«قىرىم ارالى» عىلىمي-رەستاۆراتسيالاۋ زەرتحاناسىمەن بىرلەسىپ ۇيىمداستىرىلعان كورمە سونىمەن قاتار ورتا ازيا مەن قازاقستان اۋماعىندا حاتتىڭ پايدا بولۋى مەن دامۋىنا ارنالعان دەرەكتەرمەن تولىقتى.
ۇلتتىق كىتاپحانانىڭ ەكسپوزيتسيالىق-قۇجاتتىق كورمەلەرىندە رەسپۋبليكانىڭ عىلىم مەن تەحنيكا, حالىقارالىق قاتىناستار, ەكونوميكا جانە ساياسات سالاسىنداعى تاۋەلسىزدىك العان ساتتەن باستاپ قازىرگى ۋاقىتقا دەيىنگى جەتىستىكتەرىن اشىپ كورسەتەتىن قازاقستاندىق جانە شەتەلدىك اۆتورلاردىڭ كىتاپتارى كەڭىنەن ۇسىنىلعان.
كورمەنىڭ سالتاناتتى اشىلۋىندا قر ۇلتتىق كىتاپحاناسىنىڭ ديرەكتورى ب.وسپانوۆا, «قىرىم ارالى» عىلىمي-رەستاۆراتسيالاۋ زەرتحاناسىنىڭ ديرەكتورى قىرىم التىنبەكوۆ, قر پرەزيدەنتى ءارحيۆىنىڭ ديرەكتورى د.ابدۋكادىروۆا, يۋنەسكو اياسىنداعى حالىقارالىق مادەنيەتتەردى جاقىنداستىرۋ ورتالىعى ديرەكتورىنىڭ ورىنباسارى ا.سىدىقوۆ, يۋنەسكو اياسىنداعى مادەنيەتتەردى جاقىنداستىرۋ ورتالىعىنىڭ باس عىلىمي قىزمەتكەرى ۆ. ا. نوۆوجەنوۆ, ەلىمىزدىڭ ۇزدىك ەكسكۋرسوۆودى ب.ورازىمبەتوۆا قاتىستى. سالتاناتتى شارادا قازاقستاننىڭ حالىق ءارتىسى مۇرات سەركەباەۆتىڭ جەتەكشىلىگىمەن الماتى قالاسى اكىمىنىڭ كونتسەرتتىك وركەسترى كۆارتەتى رەپەرتۋارىنداعى شىعارمالار ورىندالدى.
ءىس-شاراعا مۇراعاتتار, مۇراجايلار باسشىلارى, عىلىمي جانە شىعارماشىلىق زيالى قاۋىم, جوو وقىتۋشىلارى مەن ستۋدەنتتەرى, باق جانە قالا كىتاپحاناشىلارى قاتىستى.
