قازاقستاندىقتار دەربەس دەرەكتەردى قورعاۋدى كۇشەيتۋ جونىندەگى زاڭ جوباسىنا ۇسىنىستار ەنگىزە الادى

مەملەكەت باسشىسىنىڭ تاپسىرماسىن ورىنداۋ ماقساتىندا مينيسترلىك دەربەس دەرەكتەر سالاسىن جەتىلدىرۋگە جانە ولاردى قورعاۋعا باعىتتالعان زاڭناماعا تۇزەتۋلەر ازىرلەۋدى باستادى.

تسيفرلىق سەرۆيستەر قازاقستاندىقتاردىڭ ومىرىنە ءجيى قولدانىسقا ەنۋدە، سونىمەن قاتار دەربەس دەرەكتەردىڭ تارالىپ كەتۋ تاۋەكەلى دە ارتىپ كەلەدى. قازىرگى زامانعى شىندىقتاعى دەربەس دەرەكتەردىڭ قاۋىپسىزدىگى ماسەلەلەرى ءبىزدىڭ ەلىمىز ءۇشىن باسىم ماسەلەلەردىڭ ءبىرى بولىپ تابىلادى.

وسىعان بايلانىستى ءاربىر قازاقستاندىق دەربەس دەرەكتەردى قورعاۋدى كۇشەيتۋ، جەكە دەرەكتەرگە قاتىستى ءوز قۇقىقتارىن كەڭەيتۋ جانە وسى سالاداعى ۇلتتىق زاڭنامانى جاقسارتۋ بويىنشا ءوز ۇسىنىستارىن ەنگىزە الادى.

ۇسىنىستار 2021 جىلعى 15 ناۋرىزعا دەيىن تومەندەگى تاسىلدەرمەن قابىلدانادى:

- «ەلەكتروندىق ۇكىمەت» پورتالىندا ەلەكتروندىق تۇردە;

- kib@mdai.gov.kz ەلەكتروندىق پوشتا;

- پوشتا ارقىلى مىنا مەكەنجايعا: 010000، نۇر-سۇلتان قالاسى، ماڭگىلىك ەل داڭعىلى، 8، مينيسترلىكتەر ءۇيى، 2-كىرەبەرىس.

جينالعان ۇسىنىستار بىرىڭعاي زاڭ جوباسىندا قالىپتاستىرىلادى، ءوز كەزەگىندە جۇرتشىلىقپەن تالقىلاۋعا شىعارىلاتىن بولادى.

مازمۇنى بويىنشا ۇسىنىستار نەگىزدى ءارى دالەلدى بولۋعا، سونداي-اق كونستيتۋتسيامەن كەپىلدىك بەرىلگەن ادام قۇقىقتارى مەن بوستاندىقتارىن بۇزباۋعا ءتيىس ەكەنىن اتاپ وتكەن ءجون.