2020 جىلى قولجەتىمدى باسپانامەن قامتاماسىز ەتۋ ماقساتىندا 2948 پاتەر بولىنگەن. سونىمەن قاتار 1 مىڭ جاس وتباسى «الماتى جاستارى» باعدارلاماسى بويىنشا جەڭىلدەتىلگەن نەسيە ارقىلى باسپاناعا قول جەتكىزدى. قالا اكىمى ب. ساعىنتاەۆتىڭ تاپسىرماسىمەن جۇمىس ىستەيتىن جاس ماماندار وسى باعدارلاماعا العاش رەت قالادا تىركەۋسىز قاتىسا الدى.
سونىمەن قاتار, «نۇرلى جەر» مەملەكەتتىك باعدارلاماسى اياسىندا جالپى اۋدانى 294,4 مىڭ شارشى مەتر بولاتىن 3902 پاتەر پايدالانۋعا بەرىلدى, بۇل 2019 جىلعى كورسەتكىشتەن 2,5 ەسە كوپ.
اعىمداعى جىلى مەملەكەتتىك جانە قالالىق باعدارلامالار اياسىندا 8292 پاتەر بولىنەدى. ونىڭ ىشىندە حالىقتىڭ الەۋمەتتىك وسال توپتارىنىڭ وكىلدەرىنە – 427 پاتەر, كوپ بالالى وتباسىلارعا – 452, جۇمىسشى جاستارعا-1050. سونداي - اق «شاڭىراق» باعدارلاماسى بويىنشا 3578 پاتەر, «كرەديتتىك باسپانا» بويىنشا - 1411, «باقىتتى وتباسى» باعدارلاماسى بويىنشا-374 پاتەر بولىنەدى. «الماتى جاستارى» باعدارلاماسى جالعاسادى, ول ارقىلى 1 مىڭ جاس الماتىلىق تۇرعىن ءۇي الا الادى.
