ەندىگى كەزەكتە الماتىدا تۋريستەر ءۇشىن پوليتسيا جانە جەدەل جاردەم قىزمەتكەرلەرىن شاقىرۋ باتىرمالارى بار اقپاراتتىق تەرمينالدار ورناتىلاتىن بولادى.
مارات اينابەكوۆتىڭ ايتۋىنشا, الماتى قالاسىندا تۋريستەر ءۇشىن اقپاراتتىق تەرمينالدارمەن جابدىقتاۋ ءۇشىن بىرقاتار شارالار قابىلدانعان.
«10 لوكاتسيادا اقپاراتتىق تەرمينالدار ورنالاستىرىلادى, ولار قالا قوناقتارىنا الماتىنىڭ كورىكتى جەرلەرى تۋرالى اقپاراتتى ينتەراكتيۆتى تۇردە ۇسىناتىن بولادى. ستەندتەردە تۋريستەر ءتۇرلى قيىن جاعدايلارعا تاپ بولعان جاعدايدا پوليتسيا قىزمەتكەرلەرىن, سونداي-اق جەدەل جاردەم قىزمەتكەرلەرىن شاقىرۋ باتىرمالارى ورنالاستىرىلادى», دەپ اتاپ ءوتتى مارات اينابەكوۆ.
وتكەن جىلى الماتىنىڭ ەڭ تانىمال جەتى كورىكتى جەرلەرىنىڭ تۋريستىك اۆتوبۋستارىنا ارنالعان تۇراق ورىندارى ۇيىمداستىرىلعان بولاتىن.
تاۋعا شىعۋ تۋريستەردىڭ تانىمال تاڭداۋى بولىپ قالا بەرەدى. كوبىنىڭ العاش رەت كەلەتىنىن ەسكەرە وتىرىپ, تۋريستەردىڭ قاۋىپسىزدىگىن قامتاماسىز ەتۋ ءۇشىن اقپاراتتىق-ءتۇسىندىرۋ جۇمىستارى جۇرگىزىلەدى.
اپتا سايىن تۋريستىك حاب بازاسىندا (بالۋان شولاق اتىنداعى سپورت سارايى اۋماعىندا) تەگىن نەگىزدە ءبىلىم بەرۋ سۇحباتتارى وتەدى. وسى ورايدا مارات اينابەكوۆ قالا تۇرعىندارى مەن قوناقتارىن تاۋعا بارار الدىندا اقپارات بەرەتىن سۇحباتتارعا قاتىسۋعا شاقىردى.
