«ۆاكتسينا 18 گرادۋستان تومەن ەمەس تەمپەراتۋرادا سۋىق تىزبەكتى ساقتاۋ تالاپتارىنا سايكەس تەمپەراتۋرالىق تىركەۋشى ورناتىلعان ارنايى اۆتوكولىكپەن جەتكىزىلدى. ورتاشا تەمپەراتۋرا 22-24 گرادۋستى قۇرادى. ۆاكتسينا بىردەن ورتالىقتاندىرىلعان ۆاكتسينا قويماسىنىڭ مۇزداتقىشىنا سالىندى», دەدى الماتى قالالىق ورتالىق كلينيكالىق اۋرۋحاناسىنىڭ ەپيدەميولوگيالىق قاۋىپسىزدىك جانە ينفەكتسيالىق باقىلاۋدى قامتاماسىز ەتۋ جونىندەگى ديرەكتوردىڭ ورىنباسارى ەلۆيرا يبراگيموۆا.
قالا اكىمدىگىنىڭ مالىمەتىنشە, رەۆاكتسيناتسيا 1750 ادامعا ەسەپتەلگەن, ياعني بۇل العاشقى ۆاكتسينانى العان تۇلعالار.
قوسىمشا, ناۋرىز ايىندا ەكىنشى كەزەڭ ءۇشىن تاعى 9 800 دوزا الىنادى جانە يممۋنداۋعا تارتىلعان ەمحانالار جەلىسى كەڭەيتىلەدى. ۆاكتسينالار كەلىپ تۇسكەننەن كەيىن ءوز ەرىكتەرىمەن ءوتىنىش بىلدىرگەن مەديتسينالىق قىزمەتكەرلەر ەكپە الا باستايدى.
№36 ەمحانانىڭ باس دارىگەرى گۇلجاينات تىلەگەن ەگۋ الدىندا بارلىق قىزمەتكەرلەر دارىگەردىڭ تەكسەرۋىنەن وتەتىنىن ايتتى. ەكپەنى العاننان كەيىن 30 مينۋت ىشىندە ۆاكتسينا سالدىرعاندار جەكە بولىنگەن بولمەدە باقىلاۋدا بولادى.
«بۇگىن 65 مەديتسينا قىزمەتكەرى ەكپە الادى. ۆاكتسينانى العانداردىڭ ءبارى وزدەرىن جاقسى سەزىنەدى, ەشقانداي جاناما اسەرلەر بايقالمايدى. قالعان 95 ادام ەرتەڭ ۆاكتسيناتسيادان وتەدى», دەيدى دارىگەر.
گۇلجاينات تىلەگەن اتاپ وتكەندەي, ۆاكتسينا العاننان كەيىن دە الدىن الۋ شارالارىن ساقتاۋ قاجەت: الەۋمەتتىك قاشىقتىق جانە بەتپەردە تاعۋ, ال جرۆي بەلگىلەرى انىقتالعان جاعدايدا ادامدارعا دارىگەرلەرگە جۇگىنۋ قاجەت.
العاشقى ۆاكتسينا 1 اقپاننان 19 اقپانعا دەيىن جۇرگىزىلدى. نۇسقاۋلارعا سايكەس ەكىنشى كومپونەنت تۇپكىلىكتى يممۋنيتەتتى قالىپتاستىرۋ ءۇشىن 21 كۇننەن كەيىن ەنگىزىلۋى كەرەك.
