سقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە, جول-كولىك وقيعاسى «جەزقازعان-پەتروپاۆل» اۆتوجولىنىڭ 830 شاقىرىمىندا بولعان. نيكولاەۆكا ەلدى مەكەنىنە بۇرىلىسقا 5 شاقىرىم قالعاندا «ۆاز-21150» اۆتوكولىگىنىڭ جۇرگىزۋشىسى قارسى كەلە جاتقان «Toyota Land Cruiser 200» كولىگىمەن سوقتىعىسقان. رەسەيلىك كولىكتى تىزگىندەگەن شال اقىن اۋدانى سەرگەەۆكا قالاسىنىڭ 45 جاستاعى تۇرعىنى وقيعا ورنىندا مەرت بولدى. ونىڭ ءۇش جولاۋشىسى, سونىڭ ىشىندە 6 جاسار بالا دا بار, ءتۇرلى جاراقاتپەن اۋرۋحاناعا جەتكىزىلدى.
«Toyota» كولىگىنىڭ جۇرگىزۋشىسى, پەتروپاۆل قالاسىنىڭ 30 جاستاعى تۇرعىنىنىڭ ايتۋىنشا, «ۆاز-21150» كولىگى جۇك كولىگىن باسىپ وزباق بولعان. شەتەلدىك كولىكتەگى جولاۋشىعا مەديتسينالىق كومەك كورسەتىلگەننەن كەيىن ۇيىنە جىبەرىلدى. بۇل دەرەك «كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى» بابى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى.
«قازىرگى ۋاقىتتا وسى وقيعاعا بايلانىستى تەرگەۋ امالدارى جۇرگىزىلىپ جاتىر. قىستا جولدا اسا مۇقيات بولۋ قاجەتتىگىن كولىك جۇرگىزۋشىلەرىنىڭ ەسىنە سالامىز. جۇك كولىكتەرىنەن كەيىن قار قۇيىنى پايدا بولىپ, كورىنىس شەكتەلەدى. سول سەبەپتى ساقتىقتى ۇمىتپاعان ءجون», دەيدى ەسىل اۋداندىق پوليتسيا ءبولىمى باستىعىنىڭ ورىنباسارى ساكەن راحمەتوۆ.
