الەم • 16 اقپان، 2021

الەمنىڭ 15 دارىگەرى بىرلەسكەن 24 ساعاتتىق وتا جاسالدى

35 رەت كورسەتىلدى

ايگىلى Microsoft كومپانياسى الەمنىڭ ءارتۇرلى نۇكتەسىنەن كەلگەن حيرۋرگتارعا مەديتسينالىق وپەراتسيالاردىڭ ساپاسىن ارتتىرۋعا مۇمكىندىك بەرەتىن يننوۆاتسيالىق جوبالاردى ۇسىندى، دەپ حابارلايدى Egemen.kz

2021 جىلعى 10 اقپاندا الماتى قالاسىندا 13 ەلدەن كەلگەن 15 حيرۋرگ 24 ساعاتتىق ءىس-شارا اياسىندا 13 ارالاس ورتوپەديالىق وتا جاسادى. Microsoft Hوlolens 2 جانە Dynamics 365 Remote Assist تەحنولوگياسى – حيرۋرگتارعا الەمنىڭ ءتۇرلى نۇكتەلەرىندە بىرلەسىپ وپەراتسيالار جۇرگىزدى. كۇردەلى وپەراتسيالار Avicenne AP-HP كلينيكاسىنىڭ (فرانتسيا) پروفەسسورى توماس گرەگوريدىڭ باسشىلىعىمەن ءوتتى. دارىگەر تاريحتاعى العاشقى ارالاس شىنايىلىق وپەراتسياسىن 2017 جىلدىڭ جەلتوقسانىندا جاساعان. ارالاس شىندىق دەگەنىمىز – بۇل ادام، كومپيۋتەر جانە قورشاعان ورتا اراسىنداعى ءوزارا ارەكەتتەسۋ مۇمكىندىكتەرىن جۇزەگە اسىرۋعا مۇمكىندىك بەرەتىن فيزيكالىق جانە ساندىق الەمدەردىڭ ۇيلەسىمى.

پروفەسسور توماس جانە ونىڭ كومانداسى ارالاس شىنايىلىق رەجىمىندە 13 وپەراتسيا جاسادى. وپەراتسياعا فرانتسيا، ءۇندىستان، ءباا، وار، ۋكراينا، گەرمانيا، بەلگيا، ماروككو، برازيليا، بوليۆيا، مەكسيكا، اقش جانە ۇلىبريتانيا ەلدەرىنەن قاتىسقان.

HoloLens 2 جانە Dynamics 365 Remote Assist باعدارلامالىق جاساقتاماسىنىڭ ارقاسىندا ءار ەلدىڭ حيرۋرگتارىنا كەلەسى قۇرالدار قولجەتىمدى بولدى:

  • گولوگراممانىڭ كومەگى ارقىلى حيرۋرگيالىق پروتسەستەردى ۆيزۋاليزاتسيالاۋ جانە باسقارۋ;
  • وپەراتسيانى ناقتى ۋاقىت رەجيمىندە ترانسلياتسيالاۋ مۇمكىندىگى، بۇل ءارتۇرلى كلينيكالىق جاعدايلار بويىنشا ۇدەرىسكە قاشىقتىقتان جەتەكشىلىك ەتەتىن ارىپتەستەردىڭ ۇسىنىستارىن ورىنداۋعا مۇمكىندىك بەرەدى;
  • مامانداردى قاشىقتىقتان وقىتۋ، ولارعا جاڭا ءبىلىم بەرۋ.

HoloLens – قوسىمشالارعا جانە باسقا تەحنولوگيالىق شەشىمدەرگە اۆتوماتتى تۇردە قوسىلاتىن سىمسىز گولوگرافيالىق ارالاس شىنايىلىق گارنيتۋراسى. گارنيتۋرا بىرلەسىپ جۇمىس ىستەۋگە جانە پروتسەستەردىڭ ونىمدىلىگىن ارتتىرۋعا كومەكتەسەدى.

الدىڭعى مودەلدەرمەن سالىستىرعاندا، HoloLens 2 قول جەتىمدى جانە قولدانۋعا قولايلىراق. سەبەبى قولدى جانە كوزدى باقىلاۋ تەحنولوگياسى حيرۋرگتىڭ كوزقاراسىنىڭ ورنىن انىقتايدى، بۇل وعان دالىرەك جۇمىس ىستەۋگە تيىمدىرەك بولادى.

ءىس-شارانىڭ حالىقارالىق فورماتى ءارتۇرلى ەلدەردىڭ تاجىريبەلى دارىگەرلەرىنە ءوز تاجىريبەلەرىنىڭ تابىستى ناتيجەلەرىمەن ءبولىستى.

وسى ورايدا ۇندىستانداعى دينانات مانگەشكار پۋنا اۋرۋحاناسىنىڭ سپورتتىق جاراقات ءبولىمىنىڭ مەڭگەرۋشىسى، دارىگەر اشيش بابحۋلكار: «حيرۋرگيانىڭ دامۋ دەڭگەيى جوعارى دەڭگەيدەگى جەكەلەگەن ەلدەردە ماماندار ناقتى كلينيكالىق جاعدايلاردا جاقسى ناتيجەلەرگە قول جەتكىزەدى. بۇل مۇمكىندىك بىزگە جەتەكشى مامانداردىڭ تاجىريبەسىن الۋعا مۇمكىندىك بەردى، بۇل بىزگە ءوزىمىزدىڭ حيرۋرگيالىق داعدىلارىمىزدى جەتىلدىرۋگە كومەكتەسەدى»، دەپ ايتىپ ءوتتى.

ال برازيلياداعى حاراگۋا كلينيكاسىنىڭ ورتوپەد حيرۋرگى، دارىگەر برۋنو گوباتتو: «بۇل جوبانىڭ اۋقىمى ءارتۇرلى مادەنيەتتەر مەن مامانداردىڭ وكىلدەرىن ءارتۇرلى ءبىلىم قورىمەن بىرىكتىرۋ مۇمكىندىگىندە جاتىر. مەنىڭ ويىمشا، بۇل ارالاس شىنايىلىقتى حيرۋرگيالىق باعىتتا قولدانۋدىڭ ەڭ جاقسى ءتاسىلى»، دەپ ناقتىلاپ ءوتتى.

 

مەديتسيناداعى تەحنولوگيالىق يننوۆاتسيالاردىڭ قوعامداعى ءرولى

24 ساعاتتىق ونلاين-ترانسلياتسيادان باسقا حيرۋرگيالىق تاجىريبەگە دە، مەديتسينا سالاسىنىڭ بولاشاعىنا دا يننوۆاتسيالىق تەحنولوگيالاردىڭ قوسقان ۇلەسى تۋرالى دوڭگەلەك ۇستەلدە 25-كە جۋىق پىكىرتالاس ءوتتى.

دەنساۋلىق ساقتاۋ سالاسىنداعى 60-تان استام حالىقارالىق مامان ارالاس شىنايىلىقتىڭ، جاساندى زيات پەن تەحنولوگيالىق يننوۆاتسيانىڭ كۇشتى جاقتارىن تالقىلادى. بۇل پىكىرتالاستار دەنساۋلىق ساقتاۋدى ترانسفورماتسيالاۋدىڭ ماڭىزدىلىعىن اتاپ قانا قويماي، سالاداعى جاس مامانداردى وقىتۋ مۇمكىندىگىن تالقىلاۋعا مۇمكىندىك بەردى.

ءباا-ءنىڭ VPS Burjeel Medical City ورتوپەديا جانە تراۆماتولوگيا ءبولىمىنىڭ ديرەكتورى، دارىگەر راشەد ال ءشاحيننىڭ ايتۋىنشا،  HoloLens جۇمىستىڭ ادىستەمەسىن ايتارلىقتاي وزگەرتەدى. ولار ونى بولاشاق حيرۋرگتاردى وقىتۋ ءۇشىن عانا ەمەس، سونىمەن قاتار قاشىقتىقتان كومەك كورسەتۋ ءۇشىن دە قولداناتىندىقتارىن جەتكىزدى. بۇل جاڭالىق دەنساۋلىق ساقتاۋ سالاسىنداعى جاڭا كەزەڭ بولاتىنىنا سەنىم ءبىلدىردى.

وسىعان بايلانىستى فرانتسيانىڭ Avicenne AP-HP كلينيكاسىنىڭ ورتوپەد حيرۋرگى، پروفەسسور توماس گرەگوري دە پىكىر ءبىلدىردى. ول ارالاس شىنايىلىق حيرۋرگيالىق تاجىريبەنى جەتىلدىرە تۇسەتىنىن تىلگە تيەك ەتتى.

دەگەنمەن وسى ەلدەگى Microsoft كومپانياسىنىڭ مەملەكەتتىك سەكتورىنىڭ باسشىسى شارل كلاەسترۋپ: ء«بىز دەنساۋلىق ساقتاۋ سالاسى قوعام مۇددەلەرىنە قىزمەت ەتۋگە باعىتتالعان تەحنولوگيالىق يننوۆاتسيالاردى ەنگىزۋ ءۇشىن باسىم بولىپ تابىلادى دەپ سانايمىز. تەحنولوگيالاردى ءتيىمدى پايدالانۋ مەديتسينالىق ۇدەرىستىىڭ بارلىق اسپەكتىلەرىن: ناۋقاستارمەن پراكتيكالىق جۇمىس تاجىريبەسىنەن باستاپ ەمدەۋشى ماماندارعا اۋتالدى اقپاراتتى ۇسىنۋعا دەيىن قامتاماسىز ەتەدى. سوندىقتان الەمدە مەديتسينالىق كومەكتى ارتاراپتاندىرۋعا ىقپالى زور.

كوپتەگەن جىلدار بويى پروفەسسور توماس گرەگوري زاماناۋي، ءتيىمدى جانە قاۋىپسىز دەنساۋلىق ساقتاۋ جۇيەسىنە سۇيەنىپ، سونىڭ اياسىندا حيرۋرگتار وزدەرىنىڭ داعدىلارى مەن قابىلەتتەرىن جەتىلدىرە الاتىنىنا سەپتىگىن تيگىزدى.

Avicenne AP-HP ۋنيۆەرسيتەتتىك اۋرۋحاناسى يننوۆاتسيالىق تەحنولوگيالار سالاسىنداعى العاشقى ءىزاشار، سونىمەن قاتار بولاشاق پراكتيكتەردى دايارلاۋ ءۇشىن وزىق تاجىريبە ورتالىعى بولىپ تابىلادى.

2017 جىلى جۇرگىزىلگەن العاشقى ارالاس شىنايىلىق وپەراتسياسى مەن 24 ساعاتتىق جاڭا گولوگرافيالىق حيرۋرگيا ارقىلى Avicenne AP-HP سەرىكتەستەرىمەن بىرگە فرانتسيانىڭ مەديتسينالىق يننوۆاتسيالار سالاسىنداعى تاجىريبەسىن بۇكىل الەمگە تاراتۋدى جالعاستىرۋدا.

Lambs of Sorbonne Paris ۋنيۆەرسيتەتى ءوزىنىڭ پانارالىق كوزقاراسىمەن يننوۆاتسيالىق شەشىمدەردى ەنگىزۋگە ۇمتىلادى: حيرۋرگيانى تەوريالىق جانە پراكتيكالىق وقىتۋ ءۇشىن ارالاس شىنايىلىق قۇرالدارىنا نەگىزدەلگەن جاساندى زياتتى دامىتۋ. مۇندا پروفەسسور توماس گرەگوريدىڭ جەتەكشىلىگىمەن Moveo جاساندى زيات حيرۋرگيالىق ورتالىعى ورنالاسقان. Moveo HoloLens-پەن جينالعان حيرۋرگيالىق مالىمەتتەردىڭ اسەرلى كولەمىن وڭدەيدى. بۇل دەرەكتەر جاساندى زيات الگوريتمدەرىن قۇرۋعا كومەكتەسىپ قانا قويماي، حيرۋرگتارعا ناقتى ۋاقىت رەجيمىندە ولاردىڭ وپەراتسيالىق پروتسەستەرىن جاقسارتۋعا كەڭەس بەرەدى.

 

24 ساعاتتىق وپەراتسياعا قاتىسقان حيرۋرگتار:

- پروفەسسور شتەفان گرەينەر – گەرمانيا

- دوكتور دجون ەريكسون – اقش

- دوكتور دجون سلەدج – اقش

- دوكتور برۋنو گوبباتو – برازيليا

- دوكتور اشيش بابحۋلكار – ءۇندىستان

- پروفەسسور رودجەر ەمەري – ۇلىبريتانيا

- پروفەسسور ستيۆەن روش – وڭتۇستىك افريكا

- دوكتور جان-فلورين چورنوحاك – بەلگيا

- دوكتور دجابەر ال-حاليد – ءباا

- دوكتور راشەد الشايل – ءباا

- دوكتور امارا گانتە – بوليۆيا

- دوكتور ميشەل رۋيس – مەكسيكا

- پروفەسسور بەلكاسەم چاگار – ماروككو كورولدىگى

- پروفەسسور ابدەرراحيم ارفاۋي – ماروككو كورولدىگى

- دوكتور الەكساندر سترافۋن – ۋكراينا

سوڭعى جاڭالىقتار

ۇقساس جاڭالىقتار