بۇگىن 68 جاسىندا بەلگىلى جۋرناليست, قازاقستان جۋرناليستەر وداعى سىيلىعىنىڭ ەكى مارتە لاۋرەاتى, «التىن جۇلدىز» سىيلىعىنىڭ يەگەرى, قازاقستان اقپارات سالاسىنىڭ ۇزدىگى, قازاقستاننىڭ ەڭبەگى سىڭىرگەن قايراتكەرى نۇرتىلەۋ يمانعالي ۇلى ومىردەن وزدى.
ەڭبەك جولىن تەلەۆيزيا سالاسىندا قاتارداعى ءتىلشى بولۋدان باستاپ, دارىنى مەن تالانتىنىڭ ارقاسىندا رەداكتور, اعا رەداكتور, كوممەنتاتور, باس رەداكتور, ساياسي شولۋشى, ديرەكتوردىڭ ورىنباسارى, «حابار» اگەنتتىگىندە مودەراتور-جۇرگىزۋشى, «قازاقستان» رترك اق باسقارما توراعاسى, پرەزيدەنت اكىمشىلىگى مەن ۇكىمەت كەڭسەسىندە ءتۇرلى لاۋازىمداردا قىزمەت اتقاردى.
بۇكىل سانالى عۇمىرىن وتاندىق تەلەۆيزيا سالانىنىڭ دامۋىنا ارناعان نۇرتىلەۋ يمانعالي ۇلى «قۇرداستار», «جاستار داۋىسى», «اراي», «جادىڭدا ما, جولداس», «اينا», «جاس جىگەر», «بەتپە-بەت», «قولتاڭبا», «دىڭگەك», «كورشىلەر», «زاڭ سويلەسىن», «Nur-Tiley» سىندى اۆتورلىق باعدارلامالارى ارقىلى قالىڭ كورەرمەن ەسىندە قالدى.⠀
قازاقستان رەسپۋبليكاسى اقپارات جانە قوعامدىق دامۋ مينيسترلىگى مارقۇمنىڭ وتباسى مەن تۋعان-تۋىستارىنىڭ قايعىلارىنا ورتاقتاسىپ, كوڭىل ايتادى.
