وسى ىندەتتى جۇقتىرعاندار اراسىندا اقتوبە قالاسى, مارتوك, حرومتاۋ, مۇعالجار, شالقار اۋداندارىنىڭ تۇرعىندارى بار. 1 اقپاننان بەرى رەسەي فەدەراتسياسىنان جانە ەلىمىزدىڭ باسقا وڭىرلەرىنەن كەلگەن ازاماتتار اراسىنان دا كوروناۆيرۋس ينفەكتسياسىن جۇقتىرعان بەس جولاۋشى تىركەلدى.
قازىرگى ۋاقىتتا اقتوبە قالاسىنداعى ينفەكتسيالىق اۋرۋحانادا 76 ادام ەمدەلىپ جاتسا, مۇنداعى كەرەۋەتتىك جۇكتەلىم 17%-دى قۇرايدى. سونداي-اق 23 تۇرعىن قالاداعى كارانتيندىك ستاتسيوناردا وقشاۋلانعان.
اقپاننىڭ 6 كۇنى قالادا كوروناۆيرۋس ينفەكتسياسىنا قارسى ۆاكتسيناتسيالاۋ جۇمىستارى باستالىپ, 19 اقپاندا ونىڭ ءبىرىنشى كەزەڭى اياقتالماقشى. ەكپەنى ەڭ الدىمەن جۇرتشىلىقپەن تىعىز بايلانىستا جۇمىس ىستەيتىن قۇرىلىمداردىڭ قىزمەتكەرلەرى السا, سونىڭ ىشىندە 895 مەديتسينا قىزمەتكەرى بار.
وڭىردەگى ەپيدەميالىق جاعدايدىڭ تۇراقتىلىعىن نازارعا العان ءبىر توپ كاسىپكەر ويىن-ساۋىق ورىندارىنىڭ اشىلۋىن تالاپ ەتكەن بولاتىن. ويتكەنى ويىن-ساۋىق بيزنەسىنىڭ وكىلدەرى ءبىر جىلدان بەرى ءوز كاسىپتەرىنىڭ تۇرالاپ, نەسيەلەرىن تولەي الماي جاتقاندارىن العا تارتقان بولاتىن. ەپيدەميالىق جاعداي بىرقالىپتى بولعاندىقتان, وبلىستىڭ باس سانيتارلىق دارىگەرى شەكتەۋ شارالارى كەزەڭ-كەزەڭىمەن جۇمسارتىلاتىنىن حابارلاعان. ەڭ اۋەلى كەلۋشىلەر سانى 30 پايىزدان اسپاعان جاعدايدا مۇز ايدىندارىنىڭ اشىلۋىنا رۇقسات ەتىلەدى. مەشىتتەردەگى جۇما نامازىنا كەلۋشىلەر سانى 100 ادامنان اسپايتىن بولسا, 30 پايىزدىق تولىمدىلىقپەن رۇقسات ەتىلەدى. اۋىل مەشىتتەرى دە اشىلادى. سونداي-اق 45 پايىزدىق تولىمدىلىقپەن مەكتەپ, ورتا جانە جوعارعى وقۋ ورىندارىنداعى اسحانالار قىزمەتىنە رۇقسات ەتىلەدى. بۇل جەردە دە كەلۋشىلەردىڭ بەتپەردە رەجيمى مەن الەۋمەتتىك اراقاشىقتىقتى ساقتاۋى وتە ماڭىزدى.
شەكتەۋ شارالارى كەزەڭ-كەزەڭمەن جۇمسارتىلعاندا, باقىلاۋ توپتارىنىڭ جۇمىسى كۇشەيتىلمەكشى. ويتكەن قالاداعى كوپتەگەن ويىن-ساۋىق ورىندارى ۋاقىتتىق شەكتەۋ شارالارىن نازارعا الماي, تۇنگى ساعات 12.00-دەن كەيىن دە جۇمىستارىن جالعاستىرىپ جاتادى.
قوعامدىق باقىلاۋ توپتارى 1-15 اقپان ارالىعىندا شەكتەۋ تالاپتارىنىڭ ورىندالۋىنا 184 تەكسەرىس جۇرگىزىپ, 11 زاڭبۇزۋشىلىقتى انىقتاعان.
