كىتاپ تۇساۋكەسەرىندە ساپار بايجانوۆتىڭ كوزىن كورگەن, قىزمەتتەس بولعان ارىپتەستەرى سايراش ابىشقىزى, جۇماگۇل سولتيەۆا, جانات ەلشىبەك, ساۋىتبەك ءابدىراحمانوۆ, سۇلتان ورازالين, سەرىك نەگىموۆ جانە جارى كۇلاش بەيسەنبىقىزى قاتىستى. جيىن بارىسىندا قالامگەردىڭ ءوزى باسقارعان گازەتكە قوسقان ەلەۋلى ەڭبەگى مەن ۇستازدىق ۇلاعاتى, ءتالىم-تاربيەسى ەرەكشە اتالىپ ءوتتى.
جيىندا باس باسىلىم باسشىسى دارحان قىدىرالى كىتاپ مازمۇنىن, كوسەمسوز شەبەرىنىڭ ادامگەرشىلىك قاسيەتى مەن رۋحاني بولمىسىن ەرەكشە ىلتيپاتپەن اڭگىمەلەدى.
«وزدەرىڭىز بىلەسىزدەر, گازەتىمىزدە جىلداردىڭ جاڭعىرىعىنداي جاقسىلاردىڭ ءسوزىن, وزىق ماقالالاردى, كونە قۇجاتتاردى كىتاپ ەتىپ باستىرۋ, تسيفرلى فورماتقا كوشىرۋ سىندى جاقسى ءداستۇر بار. مىسالى, شەرحان مۇرتازانىڭ «نامىس نايزاعايى», ءابىش كەكىلباەۆتىڭ ء«داۋىر داۋىسى» جارىق كورىپ وقىرمان يگىلىگىنە اينالدى. وتكەن جىلى ساپار بايجانوۆتىڭ «ارحيۆ-ايماق» كىتابى جارىق كوردى. كارانتين جاعدايىنا بايلانىستى ءدال ۋاقىتىندا كىتاپتىڭ تۇساۋكەسەرىن جاساي المادىق. كىتاپتىڭ تانىستىرىلىمىن وتكىزۋدىڭ ءساتى ەندى ءتۇسىپ, رەتى بۇگىنگە كەلىپ تۇر ەكەن», دەدى ول.
بۇدان سوڭ, سۇلتان ورازالين, ساۋىتبەك ءابدىراحمانوۆ, كۇلاش بەيسەنبىقىزى جانە دارحان قىدىرالى سالتاناتتى تۇردە كىتاپتىڭ لەنتاسىن قيدى.
ءارى قاراي كۇلاش بەيسەنبىقىزىنا «ەگەمەن قازاقستان» گازەتىنىڭ 100 جىلدىق مەرەيتويعا ارنايى دايىندالعان توسبەلگىسى تابىس ەتىلدى.
جيىن سوڭىندا تۇساۋكەسەرگە جينالعان قاۋىم ساپار بايجانوۆتىڭ ءومىرى مەن شىعارماشىلىعىنداعى ساتتەردى ءسوز ەتىپ, قالامگەر جايىندا ءتۇرلى ەستەلىكتەرىن ايتتى.
ايتا كەتەيىك, جازۋشى, قازاقستاننىڭ ەڭبەك سىڭىرگەن قايراتكەرى, حالىقتار دوستىعى وردەنىنىڭ يەگەرى ساپار بايجانوۆ 1973-1983 جىلدار ارالىعىندا «Egemen Qazaqstan» گازەتىن باسقاردى. وتكەن جىلى قالامگەردىڭ 90 جىلدىق مەرەيتويى اياسىندا جەر-جەردە مادەني ءىس-شارالار مەن كونفەرەنتسيالار وتكەن ەدى.
