ۆەدومستۆونىڭ مالىمەتىنشە, اۋدان ورتالىعىندا ورنالاسقان نىساننىڭ اشىلۋىنا پوليتسيا دەپارتامەنتىنىڭ باستىعى گەنەرال-مايور ارمانبەك بايمۋرزين قاتىستى.
ۋچاسكەلىك پوليتسيا بەكەتى اقكول ورمان شارۋاشىلىعى, ەرنازار, رادوۆكا, رودنيكي ستانتسياسى سياقتى ەكى اكىمشىلىك ۋچاسكە مەن اۋىل تۇرعىندارى ءۇشىن قولجەتىمدى.
اۋدان اكىمدىگى ۋچاسكەلىك پوليتسيا پۋنكتىن اشۋعا قولداۋ ءبىلدىرىپ, سپورت مەكتەبىنىڭ عيماراتىنان بولمە بەرگەن ەكەن. بۇل ازاماتتاردىڭ پوليتسياعا جۇگىنۋ پروتسەسىن ەداۋىر جىلدامداتادى, سونداي-اق ولارعا زاڭدىلىق پەن قۇقىقتىق ءتارتىپتى بۇزۋشىلىقتار تۋرالى ۋاقتىلى حابارلاۋعا مۇمكىندىك بەرەدى.
«قوعامدىق ءتارتىپتى قامتاماسىز ەتۋدە ۋچاسكەلىك ينسپەكتورلاردىڭ ءرولى زور. ولار ازاماتتارمەن بارىنشا تىعىز قارىم-قاتىناستا بولادى جانە اكىمشىلىك ۋچاسكەدە تۇرعىندارىنىڭ پروبلەمالارىن شەشۋدە جەرگىلىكتى اتقارۋشى ورگاندارعا كومەك كورسەتەدى. بۇرىن ۋچاسكەلىك ينسپەكتورلار اۋداندىق پوليتسيا ءبولىمىنىڭ بازاسىندا جۇمىس ىستەگەن. ەندى ولارعا شالعاي اكىمشىلىك ۋچاسكەلەردىڭ تۇرعىندارىنا جەتۋ جەڭىل بولادى. ۋچاسكەلىك ينسپەكتورلاردىڭ وزدەرى تۇرعىندارمەن ءتيىمدى جۇمىس ىستەي الادى», دەدى ۆەدومستۆودان.
ايتا كەتەيىك, اتالمىش ۋچاسكەلىك پوليتسيا پۋنكتىندە ءتارتىپ ساقشىلارىنا حالىقپەن جۇمىس ىستەۋى ءۇشىن بارلىق جاعداي جاسالعان. قاجەتتى كەڭسە اتريبۋتتارى, مونيتور بار, وسى ارقىلى قالا كوشەلەرىندە ورنالاسقان بەينەباقىلاۋ كامەرالارىنان تىكەلەي بەينە كورىنىستەردى باقىلاپ وتىرۋعا بولادى.
ۋچاسكەلىك پوليتسيا پۋنكتىنە پوليتسيا كاپيتانى سايات سەيىتحوجين پەن قاتارداعى پوليتسيا دانيار سوۆەتوۆ بەكىتىلدى.
وسى جەردە پوليتسيا دەپارتامەنتىنىڭ باستىعى گەنەرال-مايور ارمانبەك بايمۋرزين ۋچاسكەلىك پوليتسيا ينسپەكتورلارىمەن بىرگە ازاماتتارعا جەكە قابىلداۋ وتكىزدى. قابىلداۋعا كەلگەن جاقىن ماڭداعى ەلدى مەكەندەردىڭ تۇرعىندارى كوشى-قون, تابيعاتتى قورعاۋ زاڭناماسى سالاسىنداعى ماسەلەلەردى كوتەردى, سونداي-اق, ۋچاسكەلىك پوليتسيا ينسپەكتورلارى مەن يۋۆەنالدى پوليتسيا ينسپەكتورلارىنا العىس ءبىلدىردى.
ۆەدومستۆودان اتاپ وتكەندەي, الداعى ۋاقىتتا اقكول اۋدانىندا پوليتسيا ءبولىمىنىڭ جاڭا عيماراتىن سالۋ جوسپارلانىپ وتىر.
بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز https://www.inform.kz/kz/akmola-oblysynyn-akkol-audanynda-uchaskelik-policiya-punkti-ashyldy_a3753033
