اتاپ ايتقاندا, 2021 جىلعى 14-17 اقپان ارالىعىندا ە.بايداۋلەت ءباا سۋ جانە ازىق-ت ۇلىك قاۋىپسىزدىگى ءمينيسترى ماريام ءال-مۋحەيريمەن جانە كليماتتىڭ وزگەرۋى جانە قورشاعان ورتا ءمينيسترى ابدۋللا ءال-نۋەيميمەن ەكىجاقتى كەزدەسۋلەر وتكىزىپ, اقيۇ الاڭىندا ءوزارا ءىس-قيمىلدى نىعايتۋ ماسەلەلەرىن تالقىلادى.
سونىمەن قاتار, قازاقستاندىق دەلەگاتسيا «Jenaan Investment», «Al Dahra Holding», «National Feedand Flour Production and marketing co» سياقتى «UAE Food Security Alliance» قۇرامىنا كىرەتىن «Essa Al Ghurair Investments» LLC» سەكىلدى ءباا-ءنىڭ جەتەكشى كومپانيالارىمەن ناتيجەلى كەزدەسۋلەر وتكىزدى جانە ت.ب. امىرلىكتەردەگى سەرىكتەستەرگە اقيۇ ەنشىلەس ۇيىمى ازىق-ت ۇلىك ونەركاسىبى يسلام قاۋىمداستىعىمەن ءوزارا ءىس-قيمىلدىڭ ءتۇرلى نۇسقالارى ۇسىنىلدى.
ساپار باعدارلاماسى اياسىندا اقيۇ باس ديرەكتورى «Fish Farm» (دۋباي ق.) كومپانياسىنىڭ بالىق فەرماسى, «Elite Agro UAE L.L.C» كومپانياسىنىڭ فەرماسى مەن جىلىجايى جانە «Marmum» ء(ال-اين ق.) ءسۇت فەرماسىن قوسا العاندا, نەگىزگى اۋىل شارۋاشىلىعى وبەكتىلەرىنىڭ قىزمەتىمەن تانىستى.
