قازاقستان • 17 اقپان، 2021

قازاقستان ەلشىسى رەسەيدىڭ سپورت مينيسترىمەن كەزدەسۋگە قاتىستى

7 رەت كورسەتىلدى

رەسەي فەدەراتسياسىنىڭ سپورت ءمينيسترى ولەگ ءماتىتسيننىڭ تاۋەلسىز مەملەكەتتەر دوستاستىعىنا مۇشە مەملەكەتتەردىڭ ەلشىلەرىمەن كەزدەستى، دەپ حابارلايدى Egemen.kz

قازاقستان ەلشىسى ەرمەك كوشەرباەۆ وسى كۇزدە تمد ەلدەرىنىڭ قازانداعى العاشقى ويىندارىن دوستاستىقتىڭ قۇرىلعانىنا 30 جىل تولۋىنا وراي وتكىزۋدىڭ ماڭىزدىلىعىنا توقتالىپ، قازاقستاننىڭ بۇل باستامانى قولدايتىنىن اتاپ ءوتتى. سونىمەن قاتار، ەرمەك كوشەرباەۆ 2021 جىلى قازاقستاندا 40-تان استام سپورتتىق ءىس-شارا ونىڭ ىشىندە 20-دان استامى حالىقارالىق دەڭگەيدە وتكىزۋ جوسپارلانعانىن ەسكە سالىپ، مەملەكەتتەردى ولارعا بەلسەندى قاتىسۋعا شاقىردى.

و.ماتىتسين ءوز سوزىندە ەڭ باستى ناتيجە بارلىق تاراپتاردىڭ بەتپە-بەت كەزدەسۋى بولعانىن اتاپ ءوتتى جانە جانە سپورتتىق باعدارلامالاردى ازىرلەۋدەگى اشىق ءوزارا ارەكەتتەستىگى ءۇشىن دوستاس مەملەكەتتەرگە العىس ءبىلدىردى.

جالپى، كەزدەسۋگە قاتىسۋشىلار بىلتىرعى پاندەميالىق جاعدايدان كەيىن، اعىمداعى جىلى بەلسەندى سپورتتىق ءومىر بۇرىنعى ارناعا ورالادى دەگەن ءۇمىتىن ءبىلدىردى. ولار وتكەن كەزدەسۋدى تمد كەڭىستىگىندە سپورت سالاسىنداعى ىنتىماقتاستىقتى جانداندىرۋدىڭ مۇمكىندىگى دەپ اتادى.

كەزدەسۋ شەڭبەرىندە ۋنيۆەرسيتەتتىك جانە كاسىبي سپورت باعدارلامالارىن دامىتۋ شەڭبەرىندەگى سپورتتىق ءوزارا ارەكەتتەستىكتە ەكىجاقتى جانە كوپجاقتى ىنتىماقتاستىقتى جالعاستىرۋ ماسەلەلەرى دە قارالدى.

باستاپقىدا تمد ەلدەرىنىڭ ويىندارى 2020 جىلدىڭ 20-27 تامىزىندا قازاندا وتكىزىلۋى تيىس ەدى، بىراق COVID-19 پاندەمياسىنا بايلانىستى ولار 2021 جىلدىڭ 4-11 قىركۇيەك ارالىعىنا اۋىستىرىلدى. ءىس-شارانىڭ سپورتتىق باعدارلاماسى 16 سپورت تۇرىنەن تۇرادى. سپورتتىق جارىستاردى وتكىزۋ ءۇشىن 12 سپورت نىسانىن ىسكە قوسۋ جانە 200-دەن استام مەدال جيىنتىعىن ويناۋ جوسپارلانۋدا.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار