قازاقستان • 15 اقپان، 2021

وتاندىق كاسىپكەرلەردى قولداۋدىڭ II فورۋمى

32 رەت كورسەتىلدى

نۇر-سۇلتاندا Samruk Business Forum اتتى «سامۇرىق-قازىنا» ۇلتتىق ءال-اۋقات قورى ۇيىمداستىرعان وتاندىق كاسىپكەرلەردى قولداۋدىڭ ەكىنشى فورۋمى ءوتتى. جيىنعا پرەزيدەنت قاسىم-جومارت توقاەۆ، پرەمەر-مينيستر اسقار مامين، پرەزيدەنت اكىمشىلىگىنىڭ باسشىسى ەرلان قوشانوۆ پەن ۇكىمەت مۇشەلەرى، «سامۇرىق – قازىنا» قورىنىڭ باسقارما توراعاسى احمەتجان ەسىموۆ جانە وزگە دە بيزنەس-قاۋىمداستىق وكىلدەرى قاتىستى.

2018 جىلدان باستاپ قور ۇزاق مەرزىمدى وففتەيك-كەلىسىم­شارتتار جاساي وتىرىپ، قازاقستاندا بالاماسى جوق جاڭا وندىرىستەر قۇرۋدى ىنتا­لاندىراتىن يمپورتتى الماس­تىرۋ باعدارلاماسىن ىسكە اسىرىپ كەلەدى. بۇل رەتتە وتاندىق كاسىپكەرلەرگە ەلى­مىز­دە ءوندىرىستى جولعا قويۋ ۇسى­نىل­سا، قور ءوز تاراپىنان ولاردى ورتا مەرزىمدى پەرسپەكتيۆادا ساتىپ الۋعا كەپىلدىك بەرەدى.

جيىندا ءسوز العان قور توراعاسى احمەتجان ەسىموۆ پاندەميا كەزىندە وتاندىق وندىرۋشىلەردى قولداۋ جانە ساتىپ الۋ جۇيەسىن جەتىلدىرۋ بويىنشا قور قابىلداعان شارالاردىڭ تيىمدىلىگىن اتاپ ءوت­تى. «پاندەمياعا دەيىن وت­كەن جىلدىڭ قاڭتار ايىندا قوردىڭ وتاندىق وندىرۋ­شى­لەردى قولداۋ جونىندەگى ءىس-شارالار كەشەنىن جۇزەگە اسىرۋ تۋرالى قابىلداعان شە­شىمى، بىرىنشىدەن، ۋاقتىلى، ەكىن­شىدەن، شىن مانىندە ناتيجەلى بولدى. بۇل بىزگە قازاقستاندىق وندى­رۋشىلەردى قولداۋدىڭ قالىپ­تاسقان جاڭا مودەلى تۋرالى ايتۋعا تولىق نەگىز بەرەدى، ونىڭ اياسىندا ەلدەگى ىسكەرلىك بەلسەندىلىكتى ىنتالاندىرۋ بويىنشا بىرنەشە جوبا ىسكە اسىرىلۋدا»، دەدى ا.ەسىموۆ.

سونداي-اق قور توراعاسى «ساتىپ الۋدى ساناتتىق باس­قا­رۋدى» ەنگىزۋدىڭ تيىم­دى­لىگىن اتاپ ءوتتى. ساتىپ الۋ­دىڭ بۇل ءتۇرى تاۋارلاردىڭ بەل­­گىلى ءبىر تۇرلەرى بويىنشا كومپانيالاردىڭ جالپى قا­جەت­تىلىگىن شوعىرلاندىرۋعا جانە جەتكىزۋشىلەر پۋلىن انىق­­تاۋعا مۇمكىندىك بەرەدى. بۇل تەتىك تەك وندىرۋشىلەردەن عانا ساتىپ الۋدى قامتاماسىز ەتىپ، دەلدالداردىڭ قاتىسۋىن بولدىرماۋعا ىقپال ەتەدى. 2018-2020 جىلدار ارالى­عىن­دا 37 قازاقستاندىق وندىرۋ­شىمەن 246 ملرد تەڭگەگە سە­رىكتەستىك تۋرالى ستراتە­گيا­لىق كەلىسىمدەر جاسالدى. سا­تىپ الۋدى ستراتەگيالىق باس­قا­رۋدى ىسكە اسىرۋدان قور كوم­پا­نيالارى توبىنىڭ ەكو­نو­ميكالىق پايداسى 69 ملرد تەڭگەنى قۇرادى.

قور ءبىر كوزدەن ساتىپ الۋ نەگىزدەرىن قايتا قاراستىرىپ، با­سەكەلەس ورتانى كەڭەيتۋ ارقىلى قازاقستاندىق وندىرۋ­شىلەردى قولداۋدى جۇزەگە اسىرادى. قور ءبىر كوزدەن ساتىپ الۋ نەگىزدەرىن قايتا قارادى جانە ولاردى 37 پايىزعا ازايت­تى. ال حولدينگىشىلىك ساتىپ الۋ بويىنشا پوزيتسيالار 4500 پوزيتسيادان 207-گە دەيىن، ياعني 22 ەسەگە قىسقاردى. ىسكە اسىرىلعان كەشەندى شارا­لاردىڭ ناتيجەسى 280 مىڭ ادامدى جۇمىسپەن قامتۋعا مۇمكىندىك بەردى. قور تاپسىرىستارى ەسەبىنەن سالىق تولەمدەرىنىڭ كولەمى شامامەن 170 ملرد تەڭگەگە جەتكەن. قور كومپانيالارىنىڭ 410 ملرد تەڭگەنى ۇنەمدەۋى – قابىلدانعان شارالاردىڭ تىكەلەي قارجىلىق ناتيجەسى.

جوعارىدا اتالعان تەتىكتەر­مەن قاتار، قور پاندەميا كەزىندە «اتامەكەن» پالاتاسىمەن بىرلەسىپ، كاسىپكەرلەردى ناقتى قولداۋ شارالارىن قابىلدادى. جوبالىق قۇجات­تا­مانى جوبالاۋ كەزىندە قازاق­س­تاندىق ءونىمدى مىندەتتى تۇردە قولدانۋ، مەردىگەردىڭ قازاقستاندىق ماتەريالداردى قولدانباعانى ءۇشىن ايىپپۇل تۇرىندەگى جاۋاپكەرشىلىگىن بەلگىلەۋ، كەمىندە 30% مولشە­رىندە الدىن الا تولەمنىڭ قاراس­تىرىلۋى جانە ونى تولەۋ مەرزىمىن 10 كۇنگە دەيىن قىسقارتۋ – ونىڭ ءبىر ايعاعى. ودان وزگە سىبايلاس جەمقورلىق تاۋەكەلدەرىن تومەن­دەتۋ، كاسىپكەرلەر ءۇشىن بارىنشا اشىق پروتسەدۋرالاردى قالىپتاستىرۋ ماقساتىندا قىزمەتتەردى تسيفرلاندىرۋ شارالارى قابىلدانعانىن اتاپ وتكەن ءجون.

قابىلدانعان شارالار ەل ەكونوميكاسى ءۇشىن كۇردەلى كەزەڭدە وتاندىق كاسىپكەرلىكتى قولداۋعا مۇمكىندىك بەردى. «قاراپايىم زاتتار ەكونوميكاسى» سالالارى بويىنشا كورسەتكىشتەر – وسىنىڭ ءبىر ايعاعى. ماسەلەن، 2020 جىلى وتاندىق كاسىپكەرلەردەن ساتىپ الۋ ۇلەسى 83%-دى قۇرادى، بۇل كورسەتكىش 2019 جىلى 45%-عا تەڭ بولعان. ماشينا جاساۋ سالاسى 30%-دان 79%-عا، ياعني 2 ەسە ارتتى.

قور باسشىسى ەل پرەزي­دەنتىنە تۇرالاپ قالعان وندى­رىستەردى قولداۋعا باعىت­تالعان جاڭا جوبانى تانىستىردى. بۇل جوبادا قورعا قاراستى كومپانيالار توبىنىڭ قاجەت­تىلىگى ءۇشىن تاۋارلاردى ساتىپ الۋ ءۇشىن تىكەلەي شارت جاساۋ قاراستىرىلعان. بۇل باعىتتا جەرگىلىكتى اتقارۋشى ورگاندارمەن بىرلەسە وندىرگەن تاۋارىن وتكىزە الماي جۇرگەن كاسىپورىنداردىڭ ءتىزىمىن قا­لىپ­تاستىرۋ ۇسىنىلىپ وتىر. سول ارقىلى قور تو­بىن­داعى كومپانيالار قا­جەت­تى تاۋارلاردى ساتىپ السا، كا­سىپورىندار جۇمىس ورىندارىن ساقتاپ قالادى جانە وندىرىستىك قۋاتتىلىقتارىن ارتتىرادى. بۇل ءادىس بويىنشا 37 كاسىپورىنعا جاسالعان الدىن الا تالداۋ قولداۋ ناق­تى كورسەتىلگەن كەزدە ون­دى­رىستىك قۋاتتىلىقتاردىڭ جۇك­تەمەسى 35-تەن 85%-عا دەيىن ارتاتىنىن، تۇرالاپ قالعان 1 900 جۇمىس ورنى قالپىنا كەلتىرىلىپ، جاڭا 780 جۇمىس ورنى قۇرىلاتىنىن كورسەتىپ وتىر. قوسىمشا سالىق اۋدا­رىم­دارىنىڭ كولەمى 5،5 ملرد تەڭگەنى قۇرايدى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

ۇقساس جاڭالىقتار