بارلىق اتاۋلى الەۋمەتتىك كومەك تاعايىنداۋعا ءوتىنىش جەدەل تۇردە ۇزارتىلدى. ناتيجەسىندە 3,3 مىڭ وتباسىنىڭ الەۋمەتتىك كومەك الۋ مەرزىمى ۇزارتىلدى. اكىمشىلىك تاراپىنان مۇنداي شۇعىل شارالاردىڭ قاشىقتان ۇيىمداستىرىلۋى كارانتين كەزىندە كوروناۆيرۋستىق ينفەكتسيادان ساقتانۋعا مۇمكىندىك بەرەدى.
تاعى ءبىر ايتا كەتەتىن جايت, كومەك الۋعا العاش ءوتىنىش بىلدىرگەن ازاماتتار ەلەكتروندىق ۇكىمەت پورتالىنىڭ قىزمەتىنە جۇگىنە الادى. بيىلعى جىلدىڭ باسىنان بەرگى ارالىقتا وسى تىزىمگە 259 وتباسى كىرگەن.
بۇدان بۇرىن ءمالىم بولعانىنداي, ااك الۋشىلارعا كومەك تاعايىنداۋ وتكەن جىلدىڭ II, III جانە IV توقساندارىندا تج رەجىمى مەن كارانتيندىك شەكتەۋ شارالارىنىڭ قولدانىلۋىنا بايلانىستى ۇزارتىلعان بولاتىن. وتكەن جىلدىڭ IV توقسانىندا 5,1 مىڭ وتباسىعا ااك تاعايىنداۋ اۆتوماتتى تۇردە ۇزارتىلدى. اتاۋلى الەۋمەتتىك كومەك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى.
