ۇلتتىق قوعامدىق سەنىم كەڭەسىنىڭ ءۇشىنشى وتىرىسىندا سويلەگەن سوزىندە مەملەكەت باسشىسى ق.توقاەۆ ۇكىمەتكە جوعارى وقۋ ورىندارى وقىتۋشىلارىنىڭ جالاقىسىن ارتتىرۋ ماسەلەسىن قاراۋدى تاپسىرعان بولاتىن.
وسىعان سايكەس, قازۇۋ باسقارما توراعاسى-رەكتور قىزمەتىنە كىرىسكەن جانسەيىت تۇيمەباەۆ شۇعىل شەشۋدى تالاپ ەتەتىن ءبىرىنشى كەزەكتەگى ماسەلە رەتىندە وقىتۋشىلار مەن قىزمەتكەرلەردىڭ جالاقىسىن كوتەرۋدى قاراستىرىپ, بارلىق قىزمەتكەردىڭ جالاقىسىن 20 پايىزعا كوتەرۋ تۋرالى جەدەل شەشىم قابىلدادى.
بۇل شارا قىزمەتكەرلەردى الەۋمەتتىك قولداۋعا جانە ولاردىڭ ءال-اۋقاتىن جاقسارتۋعا, سونداي-اق وقىتۋشى ماماندىعىنىڭ بەدەلىن ارتتىرۋعا باعىتتالعان.
