قازاقستان بياتلونشىلار وداعى (قبو) ۇزاق ۋاقىت بويى حالىقارالىق بياتلونشىلار وداعىمەن تىعىز بايلانىستا.
2019 جىلى الەم چەمپيوناتى كەزىندە قبو پرەزيدەنتى ەرمەك قيزاتوۆ باستاعان قازاقستاندىق دەلەگاتسيا شۆەتسيانىڭ ەستەرسۋند قالاسىندا IBU پرەزيدەنتى وللە دالينمەن كەزدەستى. كەزدەسۋ بارىسىندا قازاقستاندا IBU جاسوسپىرىمدەر اراسىنداعى الەم چەمپيوناتىن وتكىزۋگە ءوتىنىم بەرىلدى.
«كەشە عانا تەحنيكالىق كوميتەت پەن حالىقارالىق بياتلونشىلار وداعىنىڭ باسقارما مۇشەلەرى ششۋچينسك قالاسىندا جاسوسپىرىمدەر اراسىنداعى الەم چەمپيوناتىن وتكىزۋ تۋرالى شەشىم قابىلداعانىن راستايمىز.
ۇلتتىق وليمپيادا كوميتەتىنىڭ (ۇوك) حالىقارالىق سپورت ۇيىمدارىنىڭ قولداۋىنىڭ ارقاسىندا قازاقستاندا بەدەلدى ءارى اۋقىمدى ءىس-شارانى وتكىزۋ مۇمكىندىگىنە قول جەتكىزىلدى.
الەمنىڭ 50-دەن استام ەلىنەن سپورتشىلار قاتىسادى دەپ كۇتىلۋدە. بۇل ءبىزدىڭ ەلىمىز ءۇشىن بياتلوندى جاڭا دەڭگەيگە كوتەرۋدەگى تاماشا مۇمكىندىك بولىپ سانالادى», - دەپ ءتۇسىندىردى قازاقستان بياتلونشىلار وداعىنىڭ پرەزيدەنتى ەرمەك قيزاتوۆ.
بياتلوننان قازاقستان قۇراماسى جىل سايىن الەم كۋبوگى مەن IBU كۋبوگىنىڭ بارلىق كەزەڭىنە قاتىسىپ كەلەدى. بياتلوننان ايەلدەر ەستافەتاسىنىڭ ۇلتتىق قۇراماسى الەم كۋبوگىنىڭ VII كەزەڭىنىڭ قورىتىندىسى بويىنشا قازىر 14/ورىندا, ال كوماندا كوشباسشىسى گالينا ۆيشنەۆسكايا ايەلدەر اراسىنداعى جەكە جارىستىڭ قورىتىندىسى بويىنشا 9-ورىنعا يە بولدى.
ششۋچينسك قالاسىندا شاڭعى-بياتلون بازاسى 2018 جىلى اشىلدى. IBU تاراپىنان سەرتيفيكاتتاۋدان ءوتىپ, حالىقارالىق جارىستاردى وتكىزۋ ءۇشىن «ا» ساناتىن الدى.
