پرەزيدەنت • 12 اقپان، 2021

پرەزيدەنت پارامەن ۇستالعان سۋدياعا قاتىستى پىكىر ءبىلدىردى

966 رەت كورسەتىلدى

قازاقستان پرەزيدەنتى قاسىم-جومارت توقاەۆ سىبايلاس جەمقورلىقتى سوت جۇيەسىنە دەگەن سەنىمگە سەلكەۋ ءتۇسىرىپ وتىرعان نەگىزگى فاكتورلاردىڭ ءبىرى دەپ سانايدى، دەپ حابارلايدى Egemen.kz

تەك سوڭعى 5 جىلدىڭ ىشىندە سىبايلاس جەمقورلىق فاكتىسى ءۇشىن فەميدانىڭ 17 وكىلى جاۋاپقا تارتىلعان. تۇركىستان وبلىسىندا سوتتالعان القا توراعاسى مەن وبلىستىق سوتتىڭ سۋدياسىنا قاتىستى جەمقورلىق دەرەكتەرى قوعامدا ۇلكەن شۋ تۋعىزدى.

«وسىدان بىرەر كۇن بۇرىن ماسقارا جاعداي بولدى. جوعارى سوت كەڭەسىنىڭ بۇرىنعى مۇشەسى، سونداي-اق، اۋداندىق سوتتىڭ توراعاسى بولعان، 30 جىلدىق ەڭبەك ءوتىلى بار جوعارعى سوتتىڭ سۋدياسى ۇستالدى. بۇل وقىس وقيعا جۇرتتىڭ بارىنە بەلگىلى. اتالعان جاعداي قوعامدى تەڭسەلتىپ كەتتى. جوعارى سوت كەڭەسىنىڭ جانە جوعارعى سوتتىڭ باسشىلىقتارى وسى وقيعادان ساباق الىپ، قاجەتتى شەشىم شىعارۋى كەرەك دەپ ويلايمىن. وسى كەزەڭ ىشىندە سوت قازىلارى القاسىنىڭ شەشىمىمەن 29 سۋديا تەرىس ءىس-ارەكەتتەرى ءۇشىن قىزمەتتەرىنەن بوساتىلعان. جالپى سۋديالاردىڭ قاتارىن تازالاۋ جۇمىستارى بەلسەندى جۇرگىزىلىپ جاتقانى بايقالادى. بۇل ۇدەرىستى مۇلدە توقتاتۋعا بولمايدى. ءبىز سۋديالارعا دەگەن قالىپتاسقان تەرىس كوزقاراستى وزگەرتۋىمىز كەرەك. فەميدانىڭ بارلىق قىزمەتكەرى زاڭدىلىقتىڭ، ساتىلمايتىندىقتىڭ، كاسىبيلىكتىڭ ۇستەم قۇرۋىنا قىزمەت ەتۋى ءتيىس. سوندا عانا ءبىز قۇقىقتىق مەملەكەت جانە ادىلەتتى قوعام قۇرا الامىز»، دەدى قاسىم-جومارت توقاەۆ.

وسىعان بايلانىستى بۇگىن مەملەكەت باسشىسى سوت جۇيەسىن جاڭعىرتۋ ماسەلەلەرى جونىندە كەڭەس وتكىزدى. 

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار