«بۇگىن تاڭەرتەڭ 70 جاسقا قاراعان شاعىندا قازاق تەلەۆيزياسىندا 45 جىل قىزمەت اتقارعان جۋرناليستيكا ارداگەرى نۇرتىلەۋ يمانعالي ۇلى ومىردەن ءوتتى. نۇرتىلەۋ يمانعالي ۇلى «قۇرداستار», «جاستار داۋىسى», «اراي», «جادىڭدا ما, جولداس», «اينا», «جاس جىگەر»,«بەتپە-بەت», «قولتاڭبا», «دىڭگەك», «كورشىلەر», «زاڭ سويلەسىن», «Nur-Tiley» اۆتورلىق باعدارلامالارى ارقىلى قالىڭ كورەرمەن ەسىندە قالدى» دەلىنگەن حابارلامادا.
نۇرتىلەۋ يمانعالي ۇلى 1952 جىلى الماتى وبلىسى, اقسۋ اۋدانى, دىڭگەك اۋىلىندا دۇنيەگە كەلگەن. 2006-2007 جىلدارى – «قازاقستان» رەسپۋبليكالىق تەلەراديوكورپوراتسياسى» اكتسيونەرلىك قوعامىنىڭ باسقارما توراعاسى, ودان كەيىنگى جىلدارى «قازاقستان رترك» اق باسقارما توراعاسىنىڭ كەڭەسشىسى قىزمەتتەرىن اتقاردى. كەيىنىرەك ءىزباسار شاكىرتتەر تاربيەلەدى.
بۇگىن ۇلتتىق ارنا ەفيرىنەن ەستەلىك حابارلار مەن ارنايى جوبالار بەرىلەدى.
