پارلامەنت • 16 اقپان، 2021

سەناتورلار سوتتالعان ادامداردى بەرۋ تۋرالى زاڭ جوباسىن قارادى

14 رەت كورسەتىلدى

بۇگىن سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسى ءوتتى. وندا دەپۋتاتتار «قازاقستان رەسپۋبليكاسى مەن كورەيا رەسپۋبليكاسىنىڭ اراسىنداعى سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى» زاڭ جوباسىن تالقىلادى، دەپ حابارلايدى Egemen.kz

زاڭ جوباسى سوتتالعان ادامداردى بەرۋدە ىنتىماقتاستىقتى جاقسارتۋ ماقساتىندا ازىرلەندى، بۇل ولارعا باس بوستاندىعىنان ايىرۋ، قاماۋدا ۇستاۋ جانە بوستاندىقتان ايىرۋدىڭ باسقا دا تۇرىندە وزدەرى ازاماتتارى بولىپ تابىلاتىن مەملەكەتتە جازاسىن وتەۋگە مۇمكىندىك بەرەدى.

باس پروكۋراتۋرانىڭ مالىمەتتەرى بويىنشا، قازىرگى ۋاقىتتا كورەيا رەسپۋبليكاسىندا سوتتالعان قازاقستان ازاماتتارىنىڭ جالپى سانى 23 ادامدى قۇراپ وتىر.

«شەتەلدەردەگى ازاماتتاردى قورعاۋ – ەلىمىزدىڭ باستى مىندەتتەرىنىڭ ءبىرى. سوندىقتان شارتتى راتيفيكاتسيالاۋ سوتتالعان ادامداردىڭ ازاماتتىق قوعامعا قايتا كىرىگۋىنە ىقپال ەتەدى»، دەپ اتاپ ءوتتى سەناتور سۇلتانبەك ماكەجانوۆ.

وتىرىستا سونداي-اق «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادۆوكاتتىق قىزمەت جانە زاڭ كومەگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى دا قارالدى.

زاڭ جوباسى ازاماتتاردىڭ بىلىكتى زاڭ كومەگىن الۋ قۇقىعىن ىسكە اسىرۋ كەپىلدىكتەرىن ارتتىرۋعا، ادۆوكاتۋرا جانە زاڭ كونسۋلتانتتارى ينستيتۋتىن ودان ءارى دامىتۋعا، ولاردىڭ قىزمەتىن اۆتوماتتاندىرۋعا جانە وڭتايلاندىرۋعا باعىتتالعان.

كوميتەت توراعاسى ۆلاديمير ۆولكوۆتىڭ ايتۋىنشا، زاڭ جوباسىن قابىلداۋ قازاقستاننىڭ بارلىق اۋماعىندا ادۆوكاتتىق قىزمەتتى بىركەلكى رەتتەۋگە الىپ كەلەدى، بۇل ادۆوكاتتار كورسەتەتىن زاڭ كومەگىنىڭ ساپاسىن ارتتىرۋدى قامتاماسىز ەتۋگە ءتيىس.

زاڭ جوباسى تۇجىرىمدامالىق تۇردە ءبىرىنشى وقىلىمدا قارالدى.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار