شىعاناق بەرسيەۆ – داڭقتى ديقان, تارىدان مول ءونىم الىپ دۇنيە جۇزىندە تەڭدەسى جوق رەكورد جاساعان ادام. ول 1881 جىلى قازىرگى ويىل اۋدانىنىڭ اششى ويىل اۋىلىندا دۇنيەگە كەلگەن. ەڭبەكپەن كوزىن اشقان ديقانشى اشتىق, بايلاردى تاركىلەۋ جىلدارى قاراقالپاق جەرىنە, تۇركىمەنستانعا كوشىپ بارىپ, ارتىنشا ەلگە ورالعان. ديقانشىلىقپەن 1924 جىلدان باستاپ اينالىسا باستايدى. وسى جىلى ويىل اۋدانىنداعى قاراسۋ اۋىلىنىڭ ادامدارىن ۇيىمداستىرىپ, اششى ويىل وزەنىن قولدان بوگەپ تارى ەگۋدى باستايدى. تارى زۆەنوسىن قۇرىپ, سۋارمالى ەگىنشىلىكتى ۇيىمداستىرعاندا تۇقىمدى قولدان سۇرىپتايدى.
1938 جىلى اگروتەحنيكالىق ءىس-شارالاردى ءتيىمدى پايدالانۋ, تۇقىمدى قولدان سۇرىپتاۋ ارقىلى 3,2 گەكتار ەگىستىكتىڭ ءار گەكتارىنان 25,6 تسەنتنەردەن, 1940 جىلى 325 گەكتار سۋارمالى ەگىستىكتىڭ ءار گەكتارىنان 125 تسەنتنەردەن اق تارى الادى. بۇرىن-سوڭدى بولماعان رەكورد جاساعان قاراپايىم قازاق ديقانىنىڭ اتاعى سول جىلدارى وداققا, شەتەلگە جايىلدى. 1940 جىلى اتاقتى ديقان لەنين وردەنىمەن ماراپاتتالادى.
سوعىس باستالعاندا شىعاناقتىڭ تارىسى ۆاگوندارعا تيەلىپ, مايدان شەبىنە جونەلتىلە باستايدى. سول جىلدىڭ قارا كۇزىندە ء وزىنىڭ جەكە قورىنان العى شەپتەگى جاۋىنگەرلەرگە 350 پۇت استىق جونەلتكەن, قورشاۋداعى لەنينگراد تۇرعىندارىنا دا ازىق-ت ۇلىك جەتكىزەدى. 1944 جىلى قاتتى ناۋقاستانىپ, قاراتالداعى ۇيىندە قايتىس بولعان.
اقتوبەلىكتەر تەڭدەسى جوق رەكوردپەن اتاعى شىققان قاراپايىم ديقاننىڭ ەسىمىن وبلىستاعى بىردەن-ءبىر اۋىل شارۋاشىلىعى ماماندارىن دايارلايتىن وقۋ ورنىنا بەرىلۋىن ماقۇلداپ وتىر. ويتكەنى, بۇل وقۋ ورنىنىڭ مارتەبەسىن ارتتىرادى, وزات ستۋدەنتتەرگە شىعاناق بەرسيەۆ اتىنداعى ستيپەنديا تاعايىنداۋعا دا مۇمكىندىك بەرەدى,
قازىرگى ۋاقىتتا اقتوبە قالاسىندا اق تارىنىڭ اتاسىنىڭ ءمۇسىنى تۇر, ويىل اۋداندىق مۇراجايىنا شىعاناق بەرسيەۆ ەسىمى بەرىلگەن. ال, ەلىمىز تاۋەلسىزدىگىنىڭ 30 جىلدىعى قارساڭىندا شىعاناق ەسىمىن جاڭعىرتۋ – اۋىلشارۋاشىلىق كوللەدجى ستۋدەنتتەرىنىڭ ءوز ماماندىعىنا دەگەن ىنتا-ىقىلاسىن, قۇرمەتىن ارتتىرادى دەيدى كوللەدج وقىتۋشىلارى.
