فوتو اۆتورى: ماكسيم زولوتۋحين
بۇل باسقارما قارقىندى دامىپ جاتقان كرەاتيۆتى ەكونوميكانى ەسكەرە وتىرىپ قۇرىلىپ وتىر. الەمدىك تاجىريبەگە قارايتىن بولساق, شىعارماشىلىق پەن مادەنيەت سالاسى اقپاراتتىق جانە يننوۆاتسيالىق تەحنولوگيالارىمەن بىرىگىپ دامىپ وتىرسا, بۇل سالالالار ودان ءارى وركەندەي تۇسەدى.
جاڭا باسقارمانىڭ نەگىزگى مىندەتى – كرەاتيۆتى يندۋستريا سالاسىندا زاماناۋي, ەڭ ۇزدىك شىعارماشىلىق جۇمىستارعا قولداۋ كورسەتىپ, ولاردى ساقتاۋعا, جاڭا ءونىم شىعارىپ, ولاردى جاريا ەتۋگە ارنالعان كرەاتيۆتى ورتانى قالىپتاستىرۋ, سونداي-اق, كرەاتيۆتى يندۋستريانىڭ ونىمدەرىنە جوعارى سۇرانىستى قامتاماسىز ەتىپ, كرەاتيۆتى جۇمىس كەڭىستىكتەردى دامىتۋ بولىپ تابىلادى. سونىمەن قاتار, باسقارما ۇلتتىق ۆاليۋتانى نىعايتۋدىڭ نەگىزگى سەبەبىنىڭ ءبىرى, ياعني زياتكەرلىك ءونىمنىڭ ەكسپورتتىق قۇرامداس بولىگىن ارتتىرۋ بويىنشا جۇمىس جۇرگىزەدى.
كرەاتيۆتى يندۋستريالار باسقارماسى اقپاراتتىق, ءبىلىم بەرۋ, عىلىمي-زەرتتەۋ تەحنولوگيالارىن جانە وسى زامانعى وزىق تاجىريبەلەر مەن ادىستەردى ەنگىزۋ ارقىلى مادەنيەت مەكەمەلەرىنىڭ قىزمەت كورسەتۋ ساپاسىن ارتتىرۋ; مادەنيەت مەكەمەلەردى قۇرامىندا ويىن-ساۋىق كەشەنى بار زاماناۋي, كوپفۋنكتسيونالدى جانە تۇتىنۋشى تالاپتارىنا ساي الەۋمەتتىك ورتالىقتارىنا اينالدىرۋ; مادەنيەت پەن ويىن-ساۋىق ينفراقۇرىلىمىن دامىتۋ ماقساتىندا جەكە ينۆەستيتسيالاردى جانە باسقا دا قارجىلاندىرۋ كوزدەرىن تارتۋعا جاعداي جاساۋ; «يۆەنت-برەندتەر», قالاداعى ءىس-شارالاردى وتكىزۋ مەن ءتۇرلى مادەنيەت ونىمدەرىنە قولداۋ كورسەتۋ ارقىلى قالانىڭ تۋريستىك, ينۆەستيتسيالىق جانە مادەني تارتىمدىلىعىن ارتتىرىپ, الەمدىك مادەني كەڭىستىگىنە ەنۋ باعىتىنداعى جوبالاردى قولدايدى.
كرەاتيۆتى يندۋستريالار باسقارماسىنىڭ قۇرىلۋى مادەنيەت پەن جالپى شىعارماشىلىقتىڭ وركەندەۋىنە عانا ەمەس, سونىمەن قاتار, تۋريستەر سانىنىڭ ارتۋىنا ىقپال ەتىپ, الەمگە تانىمال شىعارماشىلىق تۇلعالاردىڭ ارقاسىندا بۇكىل ەلىمىزدىڭ ءيميدجىن كوتەرۋگە ىقپال ەتەتىن بولادى.
بۇل جوسپاردىڭ ءبارى شىعارماشىلىق سەكتوردى كوممەرتسيالاندىرۋ, زياتكەرلىك الەۋەتتى دامىتۋ جانە شىعارماشىلىق ءوندىرىستى كەڭەيتۋ ارقىلى جۇزەگە اسىرىلاتىن بولادى.
