قوعام • 17 اقپان، 2021

باقىتجان ساعىنتاەۆ: مەديتسينالىق زاتتار مەن ءدارى-دارمەكتەر تاپشىلىعى بولمايدى

12 رەت كورسەتىلدى

بۇگىنگى الماتى قالاسىنىڭ اكىمى باقىتجان ساعىنتاەۆتىڭ حالىققا ەسەپ بەر جيىنىندا مەدەۋ اۋدانىنىڭ تۇرعىنى يرينا كوروناۆيرۋستىڭ ەكىنشى تولقىنى پايدا بولعان كەزدە مەديتسينالىق قۇرالدار تۋرالى، قالانىڭ قاجەتتى مەديتسينالىق زاتتارمەن جانە ءدارى-دارمەكتەرمەن قالاي قامتاماسىز ەتىلەتىندىگى تۋرالى سۇراق قويدى، دەپ حابارلايدى Egemen.kz.

الماتى قالاسىنىڭ اكىمى باقىتجان ساعىنتاەۆ بىلتىر ءبىرىنشى تولقىن قازاقستاندىقتاردىڭ توزىمدىلىگىن سىنادى، وسىعان وراي قالا اكىمدىگى بۇرىن-سوڭدى بولماعان شارالاردى قابىلدادى دەپ جاۋاپ بەردى.

"كارانتين الىنىپ تاستالعاننان كەيىن، بارلىعىمىز بوساڭسىپ قالدىق. دۇربەلەڭ باستالىپ، ادامدار دارىحانالارداعى بارلىق ءدارى-دارمەكتەردى ساتىپ الدى. ءبىز دەرەۋ ىسكە كىرىسىپ، تۇراقتاندىرۋ قورىن قۇردىق. ۇشاقتارمەن مەديتسينالىق قۇرالداردى، ءدارى-دارمەكتەردى جانە جەلدەتكىشتەردى ءۇندىستان مەن بەلارۋسسيادان تاسىمالدادىق. مەملەكەت باسشىسى ءدارى-دارمەكتەر مەن مەديتسينالىق زاتتاردىڭ تىركەۋسىز جانە مەملەكەتتىك تىلگە اۋدارىلماي وتكىزىلۋى تۋرالى تاپسىرما بەردى. بارلىعى 48 ميلليون پاكەت پرەپارات پەن قورعانىس قۇرالى قالاعا جەتكىزىلدى. بۇگىنگى كۇنى 24 ميلليونعا جۋىق پاكەت اينالىمدا جانە ولاردىڭ ازايمايتىن 8 ميلليون داناسى بار. قالادا ءدارى-دارمەك تاپشىلىعىن بولدىرماۋ ءۇشىن 300-دەن استام دارىحانالارعا مونيتورينگ جۇرگىزىلدى. ءبىز تاپشىلىققا جول بەرمەيمىز"، - دەپ جاۋاپ بەردى اكىم.

ساعىنتاەۆتىڭ ايتۋىنشا، جەكە ءوندىرىستى دامىتۋ قاجەت. ول ءۇشىن «يتپ» اەا اۋماعىندا فارماتسەۆتيكالىق كلاستەر قۇرىلدى، مەديتسينالىق كومەكتىڭ كەپىلدەندىرىلگەن كولەمىنىڭ بولىگى بولىپ تابىلاتىن ءدارى-دارمەكتەر، مەديتسينالىق ماقساتتاعى بۇيىمدار مەن ماڭىزدى جابدىقتار ءوندىرىسىن وقشاۋلاۋعا باستى نازار اۋدارىلاتىن بولادى.

بۇگىنگى كۇنى فارماتسەۆتيكالىق كلاستەردىڭ وكىلدەرى فارماتسەۆتيكالىق زاۋىتتاردىڭ قۇرىلىسىن باستادى. «VivaPharm» جشس سۇيىق، جۇمساق جانە قاتتى دارىلىك فورمالاردى شىعارۋعا ارنالعان وندىرىستىك كەشەندى ىسكە اسىرۋدى باستادى. ينۆەستيتسيا كولەمى 4،6 ملرد تەڭگەنى قۇرايدى. سونداي-اق، «DolcePharm» جشس جەكە قورعانىس قۇرالدارىن شىعاراتىن زاۋىت سالۋدا. ينۆەستيتسيالار كولەمى 19،5 ملرد تەڭگەنى قۇرايدى.

سونىمەن بىرگە تاعى 3 ينۆەستور فارماتسەۆتيكا ونىمدەرىن شىعارۋعا ارنالعان جوبالاردى ىسكە اسىرۋعا كىرىستى، مىسالى: «الفا مەت» جشس، «بيو ەۆرازيا» جشس جانە «ADS Industries» جشس. اتاپ ايتقاندا، شاعىن جانە ورتا بيزنەسكە ارنالعان فارماتسەۆتيكالىق ءوندىرىستىڭ يندۋستريالدى پاركى سالىنادى. جالپى ينۆەستيتسيا كولەمى 18 ميلليارد تەڭگەنى قۇرايدى.

ءدارى-دارمەكتەرمەن جانە جەكە قورعانىس قۇرالدارىمەن جابدىقتاۋ جونىندە قۇرىلعان تەتىك يمپورتقا تاۋەلدى بولماۋعا مۇمكىندىك بەرەدى جانە COVID-19-دى عانا ەمەس، سونىمەن قاتار باسقا دا اۋرۋلاردى ەمدەۋ كەزىندە ءدارى تاپشىلىعىن ازايتادى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار