باقىتجان ساعىنتاەۆ حالىقپەن ونلاين فورماتتاعى ەسەپتىك كەزدەسۋدە تۇرعىندارىنىڭ ازىق-ت ۇلىك باعالارىنا قاتىستى سۇراقتارىنا جاۋاپ بەردى. شاھارداعى ازىق-ت ۇلىك قاۋىپسىزدىگىن قامتاماسىز ەتۋ جانە الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن باقىلاۋ قالا اكىمشىلىگىندەگى جۇيەلى جۇمىستاردىڭ ءبىرى دەسەك, وسىعان وراي الەۋمەتتىك ماڭىزى بار ونىمدەردىڭ قورى جاسالدى. قازىرگى كەزدە جوعارى سۇرانىستاعى ازىق-ت ۇلىك تۇرلەرىنىڭ (قاراقۇمىق جارماسى, كەسپە تۇرلەرى, كۇنباعىس مايى, كۇرىش جارماسى, قانت, ايران, ماي, ءسۇت, سۇزبە, تاۋىق ەتى, الەۋمەتتىك نان) باعاسىن تۇراقتاندىرۋ بويىنشا شارالار قابىلداندى.
«وتكەن جىلى ءبىز بيۋدجەتتەن 7 ملرد تەڭگە ءبولىپ, الەۋمەتتىك ماڭىزى بار ازىق-ت ۇلىك تاۋارلارىنىڭ قورىن قۇردىق. الماتىدا ساۋدا نىساندارىنداعى الەۋمەتتىك ماڭىزى بار ازىق-ت ۇلىك تاۋارلارىنىڭ بەكىتىلگەن تىزبەسىنىڭ 19 ءتۇرىنىڭ 18 ءتۇرىنىڭ قۇنى سارالاندى. قازاقستان بويىنشا ەڭ تومەنگى باعا بىزدە. ەگەر ءبىز بۇل جۇمىستى جۇرگىزبەگەندە, باعا ودان ءارى شارىقتاعان بولار ەدى», - دەپ اتاپ ءوتتى اكىم. جۇمىرتقا باعاسىنا قاتىستى قويىلعان سۇراققا الماتىدا عانا ەمەس جالپى قازاقستاندا, ءتىپتى باق مالىمەتتەرى بويىنشا رەسەيدە دە جۇمىرتقا باعاسىنىڭ ءوسىپ كەتكەندىگىنە توقتالعان قالا اكىمى بۇل باعالاردىڭ ماۋسىمدىق وسۋىمەن بايلانىستىرعان ساراپشىلاردىڭ دالەلىن تىلگە تيەك ەتتى. ويتكەنى قۇس ازىعى, ءداندى جانە مايلى داقىلداردىڭ قىمباتتاعان ءارى بىرقاتار قۇس فابريكالارىندا ءونىم تومەندەگەن.
بۇلاردان وزگە, الماتىدا قالانىڭ التى ءىرى ازىق-ت ۇلىك بازارىندا الەۋمەتتىك ماڭىزى بار ازىق-ت ۇلىك ونىمدەرىن بەلگىلەنگەن باعامەن ساتۋ ءۇشىن الەۋمەتتىك دۇكەندەردىڭ اشىلعانىن اتاپ ءوتۋ ماڭىزدى. الەۋمەتتىك دۇكەندەردەگى ازىق-ت ۇلىك باعاسى نارىقتاعى ورتاشا دەڭگەيدەن 20-30% تومەن. بۇگىندە الماتىدا جۇمىس ىستەيتىن بازارلاردىڭ مەكەن-جايلارى مىنانداي: كوكبازار, جىبەك جولى 53; تاستاق, تولەبي, 266; الماتى -1, شولوحوۆ كوشەسى 2/1; تاۋسامالى, تاۋسامالى – 1; جاڭا اقبۇلاق, روزىباكيەۆ كوشەسى 33/1; سارىارقا, 4 ىقش., 27 ب. ال بباعالاردىڭ وزگەرۋىن قالانىڭ ازىق-ت ۇلىك ونىمدەرىنىڭ قاۋىپسىزدىگى www.almatyazyk.kz ۆەب-سايتىنان باقىلاۋعا بولادى.
