پرەزيدەنت • 15 اقپان، 2021

پرەزيدەنت: بيۋدجەتتىڭ ءاربىر تەڭگەسى ءوز ماقساتىنا جۇمسالۋى ءتيىس

226 رەت كورسەتىلدى

بيۋدجەتتىڭ ءاربىر تەڭگەسى ءوز ماقساتىنا جۇمسالۋى ءتيىس. بۇل تۋرالى پرەزيدەنت قاسىم-جومارت توقاەۆ Twitter-پاراقشاسىندا جازدى.

«پروكۋراتۋرا كارانتين جاعدايىندا زاڭدىلىقتىڭ ساقتالۋىنا، الەۋمەتتىك جانە داعدارىسقا قارسى باعدارلامالارعا بولىنگەن قارجىنىڭ جۇمسالۋىن باقىلاۋعا ەرەكشە ءمان بەرۋى قاجەت. بيۋدجەتتىڭ ءاربىر تەڭگەسى ءوز ماقساتىنا جۇمسالۋى ءتيىس»، دەدى مەملەكەت باسشىسى.

ەسكە سالايىق، بۇگىن قازاقستان پرەزيدەنتى قر باس پروكۋراتۋراسىنىڭ باسشىلىق قۇرامىمەن كەڭەس وتكىزدى. مەملەكەت باسشىسى كارانتين كەزىندە پوليتسيا مەن سانيتارلىق قىزمەت تاراپىنان ولقىلىقتار جىبەرىلەتىن بولسا، ونداي جاعدايدا پروكۋراتۋراعا بىردەن قاجەتتى شارالار قابىلداۋدى تاپسىردى.

«قازىرگى كەزەڭدە ءبىز ەكونوميكاداعى جاعىمسىز ۇدەرىستەردى جويۋعا كۇش سالىپ جاتىرمىز. وسىعان بايلانىستى كەيدە ۇلتتىق قوردىڭ قارجىسىن جۇمساۋعا تۋرا كەلەدى. سوندىقتان بۇل قاراجاتتىڭ زاڭدى جانە ورىندى يگەرىلۋى ايرىقشا ماڭىزدى. اسىرەسە، مەملەكەتتىك الەۋمەتتىك باعدارلامالار مەن داعدارىسقا قارسى شارالارعا بولىنگەن قارجىعا ەرەكشە نازار اۋدارۋ كەرەك.

سونداي-اق جالاقى، زەينەتاقى جانە جاردەماقى تولەۋ ماسەلەلەرىن ءاردايىم باقىلاۋدا ۇستاۋ قاجەت. بيۋدجەتتەن بولىنگەن ءار تەڭگە ماقساتقا ساي جۇمسالىپ، قوعامعا پايدا اكەلۋگە ءتيىس، دەگەن ەدى مەملەكەت باسشىسى.

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار