البەتتە, بۇل – يسلامدا ەرتەدەن كەلە جاتقان اللا ريزاشىلىعى ءۇشىن جاسالاتىن سۇننەت امالدىڭ ءبىرى. ەل تاۋەلسىزدىگىنىڭ 30 جىلدىعىنا وراي قمدب-نىڭ باستاماسى بويىنشا كۇرە جول بويىندا ورنالاسقان مەشىتتەرگە ساپارداعى جاماعاتقا ارنالعان بولمە اشىپ, جابدىقتاۋ بۇگىندە مۇسىلمان قاۋىمىنىڭ كوڭىلىنەن شىققان وڭتايلى شارا ەكەندىگى ايتىلىپ, جولاۋشىلار دا كوپتەپ العىس بىلدىرۋدە.
«بولمەدە الىس جولدان كەلە جاتقان جولاۋشىلاردىڭ تىنىعىپ الۋىنا بار جاعداي جاسالعان. ساپارداعى ادام قىستىڭ سۋىعى, جازدىڭ اپتابىندا جولاي اتالعان مەشىتتىڭ وسى ارنايى بولمەسىنە كىرىپ ءبىر ءسات تىنىعىپ, دارەت الىپ, ساپار نامازىن وقىپ, ىستىق ءشاي قايناتىپ ءىشىپ نەمەسە جەڭىل سۋسىن, جەڭىل اس مازىرىمەن تاماقتانىپ, شارشاۋىن باسىپ, مۇمكىن ازداپ مىزعىپ الىپ, ارى قاراي ساپارىن جالعاسىرا بەرۋىنە بولادى. تىپتەن كولىگى بۇزىلىپ دالادا قالىپ جاتسا تۇنەپ كەتۋىنە دە بولادى. وبلىسىمىزدا وسىمەن ەكىنشى مەشىتتەن جولاۋشىلار بولمەسى اشىلىپ وتىر. مۇنداي قايىرلى شارا جول بويىنداعى مەشىتتەردە جالعاسىن تابا بەرە» دەيدى جولاۋشىلار بولمەسىنىڭ اشىلۋ سالتاناتىنا قاتىسقان وبلىس باس يمامى جولداس قوسپاق ۇلى.
