قوعام • 22 اقپان، 2021

سوڭعى اپتادا ەلوردادا كوروناۆيرۋستىڭ تارالۋى تومەندەدى

15 رەت كورسەتىلدى

اقپان ايىنىڭ باسىنان بەرى ەلوردادا كوروناۆيرۋستىق ينفەكتسيانى جۇقتىرۋدىڭ 2 192 جاعدايى تىركەلدى. نۇر-سۇلتاننىڭ باس مەملەكەتتىك سانيتارلىق دارىگەرى سارحات بەيسەنوۆا بريفينگ بارىسىندا قالاداعى ەپيدەميولوگيالىق جاعداي تۋرالى ءمالىم ەتتى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

سارحات بەيسەنوۆانىڭ ايتۋىنشا، ەلوردادا بارلىق جاستاعى تۇرعىندار اراسىندا ءCوVىD-19 اۋرۋى تىركەلگەن. قاڭتار ايىندا 3 763 جاعداي، ال اقپان ايىنىڭ باسىنان بەرى 2 192 جاعداي تىركەلدى.

«سوڭعى اپتادا الدىڭعى اپتامەن سالىستىرعاندا سىرقاتتانۋشىلىقتىڭ 7،13%-عا تومەندەگەنى بايقالادى. 100 مىڭ تۇرعىنعا شاققانداعى قارقىندى كورسەتكىش 55،58، رەپرودۋكتيۆتى سان 0،971-ءدى قۇرادى. قالا تۇرعىندارى اراسىندا اۋىرعانداردىڭ 24،7% نەگىزگى ۇلەسىن ادەتتەگىدەي 30-39 جاستاعى ادامدار قۇرايدى. 50 جانە ودان جوعارى جاستاعى ادامدار – 23،4%، 18-29 جاستاعى جاس توبىنا 18،4%، 40-49 جاستاعى ادامدارعا 14،9% جاتادى. ال بالالار جالپى كورسەتكىشتىڭ 15،9%-ىن الادى»، دەدى ەلوردانىڭ باس سانيتارلىق دارىگەرى.

وقۋ جىلىنىڭ باسىنان 22 اقپانعا دەيىنگى جاعداي بويىنشا وقۋشىلار اراسىندا كۆي جۇقتىرعان 1 017 جاعداي تىركەلدى. ونىڭ ىشىندە 232 جاعداي – كەزەكشى سىنىپ وقۋشىلارى اراسىندا، 785-ءى قاشىقتان وقيتىن وقۋشىلاردان انىقتالدى.

بۇگىنگە دەيىن 79 مەكتەپ كارانتينگە جابىلدى، ال قازىرگى ۋاقىتتا 21 مەكتەپ كارانتيندە قالىپ وتىر.

كوروناۆيرۋس ينفەكتسياسى مەكتەپكە دەيىنگى ۇيىمدارعا باراتىن 94 بالادان انىقتالدى.

«قازىرگى ۋاقىتتا 907 وتباسى كارانتيندە، ال وندا بايلانىستا بولعان 2 260 ادام مەديتسينالىق باقىلاۋدا تۇر. قالادا تاۋلىكتىك قۋاتتىلىعى 12 855 زەرتتەۋ بولاتىن كوروناۆيرۋستىق ينفەكتسيانى دياگنوستيكالاۋ بويىنشا 23 زەرتحانا بار. ورتاشا ەسەپپەن تاۋلىگىنە 5 000-عا دەيىن زەرتتەۋ جۇرگىزىلەدى»، دەپ حابارلادى سپيكەر.

ەستەرىڭىزگە سالا كەتەيىك، 30 قاڭتاردان باستاپ ەلوردا ەپيدەميولوگيالىق جاعداي بويىنشا «سارى ايماقتا» تۇر. بۇل رەتتە قالادا كۇن سايىن 50-دەن 130-عا دەيىن جاعداي تىركەلەدى. سانيتارلىق دارىگەردىڭ ايتۋىنشا، اۋرۋدىڭ جالعاسۋى تەك تەستىلەنەتىن ادامدار سانىنىڭ ارتۋىمەن عانا ەمەس، سونىمەن قاتار قالا تۇرعىندارىنىڭ شەكتەۋ شارالارىن ساقتاماۋىمەن دە بايلانىستى.

باس سانيتارلىق دارىگەر قالا تۇرعىندارى مەن قوناقتارىن ينفەكتسيا جۇقتىرۋ قاۋپىن بولدىرماۋ ءۇشىن كارانتيندىك رەجيم مەن سانيتارلىق نورمالاردى قاتاڭ ساقتاۋعا شاقىردى.

سوڭعى جاڭالىقتار

قازاقستاننىڭ ەكسپورت كولەمى ارتتى

ەكونوميكا • بۇگىن، 09:52

پلەي-وففتان تىس قالدى

فۋتبول • بۇگىن، 08:43

ءۇشىنشى ورىنعا كوتەرىلدى

سپورت • بۇگىن، 08:40

ۇزدىك تورتتىكتىڭ قاتارىندا

تەننيس • بۇگىن، 08:39

مىڭعا جۋىق بالانى كەنە شاقتى

ايماقتار • بۇگىن، 08:34

اۋرۋحانانىڭ جاڭا كورپۋسى اشىلادى

مەديتسينا • بۇگىن، 08:30

قاڭعىباس مىسىقتان قاۋىپ كوپ

قوعام • بۇگىن، 08:25

تسيفرلاندىرۋ جۇمىسىمەن تانىستى

ايماقتار • بۇگىن، 08:15

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

ۇقساس جاڭالىقتار