اۋلا كلۋبىنىڭ اشىلۋىنا حالىقارالىق دارەجەدەگى سپورت شەبەرى, پارا بيدەن الەم بىرىنشىلىگىنىڭ 2017 جىلعى چەمپيونى, پارا بي بويىنشا الەم چەمپينوناتىنىڭ 2019 جىلعى قولا جۇلدەگەرى ارداق وتارباەۆ قاتىستى.
كلۋبتا كاراتە, ءجۇزۋ سياقتى سپورت سەكتسيالارى, ال شىعارماشىلىق ۇيىرمەلەردەن سۋرەت سالۋ, بي, بالشىق تەراپياسى, مەكتەپكە دايىندىق كۋرستارى, سونداي-اق ماسساج تەراپياسى اشىلادى.
«جاستار ساياساتىنىڭ باستى باعىتتارىنىڭ ءبىرى – وسكەلەڭ ۇرپاقتى سالاۋاتتى ءومىر سالتىن ۇستانىپ, ەلىنە ەسەلى ەڭبەك ەتەتىن دەنى ساۋ ازامات بولىپ وسۋىنە سەبىن تيگىزەتىن ءارتۇرلى مۇمكىندىكتەردى جاساۋ. سونداي-اق بالالاردىڭ بوس ۋاقىتىن ۇتىمدى پايدالانۋىنا, الەۋمەتتىك از قامتىلعان وتباسىلارداعى بالالاردىڭ ءوزى قىزىعاتىن سپورت نەمەسە ونەر تۇرلەرىمەن اينالىسۋىنا قولايلى ورتا ازىرلەۋ دە نازارىمىزدان تىس قالىپ كورگەن ەمەس. بۇگىن مىنە وسى ماقساتتا ەلورداداعى 24-اۋلا كلۋبىن اشىپ وتىرمىز. ورتالىق ەرەكشە قاجەتتىلىكتەرى بار بالالارعا, جەتىم بالالارعا جانە الەۋمەتتىك وسال وتباسىلاردان شىققان بالالارعا اقىسىز قىزمەت كورسەتەدى. قالا اكىمىنىڭ تاپسىرماسى بويىنشا مۇنداي اۋلا كلۋبتارى قالامىزدا ءالى كوپتەپ اشىلادى», دەدى كلۋبتىڭ اشىلۋىنا قاتىسقان قالالىق جاستار ساياساتى ماسەلەلەرى باسقارماسىنىڭ باسشىسى قايرات تەلمان ۇلى.
