنىڭ 5 پايىزىن، ياعني 2 125 تەڭگە تولەيدى. سەبەبى بيىل ەڭ تومەنگى جالاقى مولشەرى وزگەرگەن جوق.

بىرىڭعاي جيىنتىق تولەم تولەۋشى 1 ايلىق ەسەپتىك كورسەت­كىش كولەمىندە جارنا اۋدارادى. بيىل اەك مولشەرى وزگەردى. سون­دىقتان بۇل سانات 2 917 تەڭگە تولەيدى. قارجىنىڭ 40%-ى – مەديتسينالىق ساقتاندىرۋ قورىنا، 30%-ى – بىرىڭعاي جيناقتاۋشى زەينەتاقى قورىنا، 20%-ى – الەۋمەتتىك ساقتاندىرۋ قورى­نا اۋدارىلادى، 10%-ى تابىس سالىعى رەتىندە ۇستالادى.

سونىمەن قاتار جۇمىس بەرۋ­شى جە­ڭىل­دى­گى بار 15 ساناتقا كىرە­تىن قىز­مەت­كەرلەر ءۇشىن جارنا اۋدار­مايدى. ولاردى مەملەكەت ساق­تاندىرادى. مەم­لەكەت ولار ءۇشىن بيىل ورتاشا جالاقىنىڭ 1،6%-ىن اۋدارادى (الدىڭعى ەكى جىلعا بەل­گىلەنگەن ورتاشا ايلىق جالاقى نە­گىزىندە ەسەپتەلەدى).

 

قورعا قانشا قارجى ءتۇستى؟

قورعا جارنا/اۋدارىم تولەۋ جالعاسىپ جاتىر. مەديتسينالىق ساق­­تان­دىرۋ قورىنا ءمامس جۇ­يەسى ىسكە قوسىلعان 2017 جىل­دىڭ 1 شىلدەسىنەن 2021 جىلدىڭ 15 اقپا­نىنا دەيىنگى ارالىقتا 529،1 ملرد تەڭگەگە جۋىق قارجى جيناق­تالدى.

جارنا كولەمى جاعىنان جيناق­تال­عان سومانىڭ بەستەن ءبىر بولىگى بۇرىنعىشا، وڭتۇستىك استانانىڭ ەنشىسىندە. جالپى اتالعان ۋاقىت ارالىعىندا الماتى قالاسىنان 99،5 ملرد تەڭگەدەن استام جارنا اۋدارىلدى. ونىڭ 79 ملرد تەڭگەدەن استامى – جۇمىس بەرۋ­شى­لەردىڭ جاساعان اۋدارىمى بولسا، قالعان 20،5 ملرد تەڭگە – جەكە كاسىپكەرلەر مەن ازاماتتىق-قۇ­قىق­تىق كەلىسىمشارت بويىنشا ەڭبەك ەتەتىندەرگە تيەسىلى. سون­داي-اق الماتى قالاسى بويىن­شا 2019 جىلدان بەرى ءوزىن-ءوزى جۇ­مىسپەن قامتىعان 197 مىڭنان استام ادام 392،3 ملن تەڭگە كولە­مىن­دە بجت تولەگەن.

 

41،5 مىڭ كت مەن مرت جاسالدى

مەديتسينالىق ساقتاندىرۋ قورى وسىمەن ءتورتىنشى جىل قاتا­رىنان كەپىل­دەن­دىرىلگەن تەگىن مەديتسينالىق كومەك جانە مەدي­تسينالىق ساقتاندىرۋ پاكە­تى شەڭ­بە­رىندە كورسەتىلگەن قىزمەت­تەرگە اقى تولەپ كەلەدى.

2021 جىلى الماتى قالاسى بويىنشا قوس پاكەت بويىنشا 186،8 ملرد تەڭگە قارجى قاراس­تى­رىل­عان. ونىڭ 109،5 ملرد تەڭگەسى تمككك پاكەتى، 77،3 ملرد تەڭگە ءمامس پاكەتىنە تيەسىلى.

قوردىڭ جەتكىزۋشىلەر بازا­سىن­دا الماتى قالاسى بويىنشا 317 جەتكىزۋشى تىر­كەلگەن. 10 اقپانداعى مالىمەتكە سۇ­يەن­­سەك، الماتى قالاسىندا قوس پاكەت شەڭ­بەرىندە 183 دەنساۋلىق ساقتاۋ نى­سا­­نىمەن 179،2 ملرد تەڭگەنىڭ كەلىسىم­شارتى بەكىتىلگەن. جەت­كى­زۋشى كليني­كا­لار­دىڭ 44%-ى – مەملە­كەت­تىك، 56%-ى – جە­كەمەنشىك كلي­نيكالار.

تمككك پاكەتى بويىنشا 152 دەن­ساۋلىق ساقتاۋ سۋبەكتىسىمەن 104،3 ملرد تەڭگەنىڭ كەلىسىمشار­تى بەكىتىلگەن (ونىڭ 47% – مەم­لە­كەتتىك، 53% – جەكەمەن­شىك). ءمامس جۇيەسىندە 163 نىسانمەن كەلىسىمشارت جاسالعان، كەلى­سىم­شارتتىڭ جالپى سوماسى – 74،9 ملرد تەڭگە (ونىڭ 45%-ى – مەم­لە­كەتتىك، 55%-ى – جەكەمەنشىك).

جالپى، ساقتاندىرۋ – حالىق­تىڭ دەن­­ساۋلىققا جۇمساي­تىن شىعىن­دارىن قىس­قار­تۋعا با­عىت­­­تال­عان رەفورما. ماسە­لەن، ءمامس ىسكە قوسىلعالى بەرى بۇرىن ازاماتتار قالتاسىنان تو­لەپ كەلگەن باعاسى قىمبات قىز­مەت­تەر قولجەتىمدى بولا باس­تا­دى. وتكەن جىلى ساقتاندىرۋ پاكەتى شەڭ­بەرىندە كورسەتىلگەن كت/مرت، پتر سىن­دى ت.ب. قىزمەتتەر سانى 2019 جىلمەن سا­لىستىرعاندا 3 ەسە ارتتى. مىسالى، 2020 جىلى الماتى قالاسىندا 41 مىڭ 540 كت/مرت جاسالعان. وعان 543،1 ملن تەڭ­گە­دەن استام قا­را­­جات تولەندى. سونىمەن قاتار ونكولوگيالىق سىرقاتتى انىق­تاۋ ماقساتىندا جاسالاتىن 7 مىڭ پەت-دياگنوس­تيكا قىزمەتى كورسەتىلگەن (پوزيت­ر­وندى-ەميسسيوندىق توموگرافيا). وعان 1،2 ملرد تەڭگە تولەندى. ەمحانالار ارقىلى كور­سە­تىلگەن كونسۋلتاتيۆتىك-دياگنوس­تي­كا­لىق قىز­مەتتىڭ باسىم بولىگى مەدي­تسي­­نالىق ساقتاندىرۋ ەسەبىنەن قارجى­لان­دى­رىلدى.

قورىتا ايتقاندا، ساقتاندىرۋ ەنگىزىل­گەلى بەرى مەديتسينالىق رەابي­ليتاتسياعا، جالپى، مەدي­تسينالىق كومەكتىڭ بار­لىق تۇ­رى­نە بولىنەتىن قاراجات كول­ەمى ەداۋىر ارتقانى بايقا­لادى. مى­سالى، باستاپقى مەديتسي­نا­لىق-سانيتارلىق كومەك­تى قار­جىلاندىرۋ دەڭگەيى 7%، پرو­فيلاكتيكالىق تەكسەرۋلەر 162%، كونسۋلتاتيۆتىك-دياگ­نوس­ت­ي­كالىق قىزمەتتەر 49%، ونكوگەماتولوگيا 17%، گەمودياليز 6%، ستاتسيوناردى الماستىراتىن كومەك 13%، ستاتسيونارلىق كومەك 8%، قالپىنا كەلتىرۋگە باعىتتالعان ەم-دوم 63%، پاللياتيۆتىك كومەك 12%-عا ءوستى.

 

الماتى

سوڭعى جاڭالىقتار

COVID-19: سىرى قاشان اشىلار؟..

كوروناۆيرۋس • بۇگىن، 08:35

العىس ارقالاعان ازامات

مەديتسينا • بۇگىن، 08:34

جاقسىلىق جاساساڭ، اۋىلىڭا جاسا

مەديتسينا • بۇگىن، 08:31

العا باسقان ازاماتتىق قوعام

قازاقستان • بۇگىن، 08:26

اقىن داڭقى الاسارمايدى

رۋحانيات • بۇگىن، 08:25

كورشى ءوڭىردىڭ كومەگى

ءبىلىم • بۇگىن، 08:25

ءوڭىردىڭ وركەندەۋى – ورتاق يگىلىك

وڭتۇستىك قازاقستان • بۇگىن، 08:22

ءۇمىت وتىن لاۋلاتقان...

ايماقتار • بۇگىن، 08:22

عۇلاما عالىم، كورنەكتى قايراتكەر

قازاقستان • بۇگىن، 08:19

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

ءار سۋرەتتە – ءومىر ساۋلەسى

ايماقتار • بۇگىن، 08:13

جاقسىلىققا جەتەلەگەن جوبا

قوعام • بۇگىن، 08:10

وزىق كاسىپورىن – «رودينا»

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار