وتىرىس جۇمىسىنا «الەۋمەتتىك مەديتسينالىق ساقتاندىرۋ قورى» كەاق باسقارما توراعاسىنىڭ ورىنباسارى ءلازات اقتاەۆا قاتىستى.
جيىن بارىسىندا ءمامس پاكەتى شەڭبەرىندە قالا تۇرعىندارىن مەديتسينالىق قىزمەتتەرمەن قامتۋدى كەڭەيتۋ, ساقتاندىرۋ مارتەبەسىن, اسىرەسە كاسىپكەرلىك سۋبەكتىلەر قىزمەتكەرلەرىن وزەكتەندىرۋ ماسەلەلەرى قارالدى.
قوردىڭ الماتى فيليالىنىڭ ديرەكتورى تىلەۋحان ابىلداەۆتىڭ ايتۋىنشا, قالا بويىنشا 183 دەنساۋلىق ساقتاۋ سۋبەكتىلەرىمەن تمككك اياسىندا جانە ءمامس جۇيەسىندە قىزمەت كورسەتۋ شارتتارى جاسالعان. قارجىلاندىرۋ كومەكتىڭ بارلىق تۇرلەرى بويىنشا, ونىڭ ىشىندە العاشقى مەديتسينالىق-سانيتارلىق كومەك بويىنشا - 7%-عا, پروفيلاكتيكالىق تەكسەرۋلەر - 162%-عا, كونسۋلتاتسيالىق - دياگنوستيكالىق قىزمەتتەر بويىنشا - 49%-عا, ونكوگەماتولوگيا بويىنشا - 17%-عا, گەمودياليز بويىنشا - 6%-عا, ستاتسيوناردى الماستىراتىن كومەك-13%-عا, ستاتسيونارلىق كومەك-8%-عا, قالپىنا كەلتىرۋ ەمى-63%-عا, پاللياتيۆتىك كومەك-12%-عا, الەۋمەتتىك ءمانى بار اۋرۋلار بويىنشا ءوسىم-18%-عا ۇلعايدى.
مەملەكەت باسشىسىنىڭ تاپسىرماسىن ورىنداۋ بارىسىندا COVID-19 كوروناۆيرۋسىمەن كۇرەس اياسىندا ەپيدەمياعا قارسى ءىس-شارالاردى جۇرگىزۋگە تارتىلعان مەديتسينا قىزمەتكەرلەرىن ىنتالاندىرۋ جانە قولداۋ ءۇشىن قاراجات ءبولىندى. الماتى قالاسى بويىنشا مەديتسينالىق ۇيىمداردىڭ قىزمەتكەرلەرىنە 2020 جىلدىڭ ناۋرىز-جەلتوقسان ايلارى ارالىعىندا جالپى سوماسى 16,7 ملرد تەڭگەگە ىنتالاندىرۋ تولەمدەرى جۇرگىزىلدى. 1 قىزمەتكەرگە بەرىلگەن تولەمنىڭ ورتاشا سوماسى 328 033 تەڭگەنى قۇرايدى.
اقپاراتتىق جۇيەلەردىڭ دەرەكتەرى بويىنشا حالىقتى ءمامس جۇيەسىمەن قامتۋ بويىنشا وڭ ديناميكا بايقالادى. 2020 جىلدىڭ 1 تامىزىنان باستاپ جىل سوڭىنا دەيىنگى كەزەڭدە الماتى قالاسى بويىنشا ساقتاندىرىلماعان ادامداردىڭ سانى 22,6-دان 15%-عا قىسقاردى.
شاعىن جانە ورتا بيزنەس سۋبەكتىلەرى جۇمىسكەرلەرىنىڭ تىزىمدەرىن وزەكتەندىرۋ ماڭىزدى ماسەلە بولىپ قالا بەرەدى. الماتى قالاسى بويىنشا 2020 جىلدىڭ سوڭىنا دەيىن ءمامس تولەۋدەن بوساتىلعان شوب سانى – 116 604. ولاردىڭ 68,2%-ى ءوز قىزمەتكەرلەرىنىڭ تىزىمدەرىن وزەكتەندىردى نەمەسە ءمامس ءۇشىن اۋدارىمدار مەن جارنالاردى تولەدى. «Saqtandyry» اج-نە شاعىن جانە ورتا بيزنەس سۋبەكتىلەرىنىڭ وسى قىزمەتكەرلەر دەرەكتەرىن ەنگىزۋ مەرزىمى 2021 جىلعى 1 توقساننىڭ سوڭىنا دەيىن ۇزارتىلدى.
بۇدان باسقا, تمككك جانە ءمامس پاكەتتەرىندە مەديتسينالىق قىزمەتتەردى الۋ ماسەلەلەرى بويىنشا مەديتسينا قىزمەتكەرلەرىنىڭ ءبىلىم دەڭگەيىن, سونداي-اق ساقتاندىرىلۋ مارتەبەسىن انىقتاۋعا باعىتتالعان «قۇپيا پاتسيەنت» جوباسىنىڭ قورىتىندىلارى ايتىلدى. وسىلايشا, 26 مەديتسينالىق ۇيىمدار اراسىندا پاتسيەنتتەردىڭ قاناعاتتانۋ يندەكسى «وتە جوعارى» - 81-100%, قالعان 34-ءى «جوعارى» دەپ بەلگىلەندى. تىركەۋ ءبولىمى مەن CALL-ورتالىقتاردا مەديتسينا قىزمەتكەرلەرىنىڭ ەتيكاسى مەن ءبىلىم دەڭگەيىن ارتتىرۋ بويىنشا جۇمىس جالعاسۋدا.
وتىرىس بارىسىندا قالالىق قوعامدىق دەنساۋلىق ساقتاۋ, كاسىپكەرلىك جانە ينۆەستيتسيالار باسقارمالارىنىڭ, اۋداندىق اكىمدىكتەردىڭ, مەملەكەتتىك كىرىستەر دەپارتامەنتىنىڭ, «اتامەكەن» كاسىپكەرلەر پالاتاسى باسشىلارى, مەديتسينالىق مەكەمەلەردىڭ باس دارىگەرلەرى تىڭدالدى.
قالا اكىمىنىڭ ورىنباسارى, وڭىرلىك شتابتىڭ جەتەكشىسى ەرجان باباقۇماروۆ وتىرىستى قورىتىندىلاپ, بىرقاتار تاپسىرمالار بەردى. كاسىپكەرلىك جانە ينۆەستيتسيالار باسقارماسى «اتامەكەن» پالاتاسىمەن جانە مكد-مەن بىرلەسىپ, بيزنەس سۋبەكتىلەرى جەلىسى بويىنشا دەرەكتەردى ءتۇسىندىرۋ جانە وزەكتەندىرۋ بويىنشا جۇمىستى كۇشەيتۋى قاجەت. العاشقى مەديتسينالىق-سانيتارلىق كومەك ۇيىمدارىنىڭ باسشىلارىنا قالا تۇرعىندارىن ءمامس جۇيەسىنە تىركەۋ جانە اقپاراتتىق جۇيەلەردەگى دەرەكتەردىڭ دۇرىس تولتىرىلۋىن, سونداي-اق امبۋلاتوريالىق ءدارى-دارمەكپەن قامتاماسىز ەتۋ ماسەلەلەرىن ەرەكشە باقىلاۋعا الۋ تاپسىرىلدى.
سونىمەن قاتار, مەديتسينالىق مەكەمە باسشىلارىنا قىزمەت كورسەتۋ ەرەجەلەرىن بۇزعانى, اسىرەسە جازبالاردى تىركەۋ جانە ءىس جۇزىندە كورسەتىلمەگەن قىزمەتتەردى تىركەگەندەرى ءۇشىن جاۋاپكەرشىلىككە تارتىلاتىندارى تۋرالى ەسكەرتىلدى.
ءوز كەزەگىندە, «الەۋمەتتىك مەديتسينالىق ساقتاندىرۋ قورى» كەاق باسقارما توراعاسىنىڭ ورىنباسارى ءلازات اقتاەۆا ساقتاندىرىلعان تۇلعالاردىڭ سانىن ارتتىرۋ جانە مەديتسينالىق قىزمەتتەردى ۇزدىكسىز كورسەتۋدى قامتاماسىز ەتۋ ءۇشىن تولەمدەر مەن جارنالار بويىنشا بەرەشەكتەرگە جول بەرمەۋدىڭ ماڭىزدىلىعىن اتاپ ءوتتى.
