ەلوردادا 23 اقپان كۇنى ساعات 17:00-دە مەملەكەتتىك اكادەميالىق فيلارمونيانىڭ رەسمي پاراقشالارىندا Instagram (astana_filarmoniya), Facebook (astana.filarmoniya) جانە YouTube (نۇر-سۇلتان قالاسى فيلارمونياسى) ۇرمەلى اسپاپتار وركەسترىنىڭ «ونەر تىنىسى» ونلاين-كونتسەرتى وتەدى. كۇندىز وسى ۋاقىتتا حالىق ءانى ءبولىمىنىڭ ارتىستەرى كومپوزيتور, ءانشى ماناربەك ەرجانوۆتىڭ 120 جىلدىعىنا ارنالعان «سايرا, بۇلبۇل» كونتسەرتىن تىكەلەي ەفيردە ۇسىنادى. 26 اقپان كۇنى ساعات 17:00-دە جوعارىدا اتالعان اككاۋنتتاردا جامبىل جاباەۆتىڭ 175 جىلدىعىنا ارنالعان «قورقىت» ەتنو-ءانسامبلىنىڭ «جىرى الەمدى شارلاعان» ونلاين-كونتسەرتىن كورۋگە بولادى.
ەلوردالىق تەاترلار دا سۇيىكتى قويىلىمدارىن قويىپ, جۇرتشىلىقتى قۋانتپاق.
22 جانە 25 اقپاندا ساعات 12:00-دە «ناز» مەملەكەتتىك بي تەاترىنىڭ ارتىستەرى بي قيمىلدارى بويىنشا ماستەر-كلاسس وتكىزەدى.
27 اقپاندا «جاستار تەاترى» جاس كورەرمەندەرىنە س.مارشاكتىڭ «12 اي» ەرتەگىسىن ۇسىنباق. قويىلىم 12:00-دە جانە 14:00-دە كورسەتىلەدى.
م.گوركي اتىنداعى مەملەكەتتىك اكادەميالىق ورىس دراما تەاترى 26 اقپان كۇنى ساعات 11:00-دە كورەرمەندەرىنە م.بارتەنەۆتىڭ «سنەگۋرۋشكا» ەرتەگىسىنىڭ پرەمەرالىق سپەكتاكلىن ۇسىنادى. سول كۇنى ساعات 19:00-دە ا.كاسوننىڭ «جابايى. ءۇشىنشى ءسوز» مەلودراماسىن كورۋگە بولادى.
اتالمىش تەاتردىڭ YouTube ارناسىندا 27 اقپان كۇنى ساعات 11:00-دە ء«اللاديننىڭ سيقىرلى شامى» ەرتەگىسىن, ساعات 12:00-دە Instagram-داعى پاراقشاسىندا (Gorkytheatre) جامبىل جاباەۆتىڭ تۋعانىنا 175 جىل تولۋىنا وراي قالانىڭ ورتالىق كىتاپحانا جۇيەسىمەن بىرلەسكەن ءىس-شارا كورسەتەدى. سول كۇنى ساعات 19:00-دە تەاتردىڭ كىشى زالىندا «ارالاس سەزىم» مەلودراماسى وتەدى. 28 اقپاندا ساعات 18:00-دە ارتىستەر YouTube ارقىلى تىكەلەي ەفيردە «سوڭعى قاتىسۋشى» دراماسىن كورسەتەدى.
ەلوردالىق قۋىرشاق تەاترى 26 جانە 27 اقپاندا كورەرمەندەردى «مياۋ, گاۆ ي چيك-چيريك» ميۋزيكلىنە شاقىرادى.
«NOMAD City Hall» 27 جانە 28 اقپان كۇندەرى «اۋىل حيكايالارى» قويىلىمىنىڭ تۇساۋكەسەرىن ۇسىنادى.
بەيبىتشىلىك جانە كەلىسىم سارايىندا ورنالاسقان «قۇلانشى» زاماناۋي ونەر ورتالىعىندا 22-26 اقپان ارالىعىندا قازاقستاندىق بەينەلەۋ ونەرىنىڭ «ماڭگىلىك تۋرالى» كورمەسىن, سونداي-اق «ميللەنيالدار ونەرى» ەكسپوزيتسياسىن تاماشالاۋعا بولادى. 22-28 اقپان ارالىعىندا اتالمىش ورتالىق قالا تۇرعىندارى مەن قوناقتارىن نۇر-سۇلتان قالاسىنىڭ جاس فوتوگرافتارىنىڭ جۇمىسى ۇسىنىلاتىن «نوۆىي ۆزگلياد» كوركەمسۋرەت كورمەسىنە شاقىرادى.
سونىمەن قاتار, بەيبىتشىلىك جانە كەلىسىم سارايىندا «تۋعان جەر» بالالار مەن جاسوسپىرىمدەر ستۋدياسى جۇمىس ىستەيدى. مۇندا اپتا بويى حورەوگرافيا, حور, اكتەرلىك شەبەرلىك, سولفەدجيو, تەاتر ستۋدياسى بويىنشا ساباقتار وتكىزىلەدى.
تاۋەلسىزدىك سارايىندا 23-28 اقپان ارالىعىندا قالا تۇرعىندارى مەن قوناقتارى «ەلوردا بەينەسى», «نۇر-سۇلتان قالاسىنا سىيلىقتار», «Uly Dala Juregi» سياقتى كورمەلەردى تاماشالاي الادى.
بۇدان باسقا, جۇمىس كۇندەرى ساكەن سەيفۋللين مۋزەيىنىڭ الەۋمەتتىك جەلىلەرىندە س.سەيفۋلليننىڭ ءومىرى مەن ولىمىنە ارنالعان ونلاين-كورمەلەر, بەينەەكسكۋرسيالار وتكىزىلەتىن بولادى.
«اتامەكەن «قازاقستان كارتاسى» ەتنو-مەموريالدىق كەشەنى 22-28 اقپان ارالىعىندا Instagram (@atamekenmap), Facebook (@atamekenmap.kz) پاراقشالارىندا قازاقستان وڭىرلەرىنىڭ كورىكتى جەرلەرى تۋرالى تانىمدىق اقپاراتتىق پوستتار ورنالاستىراتىن بولادى.
قالا كىتاپحانالارىنا كەلۋشىلەر بەلگىلى جازۋشىلار مەن اقىنداردىڭ شىعارماشىلىعىنا ارنالعان ءتۇرلى تاقىرىپتاعى كورمەلەردى تاماشالاي الادى.
ايتا كەتۋ كەرەك, بارلىق ءىس-شارا سانيتارلىق نورمالار مەن كارانتيندىك تالاپتاردى ساقتاي وتىرىپ وتكىزىلەدى.
