نۇر-سۇلتان قالالىق پوليتسيا دەپارتامەنتىنىڭ مالىمەتىنشە, مونيتورينگ جۇرگىزۋ بارىسىندا ەلوردالىق پوليتسەيلەر سيىردى مۇنارا كرانىمەن كوتەرۋ فاكتىسىن انىقتادى. وقيعا 15 اقپان كۇنى ساعات 11:30-دا ج.ناجىمەدەنوۆ كوشەسىندە سالىنىپ جاتقان تۇرعىن ءۇي كەشەنىندە بولعان.
پوليتسيا قىزمەتكەرلەرى وقيعانىڭ بارلىق قاتىسۋشىلارىن انىقتادى. اتالعان فاكتى بويىنشا تەكسەرىس جۇرگىزىلۋدە. قر زاڭناماسىنا سايكەس شارا قولدانىلادى. سالىنىپ جاتقان اتالعان قۇرىلىس ۋچاسكەسىنىڭ باستىعى ولجاس ەسەنالين سيىردى قۇرباندىققا شالىپ, ەتىپ مۇقتاج ادامدارعا تاراتپاق بولعاندىقتارىن ايتادى.
