ا.س.جولدىبالينا 1978 جىلى تۋىلعان, قازاق. 2002 جىلى ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «ساياساتتانۋ» ماماندىعى بويىنشا بىتىرگەن. 2004 جىلى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ماگيستراتۋراسىن, ال 2010 جىلى دوكتورانتۋراسىن اياقتاعان.
«ساياساتتاعى اناليتيكالىق ورتالىقتار: الەمدىك تاجىريبە جانە قازاقستان» تاقىرىبىندا ديسسەرتاتسيا دايىنداپ, قورعادى. ساياساتتانۋ عىلىمدارىنىڭ PhD دوكتورى. 2013 جىلى University of East Anglia ۋنيۆەرسيتەتىندە ( ۇلىبريتانيا) «ساياسي تەحنولوگيالار» ماماندىعى بويىنشا تاعىلىمدامادان ءوتتى.
ەڭبەك جولىن 2003 جىلى س.س. سەيفۋللين اتىنداعى قازاق اگرارلىق ۋنيۆەرسيتەتىنىڭ فيلوسوفيا كافەدراسىنىڭ وقىتۋشىسى بولىپ باستاعان. ل.ن.گۋميلەۆ اتىنداعى ەۇۋ ساياساتتانۋ كافەدراسىنىڭ وقىتۋشىسى جانە دوتسەنتى بولىپ جۇمىس ىستەدى.
2008 جىلدان 2009 جىلعا دەيىن ول قازاقستان رەسپۋبليكاسى قورعانىس مينيسترلىگى اسكەري-ستراتەگيالىق زەرتتەۋلەر ورتالىعىنىڭ ستراتەگيالىق زەرتتەۋلەر دەپارتامەنتىنىڭ ديرەكتورى قىزمەتىن اتقاردى. 2014 جىلى كونكۋرس بويىنشا ول قازاقستان رەسپۋبليكاسى پرەزيدەنتى جانىنداعى قسزي-عا عىلىمي قىزمەتكەر بولىپ قابىلداندى جانە بىرتىندەپ اعا جانە باس عىلىمي قىزمەتكەر لاۋازىمدارىنا تاعايىندالدى.
2016 جىلدىڭ مامىر ايىنان باستاپ قسزي نەگىزگى قۇرىلىمدارىنىڭ ءبىرى – الەۋمەتتىك-ساياسي زەرتتەۋلەر ءبولىمىنىڭ ء(اسزب) عىلىمي-تالدامالىق جانە ۇيىمداستىرۋشىلىق قىمەتىنە باسشىلىق جاساپ كەلەدى.
الۋا جولدىبالينا – ەلىمىزگە تانىمال ساراپشى-ساياساتتانۋشى, بۇقارالىق اقپارات قۇرالدارىندا قازاق جانە ورىس تىلدەرىندە بەلسەندى سۇقبات بەرىپ, عىلىمي-زەرتتەۋ جانە پەداگوگيكالىق قىزمەتپەن جەمىستى اينالىسادى, وتىزدان استام جاريالانىمداردىڭ, مونوگرافيالاردىڭ, سونداي-اق عىلىمي جوبالاردىڭ, ۇجىمدىق كىتاپتار مەن وقۋ قۇرالدارىنىڭ اۆتورى. كادرلىق وزگەرىستەرگە بايلانىستى الەۋمەتتىك-ەكونوميكالىق زەرتتەۋلەر ءبولىمىنىڭ باستىعى كارىموۆا جاننا كارىمقىزى الەۋمەتتانۋلىق زەرتتەۋلەر ءبولىمىنىڭ باستىعى بولىپ تاعايىندالدى.
ج.ك.كارىموۆا – «الەۋمەتتانۋ» ماماندىعى بويىنشا Ph.D, ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلوسوفيا جانە ساياساتتانۋ فاكۋلتەتىن, ليۋمەر ليون-2 ۋنيۆەرسيتەتىنىڭ (فرانتسيا) ماگيستراتۋراسى جانە دوكتورانتۋراسىن بىتىرگەن, ۇجىمدىق مونوگرافيالاردىڭ, ادىستەمەلىك وقۋلىقتاردىڭ, 40-تان استام عىلىمي جاريالانىمداردىڭ اۆتورى, مەملەكەتتىك جاستار ساياساتى, حالىقتىڭ ءومىر ءسۇرۋ ساپاسى مەن دەڭگەيىن باعامداۋ سالاسى بويىنشا 30-دان استام سوتسيولوگيالىق زەرتتەۋلەردى ۇيىمداستىرۋعا جانە وتكىزۋگە اتسالىسقان.
