ناتيجەسىندە 78 حاتتاما تولتىرىلىپ, ونىڭ ىشىندە 21 زاڭدى تۇلعاعا 9 ملن تەڭگە ايىپپۇل سالىندى. جەكە تۇلعالارعا ماسكا رەجيمىن بۇزعانى ءۇشىن شامامەن 2,5 ميلليون تەڭگە ايىپپۇل سالىنىپ, 57 حاتتاما تولتىرىلدى.
مامانداندىرىلعان اۋدانارالىق اكىمشىلىك-ەكونوميكالىق سوتتارعا ء(مااس جانە ماەس) 462 تارماقتىڭ 3 ءبولىمى, 425 تارماقتىڭ 1 ءبولىمى بويىنشا 7 ءىس بەرىلدى.
• الاتاۋ اۋدانى: «ەگويست» كومپيۋتەرلىك كلۋبى, «الاتاۋ» سوسو, «Alimus» بيليارد كلۋبى (جەكە تۇلعا ماقسات نۇركەلدى);
• مەدەۋ اۋدانى: «Rush 7 gill pub» بيليارد كلۋبى, «Loto» كلۋبى, «AVANGARD» ويىن كلۋبى;
• تۇركسىب اۋدانى: «GABALI» كافەسى.
الماتى قالاسىنداعى كۆي-ءدىڭ الدىن الۋ جونىندەگى كوميسسيانىڭ مالىمەتتەرى بويىنشا, بيىلعى جىلدىڭ 1 قاڭتارى مەن 20 اقپانى ارالىعىندا 5540 نىسانعا مونيتورينگ جۇرگىزىلدى. ونىڭ بارىسىندا كارانتيندىك شارالاردى بۇزعان 478 (8,6%) نىسان انىقتالدى, ولاردىڭ كوپشىلىگى ءتارتىپتى ءجيى بۇزاتىندار قاتارىنا ەندى.
دەمالىس كۇندەرى قالانىڭ بارلىق اۋداندارىندا كارانتيندىك شارالارعا قاتىستى مونيتورينگ كۇشەيتىلدى. 600-گە جۋىق نىسان قامتىلىپ, 63 نىساننىڭ زاڭ بۇزعاندارى انىقتالدى.
