تۇركىستان وبلىسى پد باستىعى پوليتسيا قايرات دالبەكوۆتىڭ تاپسىرماسىنا سايكەس, وبلىس اۋماعىندا زاڭسىز ساقتاۋداعى قارۋدى جانە وق-دارىلەردى تاركىلەۋگە, ولاردى ساتىپ الۋ كوزدەرىن انىقتاۋعا, ونى زاڭسىز جەتكىزۋ ارنالارىن انىقتاۋ جانە ولاردى جويۋعا, قارۋدى زاڭسىز ساقتاۋ مەن الىپ جۇرۋمەن اينالىساتىن تۇلعالار مەن ۇيىمداسقان قىلمىستىق توپتاردى انىقتاۋ, وتتى اتىس قارۋمەن جاسالاتىن قىلمىستاردىڭ الدىن الۋ, ەسكەرتۋ جانە ولاردى اشۋ ماقساتىندا اۋقىمدى ءىس-شارا ۇيىمداستىرىلدى. اتالعان “قارۋ” جەدەل-پروفيلاكتيكالىق ءىس-شاراسى 13-ءى مەن 20 اقپان كۇندەرى ارالىعىندا قارقىندى جۇرگىزىلدى.
تۇركىستان وبلىسىنىڭ پوليتسەيلەرى ءىس-شارانىڭ سەگىز تاۋلىگىندە جالپى تىركەلمەگەن 46 قارۋ, ونىڭ ىشىندە ەكى دانا ويىق ۇڭعىلى, 35 دانا اڭشى, ءۇش دانا تراۆماتيكالىق, ءبىر دانا كەسىلگەن (وبرەز), ەكى دانا تاپانشا, ەكى دانا گازدى تاپانشا جانە ءبىر دانا قولدان جاسالىنعان قارۋ تاركىلەدى. بارلىعى 7055 قارۋ يەلەرى تەكسەرىلىپ, 374 اكىمشىلىك قۇقىق بۇزۋشىلىق انىقتالعان. ونىڭ ىشىندە قر اقبتك-ءنىڭ 482-بابى (زاڭسىز قارۋ ساقتاۋ) بويىنشا 26 حاتتاما, 484-بابى (قارۋدىڭ ساقتاۋ ەرەجەلەرىن بۇزۋ) بويىنشا 290 حاتتاما, 486-بابى (قارۋدىڭ تىركەۋ جانە قايتا تىركەۋ ءتارتىبىن بۇزۋ) بويىنشا 60 حاتتاما تولتىرىلعان.
ماسەلەن, وتىرار اۋدانى قارعالى اۋىلىنا قاراستى مال قىستاۋدا اقتوبە اۋىلىنىڭ تۇرعىنى 16-كاليبرلى اڭشى قارۋىن زاڭسىز الىپ جۇرگەندىگى انىقتالعان. ال, قارعالى اۋىلىنا قاراستى سىرداريا وزەنى بويىندا تۇراتىن تۇرعىننىڭ ۇيىنەن زاڭسىز ويىق ۇڭعىلى اتىس قارۋى تابىلىپ, اتالمىش قۇقىق بۇزۋشىلىققا قاتىستى شارا كورىلگەن.
ودان بولەك, كەنتاۋ قالاسى تۇرعىنى تىركەلمەگەن “توز” ماركالى 16 كاليبرلى ەكى ۇڭعىلى قارۋدى زاڭسىز ساقتاعاندىعى انىقتالعان. سونىمەن قاتار كەلەس اۋدانى اقتوبە اۋىلىنىڭ تۇرعىنىنان تىركەلمەگەن “توز” ماركالى 16 كاليبرلى ەكى ۇڭعىلى قارۋ انىقتالعان.
ءوز كەزەگىندە تۇركىستان وبلىسىنىڭ پوليتسەيلەرى “قارۋ” جەدەل-پروفيلاكتيكالىق ءىس-شاراسىنىڭ ءوز جالعاسىن تاباتىنىن ەسكەرتەدى. تىركەلمەگەن قارۋلارىڭىز بولسا, پوليتسياعا تاپسىرۋعا كەڭەس بەرەدى.
